აყვავებული რესპუბლიკა: ჯედაების ნათება არის რომანი, რომლის ავტორია ჩარლზ სოული. იგი გამოიცა Del Rey-ს მიერ, 2021 წლის 5 იანვარს, აყვავებული რესპუბლიკის გამოცემების კამპანიის ფარგლებში. რომანის მოვლენები ვითარდება ფარულ საფრთხემდე ორი ასწლეუულით ადრე, ხოლო მთავარი პერსონაჟია ჯედაი ევარ კრისი. აგრეთვე გამოიცა მისი აუდიოვერსია.

შეჯამება გამომცემლობისგან[edit | edit source]

პირველ ორდენამდე, იმპერიამდე და ფარულ საფრთხემდე დიდი ხნით ადრე...ჯედაებმა გალაქტიკას აყვავებულ რესპუბლიკაში გზა გაუნათეს.

ეს ოქროს ხანაა. უშიშარი ჰიპერსივრცული მზვერავები რესპუბლიკის მასშტაბებს ყველაზე შორეულ ვარსკვლავებამდე აფართოებენ. სამყაროები სენატის კეთილმოსურნე ხელმძღვანელობით ყვავიან და სუფევს მშვიდობა, რომელსაც სადარაჯოზეა ჯედაებად ცნობილი ძალის მცოდნეთა სიბრძნე და ძალ-ღონე. სანამ ჯედაები ძლევამოსილების მწვერვალზე არიან, გალაქტიკის თავისუფალი მოსახლეები ნებისმიერი ქარიშხლისგან გადარჩენაში დარწმუნებულები არიან. მაგრამ ყველაზე ძლიერ ნათებასაც ახლავს ჩრდილი, ზოგიერთ ქარიშხალს კი მომზადებაც ვერ შველის.

როდესაც ჰიპერსივრცული შოკისმომგვრელი კატასტროფა ხომალდს ნაწილებად აქცევს, კატასტროფის შემდეგ წარმოქმნილი შრაპნელი მთელ სისტემას საფრთხეს უქმნის. როგორც კი განგაშის სიგნალი გაისმის, ადგილზე ჩადიან ჯედაები, მაგრამ წარმონაქმნის მასშტაბი ჯედაების ზღვარამდე მისაყვანად საკმარისია. როდესაც ცა იხსნება და მათი დახმარებით შექმნილ მშვიდობიან კავშირზე ნგრევები იწყება, ჯედაები გადასარჩენად უნდა ენდონ ძალას, რა დროსაც ერთი შეცდომაც მილიარდ სიცოცხლეს შეიწირავს.

სანამ ჯედაები უბედურებას გაბედულად ებრძვიან, რესპუბლიკის საზღვრებს მიღმა წარმოიქმნება რაღაც ნამდვილად სასიკვდილო. ჰიპერსივრცული კატასტროფა უფრო ავბედია, ვიდრე იგი ჯედაებს წარმოუდგენიათ. საფრთხე წყვდიადში იმალება, შორს, და მალავს საიდუმლოს, რომელიც ჯედაისაც დააფრთხობს.

სიუჟეტის შეჯამება[edit | edit source]

დიდი კატასტროფა[edit | edit source]

სატვირთო ხომალდი "მემკვიდრეობის რეისი", კაპიტან ჰედა კესეტის მეთაურობით, გადაადგილდება გარე რკალის ტერიტორიების მიმართულებით. გემზე გალაქტიკის ზღვარისკენ მიმავალი 9000 მგზავრი და ტვირთი. კესეტი ახორციელებს ტრადიციულ, ყოველდღიუს შემოწმებას. იგი ნორჩ სერჟ უკარიანს ასაკისთვის შეუსაბამო ჰოლოჩანაწერების დათვალიერების გამო ჰკიცხავს და ამოწმებს, არის თუ არა თხევადი ტიბანას ტვირთი დაცული. "ბოგაზე" დაბრუნების შემდეგ ხდება უცნაური რამ: ჰიპერსივრცეში, მათ წინ, მოძრაობს ობიექტი და მასთან შეჯახებამდე წამებია დარჩენილი. კესეტი ცდილობს, ხომალდი შეჯახებას აარიდოს, მაგრამ დაძველებული "მემკვიდრეობის რეისი" საუკუნეზე მეტი ხნის არის და მხოლოდ ის რჩებათ, მგზავრთა გადამწყვან ნაწილებში მოსახვედრი ყველა კარი დაკეტონ. რამდენიმე წამის შემდეგ ხომალდი ნაწილებად იხლიჩება.

ჰეტზალის სისტემაში სკანირების ტექნიკოსები მერვენ გეტერი და ველ კერანი გარე სისტემის სადამკვირვებლო სადგურზე იმყოფებიან. პირველი მათგანი საქმით არის დაკავებული, მეორე ისვენებს. ამ დროს კოსმოსში ჩნდება მთელი რიგი ახალი ობიექტების. რადგან მათი გამოჩენა დაუგეგმავია, ორივე ხვდება, რომ ვარსკვლავური სისტემა საფრთხეშია. ჰეტზალ-პრაიმისკენ იგზავნება გაფრთხილება, თუმცა კოსმოსური სადგური იშლება და ყველა იღუპება ოპერატორების მაქომდე მიღწევამდე.

ჰეტზალის ზედაპირზე მინისტრი ზეფრენ ეკა შეიტყობს მოსალოდნელი კატასტროფის შესახებ. ტექნიკოს კევენ ტარის დახმარებით იგი გალაქტიკურ რესპუბლიკას უგზავნის განგაშის შეტყობინებას, რასაც შუქურა "ვარსკვლავური ნათებისკენ" მიმავალი "დესპანის" კლასის კრეისერ "მესამე ჰორიზონტიდან" გამოეხმაურება ოსტატი ჯედაი ევარ კრისი. როგორც კი კრეისერი სისტემაში ჩნდება, მას ტოვებს მრავალი ვექტორი და რესპუბლიკური სხივგრძელი, მათში გადანაწილებულებს კი ძალის მეშვეობით "მესამე ჰორიზონტიდან" კრისი უკავშირდება.

ოსტატი ჯედაი ლოდენ გრეიტსტორმი და პადავანი ბელ ზეტიფარი ჰეტზალ-პრაიმზე ყველაზე ადრე ჩადიან, რათა ადგილობრივს ევაკუაციაში დახმარება გაუწიონ. შემოღობილ კომპლექსთან ისინი აღმოაჩენენ შეიარაღებულ დაცვას, რომელიც ხალხს კოსმოსურ ხომალდში შესვლის საშუალებას არ აძლევს. გრეიტსტორმი, როგორც ჯედაი, მათ გონებაზე ზემოქმედებით, აიძულებს, სხვები ხომალდზე შეუშვან, დიდგვაროვან ოჯახთან, რომლის წევრებს პლანეტიდან გაქცევა დამოუკიდებლად სურთ. ამ მცდელობისას ისინი ებრძვიან მაროდიორ მეკობრეთა ჯგუფსაც, რომელიც ხალხში არეულობის გამოწვევას ცდილობს. ამასობაში ჯედაი ტე'ამი, მიკელ სუტმანი და ნიბ ესეკი, უკანასკნელის პადავან ბარიაგა აგაბურისთან ერთად, ჯოს და პიკა ედრენის დახმარებით, ცდილობენ ნაყოფიანი მთვარისკენ მიმავალი სახიფათო ნაწილების განადგურებას. ამ დროს ბარიაგა გრძნობს, რომ ხომალდზე ცოცხალი არსებები იმყოფებიან. ამის შესახებ ევარ კრისს ატყობინებენ, რომელიც მიაგნებს ხომალდის სულ ათ სხვადასხვა ნაწილს. იგი ყველას ატყობინებს, რომ აუცილებელია მათი მყოფი ხალხის გადარჩენა.

გადარჩენის მისიისას რესპუბლიკის თავდაცვის კოალიაციის კაპიტანი ფინიელ ბრაიტი თავს გასწირავს, რათა მისმა ქვემდგომებმა, ინამინმა და პიპლზმა, მზის ბატარეა 22-X-იდან მოასწრონ დაჭრილების გადარჩენა. ამის შემდეგ ხომალდი ფეთქდება მასზე დარჩენილ კაპიტანთან ერთად. კრისი ამასობაში იაზრებს, რომ რაღაც გამორჩა. ხომალდისგან მოწყვეტილი ერთ-ერთი ნაწილი აღმოჩნდება თხევადი ტიბანით სავსე ავზი, რომელიც სულ მალე შეეჯახება სისტემის უდიდეს მნათობს. ადმირალი კრონარა კრისს განუმარტავს, რომ, ვინაიდან ვარსკვლავი განეკუთვნება R-კლასს, მასთან ავზის შეჯახების შედეგად, მნათობის ზომები ორჯერ გაიზრდება, რაც გამოიწვევს ძლიერ რადიაციას და სისტემაში ყოველივე არსებულის განადგურებას.

მორიგი ევაკუაციის პარალელურად ევარი კვლავ მიმართავს სისტემაში მყოფ ჯედაებს. მათი ერთობლივი ძალისხმევით იგი ცდილობს ავზის შეჩერებას და მისი კურსიდან აცდენას. ამოცანა რთულად განხორციელებადი და დაღმლელია. ზოგიერთი ჯედაი, მაგალითად რა ბაროჩი, იღუპება იმის გამო, რომ მთელ ფიზიკურ და გონებრივ ძალას მას ახმარს. ევარი მოულოდნელად კარგავს კავშირს ავზთან, თუმცა მას კვლავ აღადგნეს ესტალა მარუ. საბოლოოდ, ჯედაები ავზს წარმატებით მართავენ — თავდაპირველად ვარსკვლავის ფოტოსფეროში შესული, იგი საბოლოოდ შორდება — გახურებული, მაგრამ დაუზიანებელი. კევენ ტარი ჰოლონეტით გალაქტიკას ჯედაების მცდელობის შესახებ აუწყებს. სისტემა გადარჩენილია.

თუმცა, უბედურება არ დასრულებულა. მეორე დღეს აბ-დალის სისტემაში ხდება პირველი წარმონაქმნი. "მემკვიდრეობის რეისის" შვიდი ნამტვრევი სისტემაში ჩნდება. ექვსი მას გაივლის რამე ზიანის მიყენების გარეშე, მაგრამ მეშვიდე აბ-დალისზე ეცემა და ოც მილიონ ცოცხალ არსებას ანადგურებს. ამის შემდეგ გარელოს ტექნოლოგიების ხელმძღვანელი ლორენს გარელო გადაწყვიტავს, კომპანიას და თანამშრომლებს პლანეტა დროებით დაატოვებინოს. გზად მათ თავს ესხმიან — და არა მხოლოდ მეკობრეები: დარტყმას ახორციელებენ ნიჰილები. განსაკუთრებით საზარელი ტერორისტი მაროდიორების რაზმთან შეტაკებისას, როგორც წესი, ცოცხალი თითქმის არავინ რჩება. ამ შემთხვევაში, შეტაკებას ლორენს გარელო ეწირება.

უწყვეტობა[edit | edit source]

პერსონაჟი ევარ კრისი პირველად გამოჩნდა კომიქსში კაილო რენის აღზევება 3 (რომლის ტექსტის ავტორია ჩარლზ სოული), 2020 წლის 12 თებერვალს.[4]

მედია[edit | edit source]

გამოცემები[edit | edit source]

გარეკანების გალერეა[edit | edit source]

გამოჩენები[edit | edit source]

[დამალვა/ჩვენება]
ტიპის მიხედვით
 
პერსონაჟები არსებები დროიდების მოდელები მოვლენები ადგილები
ორგანიზაციები და წოდებები გონიერი არსებები ტრანსპორტი იარაღები და ტექნოლოგია სხვადასხვა

პერსონაჟები (დაბრუნება ↑)


არსებები (დაბრუნება ↑)

დროიდები (დაბრუნება ↑)

მოვლენები (დაბრუნება ↑)

ადგილები (დაბრუნება ↑)

ორგანიზაციები და წოდებები (დაბრუნება ↑)

გონიერი რასები (დაბრუნება ↑)

ტრანსპორტი (დაბრუნება ↑)

იარაღი და ტექნოლოგიები (დაბრუნება ↑)

სხვა (დაბრუნება ↑)


შენიშვნები და სქოლიო[edit | edit source]

  1. 1.0 1.1 PenguinRandomHouse.jpg ვარსკვლავური ომები: ჯედაების ნათება (აყვავებული რესპუბლიკა) Penguin Random House-ის ოფიციალურ საიტზე (შენახული ვერსიის ბმული) (მაგარი ყდა) Cite error: Invalid <ref> tag; name "Penguin-Hardcover" defined multiple times with different content
  2. 2.0 2.1 EdelweissPlus-Logo.png ვარსკვლავური ომები: ჯედაების ნათება (აყვავებული რესპუბლიკა) Edelweiss+-ის ოფიციალურ საიტზე (შენახული ვერსიის ბმული)
  3. როგორც ჩანს წიგნიდან ვარსკვლავური ომების წიგნი, შუქურა "ვარსკვლავური ნათება" გაუშვეს ახალი იმედის მოვლენებამდე 232 წლით ადრე. ეს იგივეა, რაც დათარიღების სისტემა, რომელსაც იყენებს ვარსკვლავური ომები: გალაქტიკური ატლასი. აყვავებული რესპუბლიკა: ჯედაების ნათება აღწერს შუქურა "ვარსკვლავური ნათების" გაშვებას, რაც ნიშნავს, რომ რომანის მოვლენებიც დაახლოებით ამავე დროს ვითარდება.
  4. MarvelLogo.svg ვარსკვლავური ომები: კაილო რენის აღზევება (2019) #3 Marvel Comics-ის ოფიციალურ საიტზე (არქივის ბმული)
  5. PenguinRandomHouse.jpg ვარსკვლავური ომები: ჯედაების ნათება (აყვავებული რესპუბლიკა) Penguin Random House-ის ოფიციალურ საიტზე (შენახული ვერსიის ბმული) (ელექტრონული წიგნი)
  6. BNlogo.png ჯედაების ნათება (B&N-ის ექსკლუზიური გამოცემა) Barnes & Noble-ის ოფიციალურ საიტზე (შენახული ვერსიის ბმული) (Barnes and Noble-ის ექსკლუზიური გამოცემა)

ბმულები[edit | edit source]


ვარსკვლავური ომები: აყვავებული რესპუბლიკა
წიგნები რომანები: ჯედაების ნათება (აუდიოწიგნი) · მოახლოებული ქარიშხალი (აუდიოწიგნი)
რომანები ახალგაზრდებისთვის: წყვდიადისკენ (აუდიოწიგნი) · წყვდიადიდან
საბავშვო რომანები: სიმამაცის შემოწმება (აუდიოწიგნი) · გარბენა კოშკ "შეჯახების წერტილამდე"
აუდიოსპექტაკლები ქარიშხლის მაცნე
კომიქსები და მანგა აყვავებული რესპუბლიკა · აყვავებული რესპუბლიკა: თავგადასავლები
მწვერვალის ტაძრის ურჩხული (1) · წონასწორობის ზღვარი (1)
მოთხრობები ერთად წავიდეთ: პირველი ნაწილი · მეორე ნაწილი · პირველი მოვალეობა: პირველი ნაწილი · მეორე ნაწილი · დამალული საფრთხე
საბავშვო წიგნები ჯედაების დიდი გადარჩენა · შეტაკება ბაზრობაზე
სხვა მასალა ციფრული სემპლერი · პერსონაჟები · The High Republic Show
რედ.
Community content is available under CC-BY-SA unless otherwise noted.