ბლასტერული შაშხანები წარმოადგენდნენ იარაღს, რომელიც სხვა ბლასტერებთან შედარებით (მაგალითად ბლასტერულ პისტოლეტთან შედარებით უფრო მძლავრი იყო). შაშხანებს სხვადასხვა ფრაქციის წარმომადგენელი იყენებდა.[1] იმპერიული ჯარის მოიერიშეები იყენებდნენ მოდელ E-11-ის შაშხანებს. რესპუბლიკის აღდგენის ალიანსი იყენებდა სხვადასხვა ტიპის ბლასტერს, ვინაიდან იარაღის წარმოებას საშუალება არ ჰქონდა. თუმცა, მათ არსენალში იყო A280-ები — ალიანსის სტანდარტული შაშხანები.[2]
ბლასტერული შაშხანის სიგრძე მერყეობდა — მოკლე E-11-დან და DC-15A-დან უფრო გრძელ A280-მდე და DC-15-მდე. ყველა შაშხანა აღჭურვილი იყო დასამიზნით, ცეცხლის გახსნის ავტომატური რეჟიმით და სხვა ფუნქციებით. ბლასტერული შაშხანების სხვა ტიპებს შორის[3] აღსანიშნავია ბლასტერული კარაბინები,[4] მსუბუქი ავტომატური ბლასტერები,[5] და სნაიპერის შაშხანები.[1]
