FANDOM

...დიდი ხნის წინ...
...დიდი ხნის წინ...
5,783 Pages
Add new page
in:
სტატიები კანონიკურ საკითხებზე, გალაქტიკური რესპუბლიკა

გალაქტიკური რესპუბლიკა

Edit
Share
Premium-Eras-canon
ამ სტატიაში ან გვერდზე აღწერილია გალაქტიკური რესპუბლიკა. იხილეთ აგრეთვე ძველი რესპუბლიკა, რომელიც არსებობდა გალაქტიკურ რესპუბლიკამდე და ეწოდებოდა ასე გალაქტიკური იმპერიის აღზევებამდე, ან ახალი რესპუბლიკა, რომელიც ჩამოყალიბდა ამბოხებულთა ალიანსის მიერ..

გალაქტიკური რესპუბლიკა, ცნობილი უბრალოდ რესპუბლიკის სახელწოდებით, ხოლო მოგვიანებით — როგორც ძველი რესპუბლიკა, იყო ვარსკვლავური სისტემების დემოკრატიული კავშირი, რომელიც გალაქტიკას მართავდა ათასობით წლის განმავლობაში, გალაქტიკური იმპერიის აღზევებამდე. კორუსანტზე მდებარე გალაქტიკური სენატიდან რესპუბლიკას დემოკრატიული წესით არჩეული უზენაესი კანცლერი ხელმძღვანელობდა, ხოლო იცავდნენ ჯედაები. ვინაიდან მათი ამოცანა მშვიდობის და სამართლიანობის შენარჩუნება იყო, გალაქტიკამ ფარტომასშტაბიანი ბრძოლების გარეშე იარსება, რითაც რესპუბლიკაში ათასწლეულის განმავლობაში მშვიდობა სუფევდა. იავინის ბრძოლამდე 22 წელს, რესპუბლიკის ჩამოყალიბებიდან დაახლოებით ათასი წლის შემდეგ შიდა კრიზისის გამო ერთმანეთს დაუპირისპირდნენ ძველი დემოკრატია და დამოუკიდებელი სისტემების კონფედერაცია, არაღიარებული სახელმწიფო, რომელიც ნაბუზე შეჭრის შემდგომ წარმოშობილი სეპარატისტული მოძრაობებისგან შედგებოდა.

კლონთა ომების დროს რესპუბლიკა აღიჭურვა სამხედრო ძალებით, რაც დაიწყო რესპუბლიკის დიდი ჯარის მობილიზაციით. ჯედაების მეთაურობით, რესპუბლიკის დაქვემდებარებაში მყოფი კლონი ჯარისკაცების გალაქტიკის სხვადასხვა წერტილში დისლოკაცია უზრუნველყოფდა რესპუბლიკის ერთგული პლანეტების უსაფრთხოებას და მიზნად ისახავდა სეპარატისტული ამბოხების დახშობას. ომის მსვლელობასთან ერთად, სენატის ავტორიტეტი შეირყა კანცლერ შივ პალპატინის ქმედებების შედეგად. იგი ყველასთვის ფარულად იყო სითი ლორდი დართ სიდიუსი, რომელმაც გადაწყვიტა რესპუბლიკისა და ჯედაების დამხობა. კლონთა ომების უკანასკნელ დღეებში მისი განკარგულებით აღასრულეს ბრძანება 66 — საიდუმლო პროტოკოლი, რითაც კლონებმა უღალატეს ჯედაებს და მოკლეს ისინი, მას შემდეგ, რაც თავად ჯედაებმა სიდიუსი გამოაშკარავეს. მათ გარეშე გალაქტიკა სითების მმართველობას დაექვემდებარა. სიდიუსმა გამოაცხადა ახალი წესრიგის დასაწყისი. ამრიგად, რესპუბლიკა გალაქტიკურ იმპერიად გარდაიქმნა.

სიდიუსი, როგორც გალაქტიკური იმპერატორი, ზეობდა და გააფართოვა იმპერიული სამხედრო ძალები. მიუხედავად იმისა, რომ ორი ათწლეულის განმავლობაში იმპერიული სენატის არსებობა შეინარჩუნა, მან იგი დაშალა სიკვდილის ვარსკვლავის დასრულებასთან ერთად, იავინის ბრძოლამდე 0 წელს. ამრიგად, მან წაშალა იმპერიაში არსებული რესპუბლიკის უკანასკნელი კვალიც. მიუხედავად ამისა, იმპერია დამარცხდა რამდენიმეჯერ — ჯაკუს ბრძოლაში, რესპუბლიკის აღდგენის ალიანსთან ბრძოლისას, იავინის ბრძოლიდან ხუთი წლის და იმპერატორის დაღუპვიდან ერთი წლის თავზე, როდესაც მოხდა ენდორის ბრძოლა. გალაქტიკურ სამოქალაქო ომში გამარჯვების შემდეგ ახალი რესპუბლიკის დაარსებით დაიწყო ახალი ეპოქა, რომელიც გაგრძელდა ოცდაათ წელიწადს, ჰოსნიანის კატაკლიზმის მოვლენებამდე (34 იბშ).

გამოჩენები

არაკანონიკური გამოჩენები

შენიშვნები და სქოლიო

  1. ↑ 1.0 1.1 1.2 1.3 1.4 1.5 StarWars-DatabankII გალაქტიკური რესპუბლიკა Databank-ში (შენახული ვერსიის ბმული)
  2. ↑ 2.0 2.1 ვარსკვლავური ომები, ეპიზოდი III: სითების შურისძიება
  3. ↑ TCW mini logo ვარსკვლავური ომები: კლონთა ომები – კრიზისი გულში
  4. ↑ ვარსკვლავური ომები, ეპიზოდი II: კლონთა იერიში
  5. ↑ 5.0 5.1 ტარკინი
  6. ↑ კატალიზატორი: განდევნილი ერთი: რომანი
  7. ↑ ვარსკვლავური ომები, ეპიზოდი I: ფარული საფრთხე
  8. ↑ 8.0 8.1 შედეგები
  9. ↑ TCW mini logo ვარსკვლავური ომები: კლონთა ომები – მანდალორული შეთქმულება
  10. ↑ ვარსკვლავური ომების პროპაგანდა: გალაქტიკის დამაჯერებელი ხელოვნების ისტორია
  11. ↑ Entertainment Weekly-ს განდევნილი ერთის სრული ცნობარი
  12. ↑ ვარსკვლავური ომები: გალაქტიკური ატლასი
  13. ↑ შედეგები (გვ. 56: "...თვეებით ადრე, რაც ენდორის ბრძოლა დასრულდა." / გვ. 357: "...ეს ერთი თვე აქ იყავი, კომაში.")
მოძიებულია "https://starwars.fandom.com/ka/wiki/%E1%83%92%E1%83%90%E1%83%9A%E1%83%90%E1%83%A5%E1%83%A2%E1%83%98%E1%83%99%E1%83%A3%E1%83%A0%E1%83%98_%E1%83%A0%E1%83%94%E1%83%A1%E1%83%9E%E1%83%A3%E1%83%91%E1%83%9A%E1%83%98%E1%83%99%E1%83%90?oldid=164158"-დან
Community content is available under CC-BY-SA unless otherwise noted.