FANDOM


Premium-Eras-canon

გრივუსი იყო კალიში გენერალი, დროიდების არმიის უზენაესი მეთაური და დამოუკიდებელი სისტემების კონფედერაციის მთავარსარდალი კლონთა ომების პერიოდში. მართალია, თავდაპირველად იყო ჩვეულებრივი მეომარი პლანეტა კალიდან, გადაწყვიტა, ორგანოების უმეტესობა ჩაენაცვლებინა კიბერნეტიკული ნაწილებით, რათა საბრძოლო უნარები გაეძლიერებინა. გრაფ დუკუსადმი დაქვემდებარებულმა, მან ყოფილი ჯედაისგან შეისწავლა სინათლის მახვილის გამოყენების ხელოვნება და მეთაურობდა დროიდების სეპარატისტულ არმიას. სასტიკი ხასიათის წყალობით, მისი გალაქტიკურ რესპუბლიკაში ეშინოდათ. მან მრავალი ჯედაიც კი დაამარცხა და მათი სინათლის მახვილების ერთგვარი კოლექციაც კი შეაგროვა. მრავალჯერ შერკინებია ასოკა ტანოს და მაგისტრ ჯედაი ობი-ვან კენობის, იქცა რა უკანასკნელის დაუძინებელ მტრად.

გრივუსის მეთაურობით დროიდების არმია მთელ გალაქტიკას მოედო. დუკუს შეგირდ ასაჟ ვენტრესთან ერთად გრივუსმა განახორციელა თავდასხმა კამინოზე, რაღა შეეჩერებინა კლონების წარმოება. წარუმატებლობის მიუხედავად, ამ ოპერაციის შედეგად ტიპოკას კლონირების ტექნიკის დიდი ნაწილი დაზიანდა, რამაც რესპუბლიკას ზარალი მიაყენა. მოგვიანებით, დუკუს განკარგულებით, გრივუსი დათომირზე გაემგზავრა და ღამის დების ალქაჯების კლანს შეეჯახა. უკანასკნელთა უმეტესობა ბრძოლისას განადგურდა — გადარჩნენ მხოლოდ შერცხვენილი ვენტრესი და კლანის მეთაური, დედა ტალზინი. მას შემდეგ, რაც დართ მოლი გამოჩნდა, გრივუსი ამ უკანასკნელსაც დაუპირისპირდა. ზაბრაკს მან აიძულა უკან დახევა, მოკლა ტალზინი და საბოლოოდ დაშალა მოლის საზარელი ჩრდილების კოლექტივი.

ომის მიწურულს გრივუსმა კორუსანტზე იერიში განახორციელა და დაიპყრო უზენაესი კანცლერი პალპატინი. ეს უკანასკნელი, ფარულად გრივუსის მასწავლებელი, დართ სიდიუსი, მის ხომალდზე იყო გამოკეტილი. თუმცა, მას შემდეგ, რაც დუკუ ანაკინ სკაიუოკერის მიერ იქნა მოკლული, გრივუსმა უკან დაიხია და გარე რკალში მდებარე უტაპაუზე დასახლდა. მისი ადგილსამყოფელი ჯედაების უზენაეს საბჭოს პალპატინმა შეატყობინა. ობი-ვან კენობი, საბჭოს დავალებით, გაემგზავრა, იპოვა გენერალი და მოკლა იგი.

შენიშვნები და სქოლიო

Community content is available under CC-BY-SA unless otherwise noted.