 |  |
- "რესპუბლიკის გალაქტიკური სენატის სახელით, თქვენ დაპატიმრებული ხართ, კანცლერო."
- ―მეის უინდუ მიმართავს კანცლერ პალპატინს
კლონების ომების მიწურულს და მას შემდეგ, რაც ცნობილი გახდა, რომ უზენაესი კანცლერი შივ პალპატინი ფარულად დართ სიდიუსი, სითების ბნელი ლორდი იყო, მეის უინდუს და ჯედაების საბჭოს წევრებს და სიდიუსს შორის უკანასკნელის კაბინეტში, კორუსანტზე, მოხდა დუელი სინათლის მახვილებით. სიდიუსმა მალევე მოკლა ოსტატი ჯედაები ეგენ კოლარი, სეისი ტიინი და კიტ ფისტო, მაგრამ უინდუსთან დაპირისპირება უფრო ხანგრძლივი იყო. მათი ბრძოლა გაგრძელდა მანამ, სანამ უინდუ სით ლორდს ძირს დასცემდა.
უინდუ მტერს ერთ ადგილზე სინათლის მახვილით აკავებდა, რა დროსაც კაბინეტში გამოჩნდა რაინდი ჯედაი ანაკინ სკაიუოკერი. მართალია, მას უინდუსგან მიღებული ჰქონდა მითითება, ჯედაების ტაძრიდან არსად გასულიყო, კანცლერის კაბინეტისკენ მაინც გაეშურა, ვინაიდან ფიქრობდა, რომ ძალის ბნელი მხარით ცოლის, პადმე ამიდალას, მშობიარობისას გადარჩენას შეძლებდა. უინდუმ პალპატინი და სითები დამარცხებულებად გამოაცხადა, რაზეც პასუხად სიდიუსმა მისი მიმართულებით ძალის ელვის ნაკადი გაუშვა. უინდუმ შეძლო მისგან თავის დაცვა და ელვა, არეკლილი, კვლავ სიდიუსის სხეულს დაუბრუნდა, რამაც სითი ლორდის გარეგნობა სრულიად შეცვალა.[1]
ანაკინმა სცადა, დაერწმუნებინა უინდუ სითი ლორდის დაპატიმრების აუცილებლობაში (როგორც თავდაპირველად იყო დაგეგმილი), მაგრამ უინდუ მიხვდა, რომ სენატიც და სასამართლო სისტემაც სიდიუსის ხელში იყო და იგი მართლმსაჯულებას თავს ნებისმიერ შემთხვევაში აარიდებდა. თქვა რა, რომ პალპატინის ცოცხლად დატოვება სახიფათო იყო, უინდუმ მისი მოკვლა დააპირა, თუმცა, სკაიუოკერის თქმით, ეს არასწორი და ჯედაებისთვის მიუღებელი იქნებოდა. მან განაცხადა, რომ სიდიუსი სჭირდებოდა და, როდესაც უინდუმ მახვილი აღმართა, ანაკინმა მას თავად დაარტყა და მოჰკვეთა ხელი, რომლითაც სინათლის მახვილი ეკავა, რამაც სიდიუსს საშუალება მისცა, ოსტატი ჯედაი დაემარცხებინა და საბოლოოდ მოეკლა.
ამ შეტაკების შემდეგ ანაკინმა პალპატინს ერთგულება აღუთქვა და გახდა სითი ლორდი დართ ვეიდერი. ჯედაების მიერ მოკვლის მცდელობის გამო პალპატინმა უფრო მარტივად განახორციელა გალაქტიკის დაპყრობის გეგმა. ჯედაებს მან მოღალატეები უწოდა. რესპუბლიკის დიადმა არმიამ მისგან მიიღო ბრძანება 66, რომლის შედეგად განადგურდა ჯედაების ორდენი. მოგვიანებით მან საკუთარ თავს გალაქტიკური იმპერატორი უწოდა გალაქტიკური რესპუბლიკა გალაქტიკურ იმპერიად აქცია, რომლის მმართველობამ გალაქტიკაში ორ ათწლეულზე მეტი მოიცვა.
გამოჩენები[]
არაკანონიკური გამოჩენები[]
LEGO-ს ვარსკვლავური ომები: დროიდების ისტორიები — "კრიზისი კორუსანტზე" (მოგონებებიდან)
წყაროები[]
- ვარსკვლავური ომები: გალაქტიკური ატლასი
- Star Wars Helmet Collection 10 Highlights of the Saga: Birth of an Empire
- Star Wars Helmet Collection 15 Highlights of the Saga: Palpatine Unmasked
- Star Wars Helmet Collection 16 Highlights of the Saga: The Fall of the Jedi
- Star Wars Helmet Collection 18 Databank A-Z: First Order–Fyrnocks
- დართ ვეიდერი: სითი ლორდი|დართ ვეიდერი: სითი ლორდი]]
- Star Wars Helmet Collection 33 Databank A-Z: Admiral Kilian–Kowakian
- ვარსკვლავური ომების სინათლის მახვილები: ძალის იარაღების ცნობარი (მხოლოდ გამოსახულება)
- ვარსკვლავური ომები: სრული ვიზუალური ლექსიკონი, ახალი გამოცემა
- Star Wars Helmet Collection 72 Databank A-Z: Mace Windu (მხოლოდ ირიბი ხსენება)
- სრული ვარსკვლავური ომები: ახალი გამოცემა
- ვარსკვლავური ომები: ჯედაების საიდუმლოებანი
- ვარსკვლავური ომები: სკაიუოკერის აღზევება: ვიზუალური ლექსიკონი
- "Shattered" Episode Guide - The Clone Wars StarWars.com-ზე (არქივის ბმული)
- ვარსკვლავური ომები: სინათლის მახვილების კოლექცია
- "ადგილი საბჭოში" — Star Wars Insider 199
- Agen Kolar Databank-ში (არქივის ბმული)
- Anakin Skywalker Databank-ში (არქივის ბმული) (მხოლოდ ირიბი ხსენება)
- Mace Windu Databank-ში (არქივის ბმული)
