ეზრა ბრიჯერი

ამ სტატიაში ან გვერდზე აღწერილია მამაკაცი ჯედაი. იხილეთ აგრეთვე მსგავსი ჟღერადობის სახელის მქონე ეზარაა ან პლანეტა.

ეზრა ბრიჯერი

ბიოგრაფიული ინფორმაცია

წარმოშობა

ლოთალი^[1]

დაბადება

19 იბ,^[2] ლოთალი^[3]
3258 ლწ (იმპერიის დღე)^[1]

გარეგნობა

თვალები

ცისფერი^[1]

კანი

ღია ფერის^[6]

ისტორიიდან

კავშირი

გალაქტიკური იმპერია (როგორც ჯაშუში)^[7]
ჯედაების ორდენი^[1]
რესპუბლიკის აღდგენის ალიანსი^[8]
- სპექტრები^[1]
- ჯგუფი "ფენიქსი"^[9]
- ოქროს ესკადრილია (მცირე დროით)^[8]
- ჯგუფი "მასასი"^[10]

მასწავლებელი

კენან ჯარუსი^[1]
თეთრი ლოთ-მგელი (როგორც წინამძღოლი)^[11]

შეგირდი

საბინ რენი (სინათლის მახვილის გამოყენება)^[12]

"…როგორც ავირჩიეთ ბრძოლა ისევე მნიშვნელოვანია, როგორც ის, თუ რისთვის ვიბრძვით."

―ეზრა ბრიჯერი^{[წყარო]}

ეზრა ბრიჯერი, ძალისადმი მგრძნობიარე ადამიანი, იყო პადავანი ჯედაი, თავისუფლებისთვის მებრძოლი და გალაქტიკური იმპერიის წინააღმდეგ ადრეული ამბოხების მეთაური. იგი დაიბადა იავინის ბრძოლამდე 19 წელს, ეფრაიმ და მირა ბრიჯერების ოჯახში. მშობლები საჯაროდ გმობდნენ იმპერიის პოლიტიკას, რის გამოც ისინი დააპატიმრეს. ამრიგად, ჯერ კიდევ ბავშვი, ბრიჯერი პლანეტა ლოთალზე ობლად დარჩა. იგი აჩრდილის ამბოხებულთა ეკიპაჟს იავინის ბრძოლამდე 5 წლით ადრე შეუერთდა. ბიჭუნას ძალის რაობას ასწავლიდა კენან ჯარუსი. ეზრამ მალევე განავითარა უნარები. მის მიერ ლოთალის სექტორში გადაცემული გზავნილით ამბოხებულთა მრავალი ჯგუფი იყო შთაგონებული, რამაც მათი შემდგომში იმპერიის წინააღმდეგ გაერთიანებაც გამოიწვია.

იავინის ბრძოლამდე 4 წლით ადრე ბრიჯერმა შეიტყო, რომ მისი მშობლები ციხეში ამბოხების მოწყობისას მოკლეს. ეზრა მანამდეც ებრძოდა საკუთარ თავში ბნელ მხარეს და ამ შემთხვევის შემდეგ უფრო შეიცვალა. მალაქორზე მან მოიპოვა სითების ჰოლოკრონი და იმედი ჰქონდა, რომ სითებს გაანადგურებდა. იგი აგრეთვე შეხვდა ყოფილ სით ლორდ მოლს, რომელსაც სურდა, ბრიჯერი საკუთარ შეგირდად ექცია — კერძოდ, მას შემდეგ, რაც ეზრამ ბნელი მხარის გამოყენებით გახსნა ჰოლოკრონი. ამის შემდგომ ბრიჯერის ურთიერთობა ჯარუსთან დაიძაბა. თუმცა, მოგვიანებით მათ აღადგინეს კავშირი და განაგრძეს ჯედაების ფილოსოფიით აზროვნება.

ძალების მატებასთან ერთად, ბრიჯერი ამბოხებაში უფრო აქტიური გახდა. მისი დახმარებით კლონთა კაპიტან კჯ-7567-სა და სეპარატისტების ალიანსის დროიდებს შორის მშვიდობამ დაისადგურა, რითაც საბოლოოდ დასრულდა კლონთა ომები. ბრიჯერს აგრეთვე ჰქონდა უთანხმოება გრანდ-ადმირალ თრონთან. მისი დახმარებით საბინ რენმა მანდალორელები გააერთიანა, თუმცა ეზრას ერთ-ერთი მნიშვნელოვანი მოგზაურობა უკავშირდებოდა ობი-ვან კენობის პოვნას, რომელიც, როგორც ბრიჯერს სწამდა, მნიშვნელოვან როლს შეასრულებდა სითების განადგურებაში.

იავინის ბრძოლამდე 1 წლით ადრე ეზრამ გაათავისუფლა ლოთალი იმპერიული მართვისგან. ბრძოლის მიწურულს, ის და თრონი ჰიპერსივრცეში პერგილმა მოისროლა. ლოთალელებმა დრო იხელთეს და პლანეტაზე არსებული იმპერიული კომპლექსი გაანადგურეს. იმპერიის საბოლოო დამხობის შემდეგ რენი და ასოკა ტანო გაემგზავრნენ ბრიჯერის საძიებლად.