- "ბრმანი ვყოფილვართ, თუკი ამ კლონების არმიის შექმნა გამოგვეპარა."
- ― იოდა
ვარსკვლავური ომები, ეპიზოდი II: კლონების შეტევა არის 2002 წლის ფილმი, გადაღებული ჯორჯ ლუკასის მიერ, უკანასკნელის და ჯონათან ჰეილსის სცენარის მიხედვით.
მოქმედება ამ ფილმში მიმდინარეობს ნაბუზე ბრძოლის შემდგომ. ერთ-ერთი მთავარი უარყოფითი გმირია განდგომილი ჯედაი გრაფი დუკუ. პადმე ამიდალა და ანაკინ სკაიუოკერი მის ტყვეობაში აღმოჩნდებიან და ჯედაები მათ დასახმარებლად მოემართებიან, ხოლო თავად რესპუბლიკა ამ პერიოდში ზრუნავს დროიდების ადამიანის კლონებით ჩანაცვლებით. გალაქტიკა ახალი საფრთხის წინაშეა, რომელსაც კლონების ომები დაერქმევა.
ფილმის შემოსავალმა მსოფლიო მასშტაბით 600 მილიონი აშშ დოლარი შეადგინა, თუმცა იგი ნაკლებად წარმატებული იყო, ვიდრე საგის სხვა სურათები.
შესავალი ტიტრი[]
| ეპიზოდი II: ᲙᲚᲝᲜᲔᲑᲘᲡ ᲨᲔᲢᲔᲕᲐ |
|---|
შინაარსი[]
ანაკინის და ამიდალას შეხვედრა.
ფარული მუქარის მოვლენებიდან ათი წლის შემდეგ გალაქტიკური რესპუბლიკა კრიზისშია. სეაპარატისტული მოძრაობა, რომლის სათავეშია ყოფილი ოსტატი ჯედაი გრაფი დუკუ, იგივე სითი ლორდი დართ ტირანუსი, საფრთხეს უქმნის მშვიდობას და გალაქტიკურ სენატს აიძულებს, განიხილოს არმიის შექმნის კანონი, რათა რესპუბლიკა დაცული იყოს. სენატორი პადმე ამიდალა, ნაბუს ყოფილი დედოფალი, ბრუნდება კორუსანტზე და ეწინააღმდეგება ამ კანონს, მიუხედავად იმისა, რომ მშვიდობის დასაცავად ჯედაების რაოდენობა მცირეა.
კორუსანტზე მასზე თავდასხვა ხორციელდება, რომელსაც ეწირება მოახლე, კორდე. ამიტომ უზენაესი კანცლერი, შივ პალპატინი ითხოვს, პადმეს დაცვა უზრუნველყონ ჯედაებმა, ობი-ვან კენობიმ და მისმა შეგირდმა, ანაკინ სკაიუოკერმა.
იმავე ღამით დაქირავებული მკვლელი ზემ უესელი კვლავ ცდილობს ამიდალას მოკვლას, თუმცა გეგმას ჯედაები ჩაშლიან. ისინი მას გალაქტიკურ ქალაქში მისდევენ და საბოლოოდ განიარაღებენ. დაკითხვისას მას კლავს ტოქსიკური ხელშუბი, რომელსაც უცნობი ისვრის. ჯედაების ტაძარში დაბრუნებულ ობი-ვანს ჯედაების საბჭო აგზავნის მკვლელის მოსაძებნად. ანაკინი ამასობაში კვლავ განაგრძობს სენატორის დაცვას და მიჰყვება ნაბუზე. მას სიამოვნებს ასეთი საშუალება, დაუახლოვდეს ამიდალას, თანაც უკმაყოფილოა, რომ ობი-ვანი მას მუდმივად აკრიტიკებს. უმცროსი წარმომადგენელი ჯა ჯა ბინკსი ამიდალას სანაცვლოდ სენატში ნაბუს წარმომადგენელი ხდება.
ობი-ვანი კამინოზე.
გამოძიებისას, დექსტერ ჯეტსტერის დახმარებით ობი-ვანი პოულობს ჯედაების არქივებიდან წაშლილ იდუმალ პლანეტა კამინოს, რომელზეც რესპუბლიკისთვის იწარმოება კლონების არმია. პრემიერ-მინისტრი ლამა სუ ჯედაის განუმარტავს, რომ არმიის შექმნა წლების წინ დაიწყო ოსტატ-ჯედაი საიფო-დიასის მითითებით, მიუხედავად იმისა, რომ, როგორც ობი-ვანი ხვდება, საიფო-დიასი მანამდე მოკლეს. ჯილდოზე მონადირე ჯენგო ფეტი აიყვანეს კლონების პირველწყაროს სახით. კამინოზე ობი-ვანი ხვდება ბობას და მის, შვილად აღზრდილ კლონ ბობას, მოგვიანებით კი ჯენგო, მანდალორულ აბჯარში გამოწყობილი, მას თავს ესხმის და კამინოს ტოვებს. ობი-ვანი მის ხომალდ მონა I-ზე ფარულად ათავსებს გადამცემს და ჯეონოსისისკენ მიჰყვება.
ანაკინი და პადმე ამასობაში ნაბუზე ერთად დროის დიდ ნაწილს ატარებენ. სკაიუოკერი ამიდალას საბოლოოდ გამოუტყდება სიყვარულში და შეჰფიცებს, რომ მისთვის ყველაფერს გააკეთებს. პადმე ეწინააღმდეგება, ვინაიდან მიაჩნია, რომ ჯედაის და სენატორს ერთად ყოფნა არ შეუძლიათ. ანაკინს არ მოსწონს ასეთი განვითარება, მასში მძვინვარებს უთანხმოება პადმესადმი ლტოლვასა და ჯედაის მოვალეობებს შორის.
ანაკინს აგრეთვე აწუხებს ფიქრები დედაზე, რომელიც, როგორც ეჩვენება, საფრთხეშია. იგი სთხოვს პადმეს, გაჰყვეს მას ტატუინზე, რაზეც ამიდალა თანხმდება, მიუხედავად ობი-ვანის განკარგულებისა, დარჩნენ ნაბუზე. ტატუინზე ანაკინი პოულობს თავის ყოფილ ბატონს, უოტოს და მისი მითითებით მიემგზავრება კლიგ ლარსის, დედამისის ქმრის საძიებლად. ლარსების ფერმაზე ამიდალას და ანაკინს ხვდება C-3PO, რომელიც მათ გააცნობს ოუენს, ანაკინის ნახევარძმას. კლიგი სკაიუოკერს ამცნობს, რომ დედამისი ერთი თვის წინ ტასკენმა მოთარეშეებმა გაიტაცეს. ანაკინი მარტო მიემგზავრება და მათ ბანაკში პოულობს შმის, რომელიც მის ხელთ კვდება. განრისხებული, იგი მთელ ბანაკს კლავს, ქალებისა და ბავშვების ჩათვლით. კორუსანტზე ამ დროს იოდა გრძნობს არეულობას ძალაში. მას ესმის კვაი-გონ ჯინის ხმა, რომელიც ანაკინს მოუხმობს. ანაკინი ფერმაზე დედის ცხედართან ერთად ბრუნდება და მას მარხავს.
ჯეონოსისზე ობი-ვანი დუკუსა და სავაჭრო გილდიების მეთაურებს შორის საუბრიდან შეიტყობს, რომ ისინი ფარულად მართავენ სეპარატისტებს და შექმნეს დროიდების ახალი არმია. აგრეთვე ცნობილი ხდება, რომ სწორედ ნუტ განრეიმ გასცა ამიდალას მოკვლის ბრძანება, პასუხად სავაჭრო ფედერაციის ათი წლის წინანდელ დამარცხებაზე. ჯედაი ამ ინფორმაციას გადასცემს საბჭოს. სიგნალი ანაკინის ხომალდზეც მოხვდება, მაგრამ ამასობაში კენობის თავს დროიდეკები ესხმიან და იჭერენ.
დუკუ ესაუბრება შეპყრობილ ობი-ვანს.
ვინაიდან ჯედაების საბჭომ შეიტყო დუკუს არმიის შესახებ, ოსტატი ჯედაი მეის უინდუ გეგმავს შეტევას ჯეონოსისზე. მათგან დამოუკიდებლად ანაკინი და პადმე პლანეტაზე ჩადიან ობი-ვანის გადასარჩენად. წარმომადგენელი ბინკსი სენატში ამასობაში ითხოვს სენატორ პალპატინისთვის განსაკუთრებული ძალაუფლების გადაცემას, რომლის მეშვეობით იგი შეძლებს კლონების არმიის საბრძოლველად გაგზავნას.
ჯეონონისზე დუკუ ცდილობს, დაითანხმოს ობი-ვანი, შეუერთდეს მის ზრახვებს, აფრთხილებს რა, რომ ვინმე დართ სიდიუსი სენატს მართავს. ობი-ვანი მას ეწინააღმდეგება და ამბობს, რომ ასეთ შემთხვევაში ჯედაებს მტრის შესახებ უკვე უხსოვარ დროს ეცოდინებოდათ. ჯეონონისზე ანაკინი და პადმე ჩადიან, რომლებსაც იჭერს ჯენგო ფეტი. ორივე, სიკვდილმისჯილი, გადის ჯეონონისის არენაზე. მათ დასჯას ელოდებიან დუკუ, განრეი, რუნ ჰააკო და პოგლ უმცირესი, ისევე, როგორც ჯენგო და ბობა ფეტები. ობი-ვანის, ანაკინის და ამიდალას წინააღმდეგ გამოჰყავთ რიკი, ნექსუ და აკლაი.
ბობა ფეტი მოკლული ჯენგოს ჩაფხუტით.
ბრძოლისას ჩნდება უინდუ, ჯედაების მოიერიშე გუნდთან ერთად. იწყება დიდი ბრძოლა, რომლის დროს არენაზე შედის დუკუს დროიდების არმია. ერთად ამდენი ჯედაის ხილვისას ჯენგო ფეტი არენაზე ეშვება და უინდუს თავს ესმის, რომელიც მას მალევე კლავს. მოულოდნელად ჩნდება იოდა, კლონების არმიასთან ერთად, თუმცა ამ დროისთვის გადარჩენილია მხოლოდ რამდენიმე ჯედაი, ხოლო იღუპებიან სტა-დენ იკინი, სეფჯეტ ჯოსალი, სარ ლაბუდა, ქაატ კიინი, კვე-მარს რედათ-გომი. ფი-ეკ სირჩი, გალდოს სტოუფი, ნიკანას ტასუ, კოულმან ტრებორი და კიდევ 160-მდე სხვა ჯედაი. სასწრაფოდ მიმდინარეობს პადმეს და გადარჩენილი ჯედაების ევაკუცია. თუმცა, ჯედაი ჯოკლად დანვა ამ ოპერაციისას იღუპება, ისევე, როგორც ტარადოს გონი.
უფრო მასშტაბური ბრძოლა მიმდინარეობს არენის ფარგლებს მიღმა, რესპუბლიკის კლონების და სეპარატისტთა დროიდების არმიებს შორის. განრეი და ჰააკო გარბიან, პოგლი კი დუკუს გადასცემს სიკვდილის ვარსკვლავის ადრეულ გეგმებს. გაქცევას დუკუც ცდილობს, თუმცა ობი-ვანი და ანაკინი მას პოულობენ საიდუმლო ანგარში. გრაფი ფლობს ბრძოლის სტილს, რომლის წინააღმდეგ ისინი უძლურები არიან. იგი ანაკინის წინააღმდეგ იყენებს ძალის ელვას, დაჭრის ობი-ვანს, შემდეგ კი ანაკინს ჰკვეთს მარჯვენა ხელს. წარმატების შემდეგ იგი კვლავ ცდილობს გაქცევას, მაგრამ მას დროებით აყოვნებს იოდა. ღირსეული დუელის მიუხედავად, ნათელია, რომ დუკუ ვერ ამარცხებს ოსტატ ჯედაის, ამიტომ იგი დაამხობს სვეტებს და თავად საბოლოოდ ტოვებს იქაურობას იალქნიანი ხომალდით. კორუსანტის სამრეწველო ნაწილში მოხვედრილი, იგი ხვდება თავის ბატონს, დართ სიდიუსს, რომელიც მოხარულია დაგეგმილის თანახმად ომის დაწყებით.
ანაკინის და ამიდალას საიდუმლო ქორწინება.
ჯედაების ტაძარში ობი-ვანი, მეისი და იოდა განიხილავენ დუკუს გაფრთხილებას. იოდას არ სწამს ამ ცნობის, ვინაიდან ძალის ბნელი მხარე ყოველთვის ამოიცნობა შიშით და უნდობლობით. იგი და უინდუ თანხმდებიან, რომ სენატს მაინც უნდა დააკვირდნენ. ამასობაში პალპატინი და სხვა სენატორები, ბეილ პრესტორ ორგანას ჩათვლით, თავად უდგებიან სათავეში კლონების ძალების ჩამოყალიბებას.
ნაბუზე ანაკინი, ახალი მექანიკური ხელით და პადმე საიდუმლოდ ქორწინდებიან, მხოლოდ C-3PO-ს და R2-D2-ის თანდასწრებით.
მედია[]
გარეკანების გალერეა[]
გარეკანი
2002 წლის DVD (2 დისკი)
2015 წლის Blu-ray სტილბუკ გამოცემა (1 დისკი)
2019 წლის გამოცემის გარეკანი
2019 წლის Blu-ray დისკი (1 დისკი)
2020 წლის 4K UHD დისკი (3 დისკი)
პოსტერების გალერეა[]
წინასწარი პოსტერი
საბოლოო პოსტერი
საბოლოო პოსტერი, უტექსტო
შემადგენლობა[]
ტიპის მიხედვით
| მსახიობები | მსახიობები მითითების გარეშე | გუნდი | გუნდი მითითების გარეშე | განსაკუთრებული მადლობა |
მსახიობები
|
გამოჩენები[]
ტიპის მიხედვით
| პერსონაჟები | ორგანიზმები | დროიდების მოდელები | მოვლენები | ადგილები |
| ორგანიზაციები და წოდებები | გონიერი რასები | მანქანები და გემები | იარაღები და ტექნოლოგია | სხვადასხვა |
პერსონაჟები
კანონიკური პერსონაჟები
|
|
|
ლეგენდების პერსონაჟები
|
|
|
ორგანიზმები
კანონიკური ორგანიზმები
|
ლეგენდების ორგანიზმები
|
დროიდების მოდელები
კანონიკური დროიდები
|
|
ლეგენდების დროიდები
|
|
მოვლენები
კანონიკური მოვლენები
|
ლეგენდების მოვლენები
|
ადგილები
კანონიკური ადგილები
|
|
ლეგენდების ადგილები
|
|
ორგანიზაციები და წოდებები
კანონიკური ორგანიზაციები და წოდებები
|
|
|
ლეგენდების ორგანიზაციები და წოდებები
|
|
გონიერი რასები
კანონიკური გონიერი რასები
|
|
ლეგენდების გონიერი რასები
|
|
მანქანები და გემები
კანონიკური მანქანები და გემები
პეტრანაკის არენის სადამსჯელო ურიკა
|
ლეგენდების მანქანები და გემები
|
|
იარაღები და ტექნოლოგია
კანონიკური ტექნოლოგია
|
|
ლეგენდების ტექნოლოგია
|
სხვადასხვა
სხვადახვა კანონიკური საკითხები
|
|
ლეგენდების სხვადასხვა საკითხები
|
|
შენიშვნები და სქოლიო[]
- ↑
This Week! in Star Wars Mandalorian Season 2 Directors, We Celebrate a Birthday, and More! ვარსკვლავური ომების YouTube-ის ოფიციალურ არხზე (არქივის ბმული) (საიტი: StarWars.com)
- ↑ Star Wars: Episode II - Attack of the Clones — Box Office Mojo (არქივის ბმული დაარქივების თარიღი October 12, 2020)
- ↑ ვარსკვლავური ომები: გალაქტიკური ატლასი
- ↑ ვარსკვლავური ომები, ეპიზოდი II: კლონების შეტევა
დამატებითი ბმულები[]
- Star Wars: Episode II – Attack of the Clones Industrial Light & Magic-ის ოფიციალურ საიტზე (არქივის ბმული)
- Star Wars: Episode II Attack of the Clones Lucasfilm-ის ოფიციალურ საიტზე (არქივის ბმული)
- Star Wars: Attack of the Clones | Love Pledge | Disney+ ვარსკვლავური ომების YouTube-ის ოფიციალურ არხზე (არქივის ბმული)
- Star Wars: Episode II Attack of the Clones ვიკიპედიაში
- Star Wars: Episode II Attack of the Clones Aurebesh Wiki-ში
- ვარსკვლავური ომები, ეპიზოდი II: კლონების შეტევა Internet Movie Database-ში
- Star Wars Episode II: Attack of the Clones Official Production Notes — Culture.com (არქივის ბმული დაარქივების თარიღი June 18, 2018)
- American Cinematographer: George Lucas Interview — The American Society of Cinematographers (არქივის ბმული დაარქივების თარიღი January 4, 2018)
