- „ფილმი ზღაპრების გარეშე აღზრდილი თაობებისთვის.“
- ―ჯორჯ ლუკასი
ვარსკვლავური ომები, ეპიზოდი IV: ახალი იმედი, თავდაპირველად ცნობილი სახელწოდებით ვარსკვლავური ომები, არის 1977 წლის ფილმი, გადაღებული ჯორჯ ლუკასის მიერ, მისივე სცენარის მიხედვით. იგი არის რიგით პირველი ფილმი ვარსკვლავური ომების ორიგინალურ ტრილოგიაში და ამ ტრილოგიის პირველი ფილმიც.
ფილმის მოვლენები ვითარდება გალაქტიკური იმპერიის დაარსებიდან და სითების შურისძიებიდან 19 წლის შემდეგ. ამ დროისთვის დასრულებულია პლანეტების გამანადგურებელი იარაღ სიკვდილის ვარსკვლავის მშენებლობა. მას შემდეგ, რაც პრინცესა ლეია ორგანა, აჯანყებულთა ალიანსის მეთაური, მიიღებს იარაღის ნახაზებს, სადაც აღნიშნულია სადგურის სუსტი წერტილი, მას იჭერენ და სიკვდილის ვარსკვლავზე გადაიყვანენ. ამასობაში ნორჩი ფერმერი ლუკ სკაიუოკერი გაიცნობს ობი-ვან კენობის, რომელიც პლანეტა ტატუინზე განმარტოებაში ცხოვრობს. როდესაც ლუკის სახლს ანადგურებენ და კლავენ მის გამზრდელ ბიძას და მის ცოლს, ობი-ვანი იწყებს ლუკის როგორც ჯედაის წვრთნაში. ამასობაში ისინი ჰან სოლოსთან, ჩუბაკასთან, C-3PO-სთან და R2-D2-თან ერთად პრინცესის იმპერიისგან გადარჩენას ცდილობენ.
შთაგონებულმა ფლეშ გორდონის მსგავსი სერიალებით და აკირა კუროსავას სამურაების ფილმებით, ისევე, როგორც ჯოზეფ კემპბელის ათასი სახის მქონე გმირით და ფრენკ ჰერბერტის დიუნით, ლუკასმა ვარსკვლავურ ომებზე მუშაობა დაიწყო 1974 წელს. არის რა რევოლუციური სპეციალური ეფექტების გამოყენების მხრივ, ვარსკვლავური ომები ითვლება ყველა დროის ერთ-ერთ გავლენიან და წარმატებულ ფილმად. იგი იწარმოებოდა 11 მილიონი აშშ დოლარის ბიუჯეტით, გამოვიდა 1977 წლის 25 მაისს და აშშ-ში მოიპოვა 215 მილიონი აშშ დოლარის ოდენობის შემოსავალი, ხოლო მსოფლიოში მისმა შემოსავალმა 337 მილიონი აშშ დოლარი შეადგინა. ვარსკვლავური ომები აგრეთვე აღინიშნა მრავალი ჯილდოთი და აკადემიის ჯილდოზე 10 ნომინაციით. ფილმი რამდენიმეჯერ განმეორებით გამოვიდა — მნიშვნელოვანი ცვლილებებით, რომლებიც წარმოდგენილია მის 1997 და 2004 წლის ვარიანტებში, როგორც DVD, ასევე 2011 წლის Blu-ray-ს ფორმატებში. კონგრესის ბიბლიოთეკაში, ფილმების ეროვნულ რეესტრში, მას 1989 წელს ცალკეული ადგილი მიენიჭა
შესავალი ტიტრი[]
| ეპიზოდი IV ᲐᲮᲐᲚᲘ ᲘᲛᲔᲓᲘ |
|---|
შინაარსი[]
თავდასხმა „ტანტივი IV“-ზე და დროიდების გაქცევა[]
„ამაოხრებელი“, რომელიც უტევს პრინცესა ლეიას ხომალდ „ტანტივი IV“-ს.
გალაქტიკური იმპერიის ჩამოყალიბებიდან დაახლოებით ცხრამეტი წლის შემდეგ გალაქტიკაში სამოქალაქო ომი მძვინვარებს. აჯანყებულთა ალიანსი წარმატებით იპარავს გალაქტიკური იმპერიის საიდუმლო სუპერიარაღის, სიკვდილის ვარსკვლავის გეგმებს. იმ იმედით, რომ ამ გეგმებით საკუთარ ხალხს დაეხმარება და გალაქტიკაში თავისუფლებას აღადგენს, პრინცესა ლეია ორგანა, რომელსაც გეგმებს გადასცემენ, ცდილობს ხომალდ „ტანტივი IV“-ით შინ დაბრუნებას. თუმცა, მის ხომალდს იმპერიული I-ის კლასის დამანგრეველი, „ამაოხრებელი“ უტევს — ზუსტად პლანეტა ტატუინის მახლობლად.
იმპერიული შტორმტრუპერები ხომალდზე გადადიან და, მცირერიცხოვანი აჯანყებული შტორმტრუპერების დამარცხების შემდეგ, სითი ლორდი დართ ვეიდერიც „ტანტივი IV“-ზე ჩნდება. იგი დაკითხავს და კლავს კაპიტან ანტილესს. ხომალდზე დამალულ ლეიას ამასობაში პოულობენ ვეიდერის შტორმტრუპერები და აბრუებენ სპეციალური ბლასტერით, შემდეგ კი ვეიდერთან მიჰყავთ. თუმცა, დაჭერამდე, ლეიამ მოასწრო ჰოლოგრაფული გზავნილის დროიდ R2-D2-ის მეშვეობით ჩაწერა და დროიდს დაავალა, გზავნილი ეჩვენებინა გადახვეწილი ჯედაისთვის, რომელიც ტატუინზე ცხოვრობს. იმპერიულ სენატში ვეიდერი აგზავნის შეტყობინებას და ამცნობს, რომ ხომალდი განადგურდა, ხოლო მის ბორტზე ყველა მოკლეს. R2-D2 და კიდევ ერთი დროიდი, C-3PO, ამასობაში ლეიას ხომალდს საევაკუაციო კაფსულით ტოვებენ და ტატუინისკენ მიფრინავენ.
ლუკის ბედის გადაწყვეტა[]
ლუკ სკაიუოკერი და მისი მამის სინათლის მახვილი.
დროიდებს, რომლებსაც იტაცებენ ჯავები, ყიდულობენ ტენიანობის მომპოვებელი ფერმერი ოუენ ლარსი და მისი ძმიშვილი, ლუკ სკაიუოკერი. R2-D2 იპარება ფერმიდან და ეძებს მოხუც ბენ კენობის, რომლის საკუთრებად საკუთარ თავს წარადგენს. დილით ლუკი და C-3PO მას პოულობენ, მაგრამ ამ დროს ორივეს ესხმის ქვიშის ხალხი. ბიჭუნას და დროიდებს გადაარჩენს თავად კენობი, რომელსაც ისინი თავისთან მიჰყავს.
ლუკს ობი-ვან კენობი (რაც მისი ნამდვილი სახელია) გადასცემს მამამისის კუთვნილ სინათლის მახვილს. იგი მას უამბობს, რომ ჯედიამ, რომელსაც დართ ვეიდერი ერქვა, უღალატა და მოკლა მისი მამა. R2-D2-ის მეხსიერებაში შენახული ლეიას გზავნილიდან ნათელი ხდება, რომ პრინცესა ითხოვს დახმარებას და კენობის მის ერთადერთ იმედად ასახელებს. ობი-ვანი ცდილობს, დაითანხმოს ლუკი, გაჰყვეს მას ალდერაანზე. ლუკი არ არის დაინტერესებული ასეთი მოგზაურობით, მაგრამ, შინ დაბრუნებული, აღმოაჩენს, რომ ბიძამისიც და დეიდამისიც მოკლეს იმპერიელმა შტორმტრუპერებმა — დროიდების ძიებისას. ამიერიდან მას შინ აღარაფერი აკავებს და იგი, ობი-ვანთან და ორ დროიდთან ერთად, მოს-აიზლისკენ მიემართება, სადაც მოგზაურებმა უნდა იპოვონ ალდერაანზე მოხვედრის საშუალება.
17000 კრედიტის (აქედან წინასწარ გადახდილი 2000-ის) სანაცვლოდ კონტრაბანდისტი ჰან სოლო და მისი მეგობარი, ვუკი ჩუბაკა, თანხმდებიან, გადაიყვანონ ისინი ალდერაანზე საკუთარი ხომალდით, „ათასწლოვანი შავარდენით“. იმპერიულ ძალებთან ხანმოკლე უსიამოვნებით და ჰატ ჯაბას მიერ მოგზავნილი ხალხის თავიდან აცილების შემდეგ „შავარდენი“ არღვევს იმპერიულ ბლოკადას და ჰანი გეზს ალდერაანისკენ იღებს. მაგრამ მათ არ იციან, რომ ამასობაში პლანეტა უმოწყალოდ გაანადგურეს იმპერიულმა ძალებმა — სიკვდილის ვარსკვლავის მეშვეობით.
ლეიას დახსნა[]
მოგზაურები „ათასწლოვან შავარდენზე“.
ალდერაანის სანაცვლოდ მოგზაურები აღმოაჩენენ ასტეროიდების ველს. პლანეტა განადგურდა სიკვდილის ვარსკვლავის მიერ, გრანდ-მოფ ტარკინის ბრძანებით, რათა იმპერიის ძალაუფლების დემონსტრირება მოეხდინათ. „ათასწლოვანი შავარდენი“ კი სიკვდილის ვარსკვლავზე სწორედ სადგურის ამოქმედებული მიზიდვის სხივით მოხვდება.
სოლო ხომალდზე ასულ ორ შტორმტრუპერს ესხმის და, ლუკთან ერთად, შტორმტრუპერებად გადაცმული, ტოვებს ხომალდს და შედის სადგურზე ვუკისთან. ობი-ვანი ამასობაში მოწყდება გუნდს, რათა გათიშოს მიზიდვის სხივი. იმპერიულ ქსელზე შეერთებით R2-D2 დაადგენს, რომ ლეია სადგურზე იმყოფება. ლუკი დაარწმუნებს ჰანს და ჩუბაკას, რომ ღირს ლეიას გადარჩენა, რაც დიდი გასამრჯელოთი ანაზღაურდება. ჰანი და ჩუბაკა თანხმდებიან. ლუკი მათ სთავაზობს საპყრობილის ბლოკ აა-23-ში შეღწევას, ხოლო ვუკის ისე წარმოჩენას, თითქოს იგი დაპატიმრებულია. C-3PO და R2-D2 რჩებიან ოთახში. მიუხედავად იმისა, რომ პრინცესას პოულობენ საკანში, გასაქცევი გზის შესახებ არავინ არაფერი იცის, ამიტომ ყველაფერს საკუთარ თავზე იღებს ლეია, ესვრის რა ახლოს მდებარე კედელს. გვირაბით ისინი მოხვდებიან ნაგვის დამაგროვებელში, სადაც კედლები იწყებენ ერთმანეთთან დაახლოებას. C-3PO-სთან დაკავშირებით ლუკი გადასცემს შეტყობინებას R2-D2-ს და დროიდის ძალისხმევით დამაგროვებლის კედლები ჩერდება. საბოლოოდ, ყველა ერთად გარბის გასასვლელისკენ და ის-ისაა, უნდა დაბრუნდნენ „შავარდენზე“, ამჩნევენ და თვალს ადევნებენ დართ ვეიდერის და ობი-ვანის სინათლის მახვილებით ორთაბრძოლას.
ობი-ვანი სინამდვილეში თავად აპირებდა ვეიდერთან შეხვედრას. ხანმოკლე შერკინების შემდეგ ობი-ვანი საკუთარ თავს გასწირავს და უერთდება ძალას. ლუკი და სხვები წარმატებით ტოვებენ სიკვდილის ვარსკვლავს.
იავინის ბრძოლა[]
„ვერ გაიმარჯვებ, დართ ვეიდერ. დამამხობ და იმაზე უფრო ძლევამოსილი გავხდები, ვიდრე წარმოგიდგენია.“
TIE გამანადგურებლების მოგიერიების და მათი განადგურების შემდეგ „შავარდენი“ ეშვება იავინ-4-ზე, სადაც მდებარეობს აჯანყებულთა ბაზა. ინფორმაცია, შენახული R2-D2-ში, ნაჩვენებია საერთო კრებაზე. გენერალი დოდონა გეგმავს გადაუდებელ შეტევას სიკვდილის ვარსკვლავზე, თუმცა პილოტები ამ გადაწყვეტილებას ენთუზიაზმით არ ხვდებიან. ლუკისთვის მოულოდნელად, ჰანი ბაზას გასამრჯელოს მიღების შემდეგ ტოვებს.
აჯანყებულები იწყებენ შეტევას მტრის სადგურზე, რომელიც უახლოვდება იავინ-4-ს. გამანადგურებელთა ჯგუფი მიემართება სადგურის ყველაზე სუსტი წერტილისგან, რომლის აფეთქებით თავად სადგურსაც გაანადგურებს. ამ მანევრირებისას მფრინავების დიდი ნაწილი, მათ შორის ლუკის მეგობარი, ბიგზ დარკლაიტერი, განადგურებულები არიან თავად დართ ვეიდერის მიერ. იმ დროს, როდესაც ვეიდერმა ლუკსაც უნდა გაუხსნას ცეცხლი, „შავარდენი“ ბრუნდება და ჰანი თავს ესხმის იმპერიულ ძალებს.
აჯანყებულთა ესკადრილია უახლოვდება სიკვდილის ვარსკვლავს.
შედეგად ვეიდერის ხომალდი მოწყდება გეზს და ლუკი, კენობის ხმის დარიგებით და ძალის მხარდაჭერით, სიკვდილის ვარსკვლავის რეაქტორთან დაკავშირებულ ქიმს ესვრის ორ პროტონულ ტორპედოს. მთლიანი სადგური ფეთქდება და ნადგურდება.
რამდენიმე დარჩენილი ხომალდი და მფრინავი, უეჯ ანტილესის, ლუკის, ჰანის და Y-ფრთებიანის პილოტის სახით), ბრუნდება იავინ-4-ზე. გამარჯვების აღნიშვნის დროს ლუკს და ჰანს ლეიასგან გადაეცემა მედლები.
შემადგენლობა[]
ტიპის მიხედვით
| მსახიობები | მსახიობები მითითების გარეშე | გუნდი | გუნდი მითითების გარეშე | განსაკუთრებული მადლობა |
მსახიობები
|
გამოჩენები[]
ტიპის მიხედვით
| პერსონაჟები | ორგანიზმები | დროიდების მოდელები | მოვლენები | ადგილები |
| ორგანიზაციები და წოდებები | გონიერი რასები | მანქანები და გემები | იარაღები და ტექნოლოგია | სხვადასხვა |
პერსონაჟები
კანონიკური პერსონაჟები
|
|
|
ლეგენდების პერსონაჟები
უცნობი პერსონაჟები
|
ორგანიზმები
კანონიკური ორგანიზმები
|
ლეგენდების ორგანიზმები
|
დროიდების მოდელები
კანონიკური დროიდები
|
|
ლეგენდების დროიდები
|
|
მოვლენები
კანონიკური მოვლენები
|
ლეგენდების მოვლენები
|
ადგილები
კანონიკური ადგილები
|
|
|
ლეგენდების ადგილები
|
|
|
ორგანიზაციები და წოდებები
კანონიკური ორგანიზაციები და წოდებები
|
|
ლეგენდების ორგანიზაციები და წოდებები
|
|
|
გონიერი რასები
კანონიკური გონიერი რასები
|
|
ლეგენდების გონიერი რასები
|
მანქანები და გემები
კანონიკური მანქანები და გემები
|
|
ლეგენდების მანქანები და გემები
|
იარაღები და ტექნოლოგია
კანონიკური ტექნოლოგია
|
|
|
ლეგენდების ტექნოლოგია
|
სხვადასხვა
სხვადახვა კანონიკური საკითხები
|
|
|
ლეგენდების სხვადასხვა საკითხები
|
შენიშვნები და სქოლიო[]
- ↑ 1.0 1.1 ვარსკვლავური ომები, ეპიზოდი IV: ახალი იმედი
- ↑ 2.00 2.01 2.02 2.03 2.04 2.05 2.06 2.07 2.08 2.09 2.10 2.11 2.12 2.13 2.14 ვარსკვლავური ომები წლის მიხედვით: ვიზუალური ისტორია, განახლებული და გაფართოებული გამოცემა
- ↑
ვარსკვლავური ომები (1977) საიტზე Box Office Mojo (არქივის ბმული დაარქივების თარიღი April 17, 2022)
- ↑ ყურადღება, აი ვარსკვლავური ომების 1977 წლის ბიუჯეტი ავტორი: კირიაკ ლამარი საიტზე io9 (არქივის ბმული დაარქივების თარიღი February 25, 2021)
- ↑ ვარსკვლავური ომები: გალაქტიკური ატლასი
- ↑
1995 Topps Star Wars Galaxy Series 3 ბარათი: Joseph Campbell/George Lucas
- ↑
წითელი მეთაური — Databank-ში (ორიგინალური საიტი უმოქმედოა)
დამატებითი ბმულები[]
- ვარსკვლავური ომები: ახალი იმედი — StarWars.com (არქივის ბმული)
- ვარსკვლავური ომები: ახალი იმედი — Lucasfilm-ის ოფიციალურ საიტზე (არქივის ბმული)
- ვარსკვლავური ომები, ეპიზოდი IV: ახალი იმედი — Industrial Light & Magic-ის ოფიციალურ საიტზე (არქივის ბმული)
- ᲕᲐᲠᲡᲙᲕᲚᲐᲕᲣᲠᲘ ᲝᲛᲔᲑᲘ, ᲔᲞᲘᲖᲝᲓᲘ IV: ᲐᲮᲐᲚᲘ ᲘᲛᲔᲓᲘ საიტზე 20th Century Fox (ორიგინალური სტატია ამჟამად მოძველებულია)
- ექსკლუზიური კომენტარი ფილმის შესახებ Hyperspace-ზე — Hyperspace (შიგთავსი მოძველებულია და არქივის ბმული ხელმიუწვდომელია)
- ვარსკვლავური ომები (ფილმი) ვიკიპედიაში
- ვარსკვლავური ომები, ეპიზოდი IV: ახალი იმედი — Internet Movie Database-ში
- ᲕᲐᲠᲡᲙᲕᲚᲐᲕᲣᲠᲘ ᲝᲛᲔᲑᲘ, ᲔᲞᲘᲖᲝᲓᲘ IV: ᲐᲮᲐᲚᲘ ᲘᲛᲔᲓᲘ საიტზე Rotten Tomatoes (არქივის ბმული დაარქივების თარიღი May 5, 2023)
- ვარსკვლავური ომები, ეპიზოდი IV: ახალი იმედი Aurebesh Wiki-ში
