ჰოლოპედია

მასალა ხელმისაწვდომია ლიცენზიით CC-BY-SA, გარდა ცალკე აღნიშნულისა.

READ MORE

ჰოლოპედია
ჰოლოპედია
ვარსკვლავური ომების ვიკი
18 093
pages
in: გვერდები ტექსტის პარამეტრში ქართული ტექსტით, ნამდვილი სამყაროს მედია, 2017 წელს გამოშვებული მედია, საგის ფილმები

ვარსკვლავური ომები, ეპიზოდი VIII: უკანასკნელი ჯედაი

Edit
უკანასკნელი ჯედაი ამ გვერდზე მისამართდება. შესაძლოა, ეძებთ სტატიას ვარსკვლავური ომების ლეგენდების რომანი უკანასკნელი ჯედაი ან სხვა მნიშვნელობები.

"ასეთი ძალა აქამდე მხოლოდ ერთხელ შემხვდა. მაშინ არ შევუშინებივარ. ახლა კი მაშინებს."
―ლუკ სკაიუოკერის საუბარი რეისთან[6]

ვარსკვლავური ომები: ეპიზოდი VIII: უკანასკნელი ჯედაი, რომელიც გამოვიდა როგორც ვარსკვლავური ომები: უკანასკნელი ჯედაი (სხვადასხვა ქვეყანაში — ვარსკვლავური ომები: უკანასკნელი ჯედაები), არის 2017 წლის ფილმი. მისი რეჟისორი და სცენარისტია რაიან ჯონსონი, ხოლო პროდიუსერია კეთლინ კენედი. უკანასკნელი ჯედაი არის მეორე ფილმი სიკველების ტრილოგიაში, რიგით მერვე ვარსკვლავური ომების საგაში. მასში მთავარ როლებს მასში ასრულებენ ადამ დრაივერი, დეიზი რიდლი, ჯონ ბოიეგა, კელი მარი ტრანი და ოსკარ აიზეკი. ძველი მსახიობებიდან საკუთარი როლების შესასრულებლად დაბრუნდნენ მარკ ჰემილი, კერი ფიშერი, ენტონი დენიელსი და პიტერ მეიჰიუ.

ამბავი იწყება წინა ფილმის, ძალის გამოღვიძების მოვლენების შემდეგ. რეი ცდილობს, დაითანხმოს ლუკ სკაიუოკერი წინააღმდეგობის დასახმარებლად და ითვისებს ჯედაების ხელოვნებას, ხოლო პირველი ორდენი განაგრძობს წინააღმდეგობაზე ნადირობას.

ფილმი გაერთიანებულ სამეფოში, მექსიკაში, ლათინურ ამერიკასა და რიგ ევროპულ ქვეყნებში 2017 წლის 14 დეკემბერს გამოვიდა. 15 დეკემბერს იგი გამოვიდა ჩრდილოეთ ამერიკაში, ხოლო 2018 წლის 5 იანვარს — ჩინეთში. ზოგიერთ ჩრდილოამერიკულ კინოთეატრში 14 დეკემბერს გაიმართა წინასწარი ჩვენებები შეზღუდული რაოდენობის მაყურებლისთვის. ფილმის გაგრძელება და ტრილოგიის დასასრული გამოვიდა 2019 წლის 20 დეკემბერს.

შესავალი ტიტრი[]

ეპიზოდი VIII
ᲣᲙᲐᲜᲐᲡᲙᲜᲔᲚᲘ ᲯᲔᲓᲐᲘ 
ᲞᲘᲠᲕᲔᲚᲘ ᲝᲠᲓᲔᲜᲘ ზეობს. მშვიდობიანი რესპუბლიკის განადგურების შემდეგ უზენაესი მეთაური სნოუკი თავის უმოწყალო ლეგიონებს სამხედრო დიქტატურის დასამყარებლად მთელ გალაქტიკაში აგზავნის.

მხოლოდ გენერალი ლეია ორგანას ᲬᲘᲜᲐᲐᲦᲛᲓᲔᲒᲝᲑᲘᲡ ჯგუფის მებრძოლები უპირისპირდებიან მზარდ ტირანიას, სწამთ რა, რომ ოსტატი ჯედაი ლუკ სკაიუოკერი დაბრუნდება და დაუბრუნებს მათ იმედის ნაპერწკალს, რათა იბრძოლონ.

მაგრამ წინააღმდეგობის ბაზა ნაპოვნია. პირველი ორდენი სწრაფად უახლოვდება აჯანყებულთა ბაზას და მამაცი გმირები უიმედო გაქცევისთვის ემზადებიან....

სიუჟეტი[]

გაქცევა დ'ქარიდან[]

"იმ მისიას გმირები ჰყავს."
`დაღუპული. მეთაურები არ დარჩნენ."
―პო დემერონი და ლეია ორგანა[6]
Poe TLJ beginning

პოს "შავით" უახლოვდება "ელვისებურს".

ბაზა სტარკილერის წარმატებულად განადგურების შემდეგ წინააღმდეგობის მებრძოლები იწყებენ დ'ქარზე მდებარე მთავარი ბაზიდან ფლოტის ევაკუაციას. მაგრამ ოპერაცია საფრთხის ქვეშ ექცევა, როდესაც მოულოდნელად ჩნდებიან პირველი ორდენის ხომალდები, გენერალ ჰაქსის მეთაურობით. წინააღმდეგობის განადგურების სურვილით, ჰაქსი უბრძანებს კაპიტან კენედის, შეუტიონ წინააღმდეგობის ფლოტს და ბაზას დრედნოუტ ელვისებურით".

მას შემდეგ, რაც დრედნოუტი ჰიპერსივრციდან გამოდის, ჰაქსს ერთ-ერთი ოფიცერი ატყობინებს, რომ მათ უახლოვდება ერთი ვარსკვლავური გამანადგურებელი. ასტრომექანიკოს დროიდ BB-8-სთან ერთად პო დემერონი, რომელიც X-ფრთებიან შავში ზის, უკავშირდება "ელვისებურს". გენერალი ლეია ორგანა, დაქვრივებული ჰან სოლოს კაილო რენის მიერ მოკვლის შემდეგ, დიდი სიფრთხილით იწონებს პოს გაბედულ გეგმას. პილოტი ამასობაში ჰაქსს აღიზიანებს და ისე იქცევა, თითქოს არ ესმის წინააღმდეგობის განადგურების მუქარები. ამასობაში იგი ხომალდის ქვემეხებს "ელვისებურზე" შეტევისთვის ამზადებს.

X-ფრთებიანით მას მწყობრიდან გამოჰყავს დრედნოუტის წერტილოვანი თავდაცვის ქვემეხები. როდესაც ჰაქსი კენედისგან მოითხოვს, განმარტოს, თუ რატომ ვერ ანადგურებენ X-ფრთებიანს, კაპიტანი ეუბნება, რომ მტრის ხომალდი მეტად მცირეა და მეტად ახლო მანძილზე იმყოფება. ჰაქსი გასცემს ბრძანებას, გაანადგურონ მტრის ყველა ხომალდი, ვინაიდან ხვდება, რომ დემერონს მათი ქვემეხების მწყობრიდან გამოყვანა სურს. მიუხედავად იმისა, რომ დრედნოუტი ასწრებს წინააღმდეგობის ბაზის დანგრევას, უკანასკნელი ეკიპაჟი, ლეიტენანტ კონიქსთან ერთად, კოსმოსში გაფრენას ასწრებს. ვინაიდან ევაკუაცია დასრულებულია, ლეიას სურს, განახორციელოს წინააღმდეგობის ძალების ევაკუაცია, მაგრამ პო დრედნოუტის ბოლომდე დანგრევას გადაწყვიტავს. გენერლის ბრძანების მიუხედავად, იგი შეტევას განაგრძობს. BB-8 ასრულებს ქვემეხების შეკეთებას და მათ, ორი TIE-ს ჩამოგდებამდე, მწყობრიდან უკანასკნელი ქვემეხიც გამოჰყავთ.

თავგანწირვა[]

Paige Tico and the bombs

წინააღმდეგობის ვარსკვლავური ციხესიმაგრე უახლოვდება პირველი ორდენის ძალებს.

დრედნოუტის ქვემეხი განადგურებულია და წინააღმდეგობის ყუმბარმშენები უახლოვდებიან "ელვისებრს". მართალია, ვარსკვლავურ გამანადგურებლებს მართავს ლურჯი მეთაური ტალისან ლინტრა, ნელი ტემპით მოძრავ ხომალდებს TIE-ები ანადგურებენ. კაპიტანი კენედი გასცემს დრენოუტის ავტომატური ქვემეხების გადატენვის ბრძანებას, რათა დაიწყონ წინააღმდეგობის კრეისერების ჩამოგდება. ლეიას ძალების რამდენიმე ყუმბარმშენი განადგურებულია, ამრიგად დარჩენილია მხოლოდ პეიჯ ტიკოს კობალტის ურო.

ავტომატური ქვემეხების გადატენვის შემდეგ კენედი ბრძანებს დარჩენილი ყუმბარმშენის განადგურებას. პო უკავშირდება პეიჯს, რომელიც ამასობაში მიემართება ყუმბარმშენის ნაკვეთურში, სადაც დაღუპულ პილოტ ფინჩ დალოუს პოულობს. იგი ყუმბარების მარაგს პირდაპირ "ელვისებრს" უშენს. ეს უკანასკნელი ნადგურდება "კობალტის უროსთან" ერთად.

მიუხედავად წარმატებისა, გენერალი ორგანა დამწუხრებულია ბრძოლის შედეგად მათ რიგებში მსხვერპლების გამო. წინააღმდეგობის ყველა დარჩენილი ხომალდი ჰიპერსივრცეში ხტება.

უზენაესი მეთაური სნოუკი ჰაქსს ჰოლოგრამის მეშვეობით ესაუბრება და ჰკიცხავს ევაკუაციის დახშობის მცდელობის ჩავარდნისთვის. იგი გენერალს ყველას წინაშე ძალის მეშვეობით აწამებს, თუმცა ჰაქსი არწმუნებს, რომ წინააღმდეგობა შორს ვერ გაიქცევა, ვინაიდან ისინი "ძაფის ბოლოს გამოაბეს".

ვარსკვლავურ კრეისერ რადუსზე ფინი გამოდის კომიდან, რომელშიც ჩავარდა "სტარკილერზე" კაილო რენთან ბრძოლისას. იგი უმალვე დგება და ეძებს რეის. პო ესალმება ფინს და უამბობს, რომ რეი მათთან ერთად არ არის.

უდრეკი სკაიუოკერი[]

Rey returns lightsaber TLJ

რეის შეხვედრა ლუკ სკაიუოკერთან.

აქ-ტოზე ვუკი ჩუბაკასთან და ასტრომექანიკოს დროიდ R2-D2-სთან ერთად ათასწლოვანი შავარდენით" ჩასული ძალისადმი მგრძნობიარე რეი ხვდება ლუკ სკაიუოკერს, რომელსაც გადასცემს მის სინათლის მახვილს. ლუკი, მცირეოდენი დაფიქრების შემდეგ, მახვილს ზურგს უკან გადაუძახებს და მთის წვერს ტოვებს. გაოგნებული რეი მას მიჰყვება ჯედაების სოფლის მიმართულებით.

ლუკის კართან მდგარი რეი ჯედაის დახმარებას სთხოვს. პოულობს რა გადაგდებულ სინათლის მახვილს, იგი ზღვაში ჩაძირულ მის T-65B-ს ამჩნევს. მოგვიანებით, ჩუბაკას დახმარებით, იგი ლუკის ქოხის კარს ამტვრევს. სკაიუოკერი ჩუბაკას იცნობს და რეი ეუბნება, რომ "შავარდენით" მოფრინდნენ. მაშინ ლუკი ეკითხება, თუ სად არის ჰან სოლო.

კაილოს მრისხანება[]

Episode VIII Snoke and Kylo Ren

კაიო რენი უზენაეს მეთაურ სნოუკის წინაშე.

კაილო რენი მეგას კლასის ვარსკვლავურ დრედნოუტ სიდიადეზე ტურბოლიფტიდან გამოდის და შედის უზენაესი მეთაურ სნოუკის სატახტო დარბაზში. სნოუკი ჰაქსს გეგმას უწონებს და ბოგაზე წინააღმდეგობის დევნაზე სამეთვალყურეოდ აგზავნის. ამის შემდეგ იგი იხსენებს, თუ როგორ დაინახა რენში ახალი დართ ვეიდერი, მაგრამ ახლა უკვე ეჭვი ეპარება, რომ მისი შეგირდი ძალის ბნელ მხარეს აითვისებს.

კაილოს სნოუკი ჩაფხუტის მოხსნას უბრძანებს და, იხილავს რა მის ნაიარევს — რეისთან "სტარკილერზე" შეტაკების შედეგს — ამბობს, რომ რენს ჰანისგან ბევრი რამე აქვს შემორჩენილი. რენი ამას უარყოფს, მიაჩნია რა, რომ ძალის ბნელ მხარეს მიუახლოვდა, როდესაც ჰანი მოკლა, მაგრამ განრისხებული სნოუკი აცხადებს, რომ მან ამ მკვლელობით საკუთარი თავი უბრალოდ ფსიქოლოგიურად შეასუსტა, რის გამოც იგი დაამარცხა რეიმ, ჯართის უბრალო შემგროვებელმა, რომელსაც მანამდე სინათლის მახვილი ხელში არც სჭერია.

ასეთ დამცირებაზე რენის რეაქცია აგრესიულია, თუმცა სნოუკი მას ძალის ელვას ესვრის და იქაურობის დატოვებას უბრძანებს, მიაჩნია რა იგი უბრალოდ "ნიღბიან ბავშვად". გააფთრებული რენი ჩაფხუტს ლიფტის კედლებზე დარტყმით ამტვრევს, შემდეგ კი TIE/vn-ით წინააღმდეგობის ფლოტზე თავდასხმისთვის მიემართება.

ჯედაების აღსასრულის დრო[]

"ჯედაების ახალ თაობას აღარასოდეს მოვამზადებ. ამ კუნძულზე მოვედი, რათა მოვკვდე. დროა ჯედაების...აღსასრულის."
―ლუკ სკაიუოკერის საუბარი რეისთან[6]
Luke in tree cave Ach-to

ლუკ სკაიუოკერი, რომელიც უარს ამბობს წინააღმდეგობისთვის რამე დახმარების გაწევაზე.

აქ-ტოზე რეი ლუკს გალაქტიკურ კონფლიქტზე უამბობს. იგი მას დახმარებას კვლავ სთხოვს და განუმარტავს, რომ ლუკ სკაიუოკერი სჭირდებათ. ლუკი უარს ეუბნება, ამბობს, რა, რომ პირველი ორდენის ძალებს ვერაფრით წინ ვერაფრით აღუდგება და კვლავ მოერიდება რეისთან ვრცელ საუბარს. მაგრამ გოგონა ფარ-ხმალის დაყრას არ აპირებს და მას ფეხდაფეხ მიჰყვება.

ლუკი თალა-სირენის რძეს აგროვებს, სვამს და რეის ყურადღებას არ აქცევს. დიდი ჭოკით იგი კლდის ერთი მხარიდან მეორეზე მოხვდება და ჭოკითვე ვეებერთელა თევზს იჭერს. რეი, ძლიერი წვიმის მიუხედავად, კვლავ მიჰყვება ქოხამდე და, ამავე დროს, თვალს ადევნებს დამალულ გადამცემ სამაჯურს. ნისლში გადაადგილებისას მას ესმის ხმა, რომელიც ხის ბიბლიოთეკისკენ უხმობს. იქ შესული რეი ჯედაების წმინდა ტექსტებს პოულობს.

სკაიუოკერი, საბოლოოდ, თავად მიდის გოგონასთან და უამბობს, რომ ხის ბიბლიოთეკა ათასი თაობით ადრე შეიქმნა, ჯედაების წმინდა ტექსტების შენახვის მიზნით. რეი ეუბნება, რომ ეს ადგილი სიზმარში იხილა. როდესაც იგი ლუკს განუმარტავს, რომ კუნძულზე წინააღმდეგობის დავალებით მივიდა, ჯედაი მას ვინაობაზე, მშობლიურ პლანეტაზე და იქ მისვლის მოტივაციებზე ჰკითხავს. რეი კვლავ ეუბნება, რომ წინააღმდეგობას მისი დახმარება პირველი ორდენის გამო სჭირდება. სკაიუოკერი ეკითხება, თუ რა მიზნით არის იგი კუნძულზე და რეი, საბოლოოდ, აღიარებს, რომ ძალის ათვისება სურს. სკაიუოკერს არ სურს, მას რამე ასწავლოს, ვინაიდან, მისი აზრით, ჯედაების აღსასრული დადგა. ამაზე პასუხად რეი ეუბნება, რომ გამოაგზავნა მისმა დამ, ლეიამ, რომელსაც უფლება აქვს, იცოდეს, თუ რატომ არ სურს ლუკს დაბრუნება.

თავდასხმა წინააღმდეგობის ფლოტზე[]

AttackOnTheResistanceFleet-TLJ

პირველი ორდენის ძალების თავდასხმა წინააღმდეგობაზე.

"რადუსის" ჰიპერსივრცეში გადაადგილებისას გენერალი ორგანა კვლავ ჰანზე ფიქრობს. ფლოტის ჰიპერსივრციდან გამოსვლისას იგი პოს ბრძანებების უგულებელყოფის და ესკადრილია "კობალტის" საფრთხეში ჩაგდების გამო ჩამოაქვეითებს. პილოტი ეწინააღმდეგება ასეთ გადაწყვეტილებას, მაგრამ ლეია ეუბნება, რომ არსებობს რაღაც, რასაც იგი X-ფრთებიანში ჩახტომით და რამის აფეთქებით ვერ შეცვლის. პოს აზრით, დაღუპულნი გმირები იყვნენ, მაგრამ ლეია ეუბნება, რომ მათ სჭირდებათ ცოცხალი მეომრები და არა დაღუპული გმირები.

როდესაც ფინი გენერალ ორგანას ეკითხება, თუ როგორ მიაგნებს მათ რეი, ლეია უჩვენებს გადამცემს და განუმარტავს, რომ მათთვის ახლა მთავარია წინააღმდეგობისთვის ახალი ბაზის პოვნა. მალე მათ დაედევნება სნოუკის პირადი ხომალდი, "სიდიადე", რომელმაც, როგორც ჩანს, მათ ჰიპერსირვცეშიც მიაგნო. პო ლეიას კიდევ ერთ ჰიპერსივრცულ ნახტომს სთავაზობს, მაგრამ წინააღმდეგობის გენერალი ხვდება, რომ პირველმა ორდენმა მათი ადგილსამყოფელი სინათლის სიჩქარეშიც დაადგინა. მორიგი ნახტომის განხორციელება საწვავის მარაგის მთლიან ამოწურვას ნიშნავს, ამიტომ ლეია გადაწყვიტავს, უბრალოდ დაიცვას არსებული ხომალდები.

კაილო საკუთარი TIE/vn-ით ფლოტისკენ მიემართება, სამი TIE-ის თანხლებით, რომლებიც წინააღმდეგობას მნიშვნელოვან დარტყმას მიაყენებენ. პოს და BB-8-ის X-ფრთებიანზე ასვლამდე კაილო "რადუსის" ანგარის მიმართულებით ორ ტორპედოს ისვრის, რაც იქ არსებულ სახაზო ხომალდებს ანადგურებს, შეიწირავს რა რამდენიმე პილოტს, მათ შორის — ლინტრას. პო და მისი დროიდი გადარჩებიან. ორგანა და ადმირალი აკბარი გასცემენ დარჩენილი ხომალდების პირველი ორდენის ხომალდების წვდომის არედან გაყვანას.

ემზადება რა "რადუსის" ბოგაზე შეტევის გასახორციელებლად, რენი იქ ძალის მეშვეობით დედას ამჩნევს. მის სანაცვლოდ გასროლას მოულოდნელად ახორციელებს თანმხლები TIE. ბოგა ფეთქდება და შეიწირავს უმაღლესი სარდლობის დიდ ნაწილს — აკბართან ერთად. მას შემდეგ, რაც გენერალი ჰაქსი ატყობინებს, რომ მათი წინააღმდგეობისგან დაცვა უკვე შეუძლებელია, რენი "სიდიადეზე" ბრუნდება. წინააღმდეგობის ფლოტს მხოლოდ ხომალდების მობილურობა და ამრეკლი ფარების ძალა დარჩენია, ხოლო მათი საწვავის მარაგი იწურება.

ღია კოსმოსში გასროლილი ლეია ძალის მეშვეობით სასიკვდილო პირობებში გადარჩება და დანგრეულ ბოგაზე ბრუნდება. მას წინააღმდეგობის სხვა წევრები ამჩნევენ და ხომალდზე უშვებენ. სამედიცინო ნაკვეთურში გადაყვანილი ორგანას ხელიდან მოწყდება გადამცემი, რომელსაც ფინი პოულობს.

შეხვედრა წარსულთან[]

Luke and R2-D2 in Falcon VIII

ლუკის და R2-D2-ის შეხვედრა "შავარდენზე".

სანამ რეის ქოხში სძინავს, ჩუბაკა დაჭერილ პორგს ცეცხლზე წვამს. ამ დროს მას თვალს ადევნებენ სხვა პორგები და ვუკი მათ თავიდან ვერაფრით იცილებს.

ამასობაში ლუკი "შავარდენში" შედის, სადაც ჰანის კამათლებს პოულობს, რაც მეგობარს კვლავ მოაგონებს. სკაიუოკერი აგრეთვე ხვდება R2-D2-ს და ეუბნება, რომ დაბრუნებას არ აპირებს. ამაზე პასუხად დროიდი უჩვენებს ძველ ჰოლოგრამულ გზავნილს, რომელშიც მისი ობი-ვან კენობის დახმარებას სთხოვს. როგორც ჩანს, ეს ლუკზე დიდ გავლენას ახდენს. იგი რეისთან მიდის და სამი გაკვეთილის ჩატარებას ჰპირდება, რაც დილით დაიწყება.

წინააღმდეგობა წინააღმდეგობაში[]

Amilyn Holdo VIII

ვიცეადმირალი ემილინ ჰოლდო, წინააღმდეგობის დროებითი მეთაური.

"რადუსზე" მეთაური ლარმა დ'ეისი წინააღმდეგობის თავმოყრილ წევრებს ამცნობს, რომ გენერალი ორგანას მდგომარეობა სტაბილურია, მაგრამ იგი კომაშია. იგი დანანებით აღნიშნავს, რომ აკბარი წინააღმდეგობის უმაღლესი სარდლობის სხვა წევრები "რადუსზე" დაიღუპნენ. მისი თქმით, ლეია მათთან ერთად რომ ყოფილიყო, ეტყობა, რომ საკუთარი დარდი ბრძოლის შემდეგ გამოეხატათ. მთავარი მეთაურის ადგილს იკავებს ვიცეადმირალი ჰოლდო, კრეისერ ნინკადან. იგი შეკრებილებს ესაუბრება და ყველას საკუთარი დავალების კვლავ შესასრულებლად უშვებს.

პო ჰოლდოს აფრთხილებს, რომ მათი საწვავის მარაგი იწურება. პასუხად იმაზე, თუ რა შედის მის გეგმებში, ჰოლდო პოს რანგში ჩამოქვეითებას ახსენებს და უწოდებს "თავქარიან" პილოტს, რომლის უგუნურება მიდრეკილებად იქცა. იგი დემერონს უბრძანებს, საკუთარი მოვალეობები შეასრულოს და პილოტი ემორჩილება, მიუხედავად იმისა, რომ არ ენდობა.

ფინი განიცდის იმას, თუ როგორ შეძლებს რეი მათ პოვნას და მის საძიებლად გამგზავრებას დამოუკიდებლად გადაწყვიტავს. იგი სამაშველო კაფსულების ნაკვეთურს ეძებს, რა დროსაც მექანიკოსი როუზ ტიკო, რომელიც დას დასტირის, მას, როგორც დეზერტირს იჭერს. გაბრუებული ფინი მოგვიანებით გონს მოდის და ცდილობს, აუხსნას, თუ როგორ აპირებს რეის მოძებნას. როუზს იგი ეგოისტად მიაჩნია, თუმცა პირველი ორდენის ყოფილი შტორმტრუპერი მის ნდობას მოიპოვებს ჰიპერსივრცული გადამცემის გათიშვის გეგმის განმარტებით. ორივე მოიფიქრებს, თუ როგორ შეაღწიონ პირველი ორდენის ფლაგმანზე და როგორ გათიშონ გადამცემი, რომლითაც წინააღმდეგობის გადაადგილებას თვალს ადევნებენ.

ფინი და როუზი პოს და C-3PO-ს საკუთარ ჩანაფიქრს უზიარებენ. არ ენდობა რა ვიცეადმირალის არსებულ სტრატეგიას, პო მათ უერთდება, ფიქრობს რა, რომ წინააღმდეგობაც და რეიც ამით გადარჩებიან — მიუხედავად C-3PO-ს მხრიდან გარკვეული წინააღმდეგობისა. ვინაიდან პირველი ორდენის უსაფრთხოების ძალების გარღვევა რთულია, ისინი უკავშირდებიან მაზ კანატას, რომელიც ამ დროს საბრძოლო მოქმედებების შუაგულშია. მიუხედავად ამისა, იგი შეძლებს, განუმარტოს მათ, რომ საჭიროა მთავარი კოდისგამტეხი ქალაქ კანტო-ბაიტიდან. გამგზავრებამდე ფინი ლეიას გადამცემს პოს უტოვებს.

პირველი გაკვეთილი[]

Luke and Rey first lesson

ლუკი რეის ესაუბრება ძალის შესახებ.

აქ-ტოზე რეი და კაილო ერთმანეთს ხილვების მეშვეობით ესაუბრებიან. რეი კაილოს მიმართ მტრულად არის განწყობილი. გაბრაზებული, იგი ქოხის სახურავს ესვრის, რაც არ ესიამოვნება ადგილობრივ ლანეებს, კუნძულზე არსებული ნაგებობების მომვლელებს.

მოგვიანებით, დილით, ლუკს რეი მიჰყავს ჯედაების პირველი ტაძრის გამოქვაბულში. იგი ეკითხება გოგონას, თუ რა იცის ძალის შესახებ და ეუბნება, რომ ძალა არ არის უბრალოდ შესაძლებლობა, არამედ ენერგიაა, რომელიც ყოველივეს აერთიანებს. პირველი გაკვეთილი იწყება. რეი ლუკის მითითებით ხუჭავს თვალებს და ხელს შლის, ჯედაი კი მას ამასობაში ატყუებს და ფოთლით უღიტინებს.

ამის შემდეგ რეის ხედვაში ჩნდება სხვადასხვა ადგილი — კუნძული, სიცოცხლის და სიკვდილის ციკლი, სითბო, სიცივე, მშვიდობა და ძალადობა. იგი ამბობს, რომ ძალას გრძნობს, მაგრამ ლუკი განუმარტავს, რომ ძალა ჯედაებს არ ეკუთვნის, იგი ნათელი და ბნელი მხარეების წონასწორობაა.

რეი გრძნობს ადგილს, რომელიც ძალის ბნელი მხარით არის სავსე. იგი გრძნობს, რომ ადგილი მას უხმობს და ამაზე პასუხად ჩაღრმავებიდან ამოხეთქავს წყლის ნაკადი. რეი ამბობს, რომ ადგილი რაღაცის ჩვენებას ცდილობს, რაც ლუკს არ მოსწონს, ვინაიდან ჩანს, რომ რეი ბნელ მხარეს არ ეწინააღმდეგება. ვერ ხედავს რა ძალაში ლუკს, რეი ხვდება, რომ მასწავლებელი ძალას განერიდა. ლუკი ეუბნება, რომ ასეთი ძალა ერთ დროს ბენ სოლოში იგრძნო და ნანობს, რომ მას თავის დროზე არ აღუდგა.

ჩუბაკა პორგებს უმეგობრდება, რომლებიც "შავარდენზე" სახლდებიან. რეი ვუკის ეკითხება, არის თუ არა რამე სიახლეები წინააღმდეგობისგან, რაზეც ის პასუხობს, რომ არაფერია ცნობილი. რეი და რენი კვლავ ესაუბრებიან ერთმანეთს ძალის ხილვის მეშვეობით და გოგონა მას მამის მკვლელობას ახსენებს, რენი კი ეუბნება, რომ რეი მხოლოდ მშობლების შემცვლელებს ეძებს, თავდაპირველად — ჰანში, ახლა კი — ლუკის სახით. იგი ეკითხება რეის, უამბო თუ არა ჯედაიმ მას თუ რა მოხდა ჯედაების ტაძარში.

კოდისგამტეხის ძიება[]

Finn and Rose watching Fathiers

ფინი და როუზი კანტო-ბაიტზე თვალს ადევნებენ ფაზიერების რბოლას.

პოს დახმარებით ფინი, როუზი და BB-8 წინააღმდეგობის გადამყვანი კაფსულით იპარებიან. პო მათ აფრთხილებს, რომ მისია მნიშვნელოვანია, ვინაიდან წინააღმდეგობას საწვავის მარაგი მხოლოდ 18 საათს ეყოფა. როუზი, ფინი და დროიდი კორპორატიული სექტორის პლანეტა კანტო-ბაიტზე, ქალაქ კანტონიკაში მიემგზავრებიან. ისინი სანაპიროზე ეშვებიან, რაც აბედნედო ბიზნესმენ სლოუენ ლოს ყურადღებას მიიქცევს. იგი, თავის მხრივ, ამის შესახებ ამცნობს კანტო-ბაიტის პოლიციის დეპარტამენტს და ატყობინებს, რომ უცხოები კანტოს სამორინესკენ მიემართებიან.

ფინი გაოგნებულია სამორინეში დანახული მდიდრული ატმოსფეროთი, როუზი კი ეუბნება, რომ ქალაქი ექსპლუატაციის ხარჯზე არსებობს. ფაზიერების რბოლაზე დასწრებისას იგი განუმარტავს, რომ თავად წარმოშობით მაღაროებიანი სისტემიდანაა, რომელსაც პირველი ორდენის ძალები მართავდნენ, მოგვიანებით კი მათზე იარაღებს ცდიდნენ. ფაზიერების პატრონი ბარგვილ ტომდერი მათი თანდასწრებით ბავშვებს ჩაგრავს და ფინი ხვდება, რომ, საბოლოოდ, კანტო-ბაიტზე თავმოყრილი საზოგადოება პასუხისმგებელია იარაღების როგორც პირველი ორდენისთვის, ასევე წინააღმდეგობისთვის გაყიდვისთვის.

BB-8 ამასობაში ტურფასთან" მდგომ კოდისგამტეხს ამჩნევს და ფინს და როუზს ატყობინებს. ისინი ცდილობენ, გაესაუბრონ ნაპოვნ სამიზნეს, მაგრამ ორივეს სლოუენ ლო აჩერებს. პოლიციის ოფიცრები მათ აბრუებენ და აპატიმრებენ გადამყვანების გაჩერების დარღვევა 27B/6-ის მუხლით. "ტურფა" ამ ალიაქოთს ამჩნევს, მაგრამ კოდისგამტეხი ზედმეტად დაკავებულია თამაშით. BB-8-ს კაზინოდან აგდებენ.

მეორე გაკვეთილი[]

კვერთხით ვარჯიშის შემდეგ რეი იყენებს სკაიუოკერის სინათლის მახვილს. საკუთარი მახვილით იგი ჭრის კლდის ნაწილს, რომელიც ემხობა ლანეების ოთხთვალაზე. სკაიუოკერი შეგირდს განუმარტავს, რომ, ვინაიდან ჯედაები აღარ არსებობენ, მათ გადამეტებულად აღმერთებენ. იგი დარწმუნებულია, რომ ჯედაების დანატოვარიც ფუჭია, ვინაიდან მათ ვერ შეძლეს დართ სიდიუსის და გალაქტიკური იმპერიის დამარცხება.

ლუკი რეის შეახსენებს, რომ სწორედ ოსტატმა ჯედაიმ აღზარდა დართ ვეიდერი. პასუხად რეი შეახსენებს, თუ როგორ გამოისყიდა ლუკმა საკუთარი მამა. მიუხედავად ამისა, ლუკს კვლავ ტანჯავს ის, რომ ვერ შეძლო ბენ სოლოს ბნელი მხარისგან დაცვა, მიაჩნია რა თავი დამნაშავედ როგორც დასთან, ასევე ჰანთან. იგი უამბობს რეის, რომ რენში ბნელი ძალის მომძლავრება იგრძნო და, როდესაც საფრთხესთან დაპირისპირება სცადა, ბენისგან საპირისპირო დარტყმა მიიღო. გონს მოსულ ლუკს აალებული ტაძარი დახვდა, ისევე, როგორც გამქრალი და დაღუპული შეგირდები. ლეია ყველაფრის გამო ბრალს სნოუკს სდებდა, თუმცა ლუკი შეცდომებისთვის საკუთარ თავს ადანაშაულებდა. რეი არწმუნებს ლუკს, რომ გალაქტიკამ იგი ლეგენდად აქცია და ოსტატი ჯედაი ამ ამბავში საკუთარი თავის პოვნაში უნდა დაეხმაროს.

სხვა კოდისგამტეხი[]

"ყველაფერი სისტემაა, მეგობარო. იცხოვრე თავისუფლად. არ შეუერთდე."
―დიჯეის და ფინის საუბრიდან[6]
DJ VIII

დიჯეი

გენერალი ჰაქსი გასცემს წინააღმდეგობის სამედიცინო ფრეგატ გამაყუჩებლის განადგურების ბრძანებას. თუმცა, კაპიტანმს ხომალდის ევაკუაცია უკვე დასრულებული აქვს. ლეიტენანტი კონიქსი ჰოლდოს შეახსენებს, რომ მხოლოდ ექვსი საათის სამყოფი საწვავის მარაგი აქვთ დარჩენილი, თუმცა დროებითი მეთაური ბოგაზე მყოფებს უბრძანებს, განაგრძონ გაცემული ბრძანებების შესრულება. პო ფინის და როუზის მისიის გამო ღელავს და მათ საწვავის თითქმის ამოწურვის შესახებ ამცნობს.

კანტო-ბაიტის პოლიციის შტაბ-ბინაში ფინი და როუზი გაიცნობენ დაპატიმრებულ სლაისერ დიჯეის, რომელიც საპატიმროდან გაქცევას სთავაზობს. BB-8-ის დახმარებით ისინი კანალიზაციის მეშვეობით პოლიციის განყოფილებიდან გარბიან. მათ პოლიციელები დაედევნებიან, მაგრამ გაქცეულები თავლიდან ფაზიერებს ათავისუფლებენ, ხოლო ერთ-ერთ მომვლელ ბიჭუნას, ტემირი ბლეგს, წინააღმდეგობის ბეჭედს უტოვებენ.

ფაზიერები სამორინეში დიდ არეულობას იწვევენ და ქალაქის ქუჩებში გარბიან. ფინი და როუზი საკუთარი კაფსულით გაქცევას ცდილობენ, მაგრამ მას მოტორიზებული პოლიციის სპიდერები ანადგურებენ. ფაზიერს ისინი, საბოლოოდ, მიჰყავს ქალაქის განაპირას, სადაც, კინაღამ კლდიდან გადავარდნილებს, პოულობენ დიჯეი და BB-8. იახტა თავაშვებულით" ისინი პლანეტას ტოვებენ.

ჭეშმარიტების ძიებაში[]

Rey reflections

რეი და მისი ანარეკლები გამოქვაბულში.

აქ-ტოზე ლუკი ცდილობს, დაუკავშირდეს ძალას და უგონოდ მყოფ ლეიას გრძნობს. რეი ამასობაში განაგრძობს კაილო რენთან საუბარს და სთხოვს, აუხსნას, თუ რატომ ეზიზღებოდა ჰანი. ხედავს რა, რომ იგი წელს ზემოთ შიშველია, გოგონა სთხოვს, რამე ჩაიცვას. კაილო ეუბნება, რომ მამა საშინლად ეპყრობოდა და ლუკიც და მშობლებიც მას ცუდად ეპყრობოდნენ.

რენი რეის დაწვრილებით უამბობს, თუ როგორ ეშინოდა ლუკს მისი მზარდი ძალის და სცადა, მოეკლა ჩაძინებული და დაუცველი. რეის იგი ასე ურჩევს: "დაე, წარსული მოკვდეს. მოკალი, თუკი საჭიროა". გრძნობს რა ბნელი მხარის ხმობას, რეი ჩადის გამოქვაბულში, სადაც ბნელი მხარე განსაკუთრებით მძლავრია. საკუთარი თავის ანარეკლების გარდა იგი ხედავს ბუნდოვან ანარეკლს, მაგრამ, როდესაც უახლოვდება, მშობლების სანაცვლოდ საკუთარ სახეს ხედავს.

გაფრენა აქ-ტოდან[]

Luke interrupting Rey and Kylo Ren

ლუკი რეის ქოხში იმ დროს შედის, როდესაც გოგონა კაილო რენს ესაუბრება.

მშობლების და საკუთარი წარმოშობის შესახებ რამე სახის ჭეშმარიტების გარეშე რეი გადაწყვიტავს, ლუკის დაკვირვებით მომზადება შეწყვიტოს და აქ-ტო დატოვოს. იგი ქოხში ბრუნდება, საიდანაც კვლავ ესაუბრება კაილოს. მასში ახლობელი სულის შეგრძნებით, იგი ძალის მეშვეობით უკავშირდება და ხელზე ეხება. ამ დროს ქოხში ლუკი შემორბის. განრისხებული, იგი ნაგებობას ძალის მეშვეობით ანგრევს და რეისგან აქ-ტოს უმალვე დატოვებას მოითხოვს, მაგრამ გაბრაზებული რეი მასწავლებელს თავს ესხმის.

ლუკი რეის თავდაპირველად განაიარაღებს, მაგრამ საბოლოოდ, როდესაც გოგონა მისივე მახვილით ემუქრება, აღარ ეწინააღმდეგება და აღიარებს, რომ ჩაძინებული ბენის მოკვლა სცადა, როდესაც მიხვდა, რომ იგი სნოუკმა ძალის ბნელ მხარეს მიიტყუა — თუმცა, საბოლოოდ, მოკვლის სანაცვლოდ, უკან დაიხია და საკუთარი ჩანაფიქრი არ განახორციელა. მაგრამ ბენმა იგრძნო ლუკის იქ ყოფნა და, განრისხებულმა, გამოიყენა სინათლის მახვილი, საპასუხო შეტევა განახორციელა, შემდეგ კი ჯედაების ტაძარი გაანადგურა და გაუჩინარდა, რათა საბოლოოდ კაილო რენად ქცეულიყო.

რეი დარწმუნებულია, რომ კაილოს ბნელი მხრიდან მობრუნება კვლავ არის შესაძლებელი. სკაიუოკერი აფრთხილებს, რომ ყოველივე ისე არ დასრულდება, როგორ იგი ელის. გაფრთხილებების მიუხედავად, რეი უკან არ იხევს. იგი შესთავაზებს სინათლის მახვილს, მაგრამ ჯედაი მას არ იღებს და გოგონას უტოვებს. რეი ფიქრობს, რომ კაილო მათი უკანასკნელი მედია. იგი ლუკს ვერაფრით არწმუნებს, შეუერთდეს წინააღმდეგობას, ამიტომ აქ-ტოს ტოვებს, იმ იმედით, რომ კაილოს შეცვლის და შეძლებს იმას, რაც ლუკისთვის შეუძლებელი აღმოჩნდა.

მასწავლებელი და შეგირდი[]

Luke and Yoda watching fire

ლუკის და იოდას შეხვედრა.

რეის გამგზავრების შემდეგ ლუკი ჩირაღდანით ჯედაების ტექსტების განადგურების მიზნით ბიბლიოთეკას უბრუნდება. მას ამ დროს ეწვევა იოდას ძალის აჩრდილი და, სანამ ლუკი ყოყმანობს, ელვას იწვევს და ბიბლიოთეკას ცეცხლი ეკიდება. სკაიუოკერი ხისკენ მირბის, მაგრამ ძლიერი ცეცხლის გამო ჩერდება.

იოდა ამბობს, რომ ლუკი ენატრებოდა. ალმოკიდებული ხე სკაიუოკერს დაარწმუნებს, რომ ჯედაების აღსასრულის დრო დადგა. აჩრდილი ამბობს, რომ დროა, "ძველი წიგნების" მიღმა გაიხედონ. ლუკი შეახსენებს, რომ ბიბლიოთეკაში წმინდა ტექსტები ინახებოდა, თუმცა, იოდას თქმით, მათში არ ინახებოდა ისეთი რამ, რაც არავინ იცის. ლუკს იგი უთითებს, ახსოვდეს იმწამიერი და არ იფიქროს მომავალზე.

ლუკი საკუთარ თავს ბენ სოლოს დაკარგვის გამო ადანაშაულებს. იგი გრძნობს, რომ რეის ვერ ამეცადინებს. იოდას თქმით, შეცდომა ყველა დიდი მასწავლებელია. მისივე თქმით, შეგირდები "ყოველთვის წინ გვისწრებენ. ეს ყველა მასწავლებლის ტვირთია".

"სიდიადეზე"[]

Finn and Rose caught by First Order

ფინს და როუზს პირველი ორდენის ძალები იჭერენ.

ჰიპერსივრცეში ყოფნისას როუზი დიჯეის ეკითხება, შეუძლია თუ არა მათ დაეხმაროს "სიდიადეზე" შეჭრასა და ჰიპერსივრცული გადამცემის გათიშვაში. დიჯეი ამისთვის გასამრჯელოს ითხოვს და როუზი და ფინი ჰპირდებიან, რომ წინააღმდეგობა მას ყველაფერს აუნაზღაურებს. მაგრამ დამნაშავე ითხოვს მხოლოდ როუზის ოქროს გულსაკიდს, რომლის მეორე ნახევარი მის დას, პეიჯს ჰქონდა. ფინს ახსოვს, თუ რამდენად მნიშვნელოვანია ეს გულსაკიდი ტიკოსთვის და დიჯეის მის დაბრუნებას უბრძანებს, რაზეც დამნაშავე საკუთარ ფილოსოფიას გაუზიარებს: "არ შეუერთდე". აგრეთვე ცნობილი ხდება, რომ იახტა, რომლითაც ისინი გადაადგილდებიან, ეკუთვნის იარაღით მოვაჭრეს, რომელიც ემსახურება როგორც პირველ ორდენს, ასევე წინააღმდეგობას.

ისინი "სიდიადეზე" შეიჭრებიან, სადაც დიჯეი პირველი ორდენის სენსორულ სისტემას ტეხავს. ისინი პირველი ორდენის ოფიცრების უნიფორმებს იპარავენ და ჰიპერსივრცულ გადამცემამდე აღწევენ, ნაგვის კონტეინერის ქვეშ დამალულ BB-8-სთან ერთად. შეჭრილებს ამ დროს ამჩნევს პირველი ორდენის ასტრომექანიკოსი დროიდი BB-9E.

დიჯეი გადამცემის სისტემის გატეხვას ცდილობს, ფინი კი პოს უკავშირდება და ეუბნება, რომ, მითითებისთანავე, სინათლის სიჩქარით ნახტომი განახორციელონ. დიჯეი გადამცემის შიდა ოთახს აღებს, მაგრამ მათ ამ დროს პოულობენ პირველი ორდენის შტორმტრუპერები, უსაფრთხოების ბიუროს] პოლკოვნიკ ანსივ გარმუთის და კაპიტანი ფაზმას მეთაურობით, რომელიც ფინს დაბრუნებას ულოცავს. BB-8, კვლავ შენიღბული, იმალება.

ევაკუაცია[]

Leia out of coma

კომიდან გამოსული ლეია.

ამ დროისთვის წინააღმდეგობის ფლოტიდან დარჩა მხოლოდ "რადუსი" და გენერალი ჰაქსი დარწმუნებულია, რომ პირველი ორდენი გაიმარჯვებს. "რადუსზე" გაბრაზებული პო გეგმების დაფარვის გამო უპირისპირდება ვიცეადმირალ ჰოლდოს. იგი განიცდის, რომ წინააღმდეგობის ხომალდების რაოდენობა იწურება და ეკითხება, თუ რის იმედად არიან. ჰოლდოს თქმით, იმედი მხოლოდ წამიერი რწმენაა.

კომპიუტერის ეკრანზე დაკვირვებისას პო იაზრებს, რომ ჰოლდომ გასცა წინააღმდეგობის გადამყვანების საწვავის დარჩენილი მარაგით გამართვის ბრძანება. იგი გაოგნებული და სასოწარკვეთილია იმის გამო, რომ ჰოლდო "რადუსს" ტოვებს და მას მოღალატეს და მხდალს უწოდებს. პასუხად ჰოლდო მისი ბოგიდან გაყვანის ბრძანებას გასცემს. პილოტი უკავშირდება ფინს, რომელიც ამცნობს, რომ კოდისგამტეხი ნაპოვნია და მიზნის მისაღწევად მეტი დრო სჭირდებათ.

"რადუსზე" პო ჰოლდოს უამბობს ფინის და როუზის მისიის შესახებ. ვიცეადმირალი დარწმუნებულია, რომ დემერონმა ამით წინააღმდეგობა უფრო მეტ საფრთხეში ჩააგდო და გასცემს ევაკუაციის ბრძანებას.

პო იწყებს აჯანყებას, უპირისპირდება რა ჰოლდოს და მის პერსონალს. თანამოაზრეებთან ერთად (რომელთა შორის არ არის C-3PO) იგი ბოგას იღებს და "რადუსის" კვლავ ამოქმედებას ცდილობს. ჰოლდო ბლასტერის მეშვეობით თავისუფლდება. მოულოდნელად შემოდის გონს მოსული ლეია, რომელიც პოს გასროლით აბრუებს.

აჯანყება დასრულებულია და ევაკუაცია იწყება. ანგარში ყოფნისას ლეია აღნიშნავს, რომ პო აურზაურის გამოვწვევია, თუმცა ჰოლდო აღნიშნავს, რომ იგი მაინც მოსწონს. ემილინი აგრეთვე გამოთქვამს კრეისერზე დარჩენის სურვილს. ლეიას არ სურს მეტი დანაკარგი წინააღმდეგობის რიგებში, მაგრამ ჰოლდო ეუბნება, რომ ლეიასგან უკვე ისწავლა ამის გადატანა. მეგობრები ერთმანეთს შორდებიან.

პო გონს მოდის და ხედავს, თუ როგორ ტოვებენ ხომალდები "რადუსს". მეთაური დ'ეისი პოს უამბობს, რომ ისინი მიემგზავრებიან კრეიტზე, აჯანყებულთა ალიანსის ძველ ბაზაზე. ლეია პოს ეუბნება, რომ ჰოლდოს საევაკუაციო გეგმა თავად მოიწონა და რომ ჰოლდოს უფრო მეტად სურდა ნათელის დაცვა და არა გმირობა. "რადუსიდან" ვიცეადმირალი ყველას ემშვიდობება.

სნოუკთან პირისპირ[]

"მშვენიერი, ძვირფასო და ერთგულო შეგირდო. შენდამი ჩემი რწმენა კვლავ აღდგა."
―სნოუკი მიმართავს კაილო რენს[6]
Snoke speaking to Kylo in his throne room

სნოუკი თავის სატახტო დარბაზში რეის ესალმება.

"ათასწლოვანი შავარდენი" ჰიპერსივრცეში მოძრაობს. რეი საევაკუაციო კაფსულით ხომალდს ტოვებს. იგი ეშვება სნოუკის "სიდიადის" ანგარში, სადაც მას ხვდებიან კაილო რენი და შტორმტრუპერები, რომლებიც ხელებზე ბორკილებს ადებენ. კაილოს რეი ტურბოლიფტით სნოუკთან მიჰყავს. გოგონა ეუბნება, რომ მასში სიკეთეს გრძნობს და რომ მას მომავალი აქვს. იგი დახმარებას ჰპირდება, რაზეც კაილო პასუხობს, რომ თავად იხილა, თუ როგორ გადავა რეი მის მხარეს. იგი აგრეთვე ამატებს, რომ მისი მშობლების ვინაობა იცის.

დარბაზში შესულ რეის სნოუკი ესალმება. იგი იწონებს გოგონაში დამალულ ძლიერებას და სინათლეს, რომელიც მზარდ წყვდიადს ხვდება. როგორც თავად ამბობს, კაილოს იგი წარსულში აფრთხილებდა, რომ მის მომძლავრებასთან ერთად ნათელ მხარეზე მყოფი მისი საპირწონეც გაძლიერდებოდა. ძალის მეშვეობით იგი რენის ხელიდან სკაიუოკერის სინათლის მახვილს იღებს, შემდეგ კი, კვლავ ძალით, რეის ახლოს იზიდავს. გოგონა აფრთხილებს, რომ სკაიუოკერს, ბენ სოლოს და მას სათანადოდ ვერ აფასებს და სწორედ ეს იქცევა მისი განადგურების მიზეზად. ამაზე სნოუკი აცხადებს, რომ რენსა და მას შორის არსებული გონებრივი კავშირი შექმნა — მათი ემოციებისა თუ სურვილების გამოყენებით — რათა ლუკი გაენადგურებინა. სნოუკი მოითხოვს სკაიუოკერის ადგილსამყოფელის დასახელებას, მაგრამ რეი მტკიცე წინააღმდეგობას უწევს. ძალის მეშვეობით სნოუკი მას ჰაერში ისვრის და გონებას აწამებს, რათა ინფორმაცია ასეთი გზით მოიპოვოს.

შეიტყობს რა ყველაფერს რეის გონებაში შეღწევით, იგი მას ათავისუფლებს, ძირს აგდებს და სკაიუოკერის "კეთილგონიერებას" დასცინის. იგი ჰპირდება, რომ გაანადგურებს ლუკს და ჯედაების ორდენს. რეი სინათლის მახვილის ძალით მიზიდვას ცდილობს, მაგრამ სნოუკი აფრენილ მახვილს გამოსტაცებს და ძალით მას კვლავ ჰაერში ასწევს, რათა ილუმინატორებიდან წინააღმდეგობის ფლოტის განადგურება უჩვენოს. რეი ამ დროს იტაცებს კაილოს მახვილს, მაგრამ ელიტური გვარდიის წევრები საკუთარ იარაღს აღმართავენ. გოგონა სნოუკზე თავდასხმას ცდილობს, მაგრამ პირველი ორდენის მეთაური ძალის მეშვეობით კვლავ მოისვრის. კაილო მახვილს იბრუნებს.

ჩაშლილი გეგმა[]

Phasma with the Troopers VIII

ფაზმა და შტორმტრუპერები, რომლებიც აჩერებენ ფინს და როუზს.

"სიდიადის" ანგარში, გენერალ ჰაქსის, კაპიტან ფაზმას და პირველი ორდენის ოფიცრების, სამხედროების და პილოტების თანდასწრებით, ფინს და როუზს უპირებენ დასჯას. ჰაქსი ფინს სახეში გაულაწუნებს და ფაზმას დახმარებისთვის მადლობას უხდის. ცნობილი ხდება, რომ დიჯეიმ ფინი და როუზი მათ თავად ჩააბარა, თავისუფლების და ფინანსური მოგების სანაცვლოდ. როუზი მას "ცრუპენტელა გველს" უწოდებს. დიჯეი პასუხობს, რომ პირველმა ორდენმა უბრალოდ უკეთესი პირობები შესთავაზა და გასამრჯელო — რომელსაც ადგილზევე გადასცემენ. იგი ახალ დამკვეთებს აგრეთვე ატყობინებს წინააღმდეგობის საევაკუაციო გეგმას, რაც დასტურდება "რადუსიდან" 30 მცირე ხომალდის აფრენით.

გენერალი ჰაქსი გასცემს მოწინააღმდეგე ხომალდების მიმართულებით ცეცხლის გახსნის ბრძანებას, რაც რამდენიმე ხომალდს ანადგურებს და წინააღმდეგობას მძიმე დანაკარგს მოუტანს. მიუხედავად ამისა, ვიცეადმირალი ჰოლდო ბრძანებს, განაგრძონ კრეიტისკენ გადაადგილება.

დიჯეის ღალატს ფინიც აღნიშნავს, თუმცა დამნაშავისთვის ეს სიტყვები არაფრის მომტანია. იგი აღნიშნავს: "დღეს თქვენ გაფეთქებენ, ხვალ თქვენ ააფეთქებთ". მისი თქმით, ეს მხოლოდ საქმიანი ურთიერთობაა, რასაც ფინი არ ეთანხმება. ფაზმა შტორმტრუპერ ჯალათს უბრძანებს მისთვის და როუზისთვის პირდაპირ ლაზერული ცულებით თავების მოკვეთას.

სნოუკის აღსასრული[]

"ფიქრობ, მას შეცვლი? გულის ამაჩუყებელი ბავშვი ხარ. ვერ მიღალატებ. ვერ დამამარცხებ. მის ყოველ დაგეგმილ ნაბიჯს ვხედავ. დიახ....მე ვხედავ, როგორ იღებს სინათლის მახვილს, რათა მოიქნიოს. ახლა კი, ბრიყვო პატარავ, იგი აღმართავს და ნამდვილ მტერს მოკლავს!"
―სნოუკი მიმართავს რეის[6]
Kylo and Rey fight with the guard

რეის და კაილოს ბრძოლა სნოუკის გვარდიელებთან.

სნოუკი კაილოს რეის მოკვლას უბრძანებს. დარწმუნებულია რა, რომ რენის ფიქრებს კარგად კითხულობს, სნოუკი რეის დასცინის. თუმცა, კაილო ძალის მეშვეობით მის სავარძელზე დადებულ სკაიუოკერის სინათლის მახვილს აამოქმედებს და სნოუკს ორად გახლიჩავს. უზენაესი მეთაური იღუპება, რენი კი მახვილს ძალით მიიზიდავს, რეის გადასცემს და ორივე გაერთიანებული ძალით იწყებს ბრძოლას სნოუკის პრეტორელებთან. პირველივე მათგანს კაილო უმალვე კლავს.

ერთ-ერთი გვარდიელი იღუპება რეის მახვილითაც, მაგრამ მეორე გვარდიელ მახვილს ელექტროჯაჭვური შოლტით იჭერს. საბოლოოდ, რეი თავისუფლდება და გვარდიელს სასიკვდილოდ დაჭრის. მესამე გვარდიელი ვიბროარბირსს ორად შლის და რეისკენ მიემართება. რენს ამ დროს სამი გვარდიელი ებრძვის. ორი მათგანის მოკვლის შემდეგ მას მესამე იჭერს.

ერთ-ერთი გვარდიელი ასევე იჭერს რეის, მაგრამ გოგონა მახვილს აგდებს და მასაც კლავს. კაილოს იგი უკანასკნელი გვარდიელის მოკვლაში ეხმარება, აწვდის რა მახვილს. რეი მას სთხოვს, შეაჩეროს არტილერისტები, რათა შეწყდეს წინააღმდეგობის ფლოტის განადგურება, მაგრამ რენი სთავაზობს, დაასრულოს წარსული, ჯედაებიც, სითებიც, წინააღმდეგობაც და პირველი ორდენიც. იგი გოგონას მასთან ერთად გალაქტიკის მართვას სთავაზობს. რეი არ უერთდება მას და კაილო უამბობს მშობლების შესახებ: ისინი იყვნენ უბრალოდ ჯართის შემგროვებლები, რომლებმაც გოგონა სასმელის შესაძენი თანხის სანაცვლოდ გაყიდეს და, საბოლოოდ, ჯაკუს ქვიშებში დაიმარხნენ. მისი თქმით, რეი არსაიდან არის და არაფერია, მაგრამ — არა მისთვის. იგი მას გალაქტიკაში ერთად გაბატონებას კვლავ სთავაზობს.

"სიდიადის" დანგრევა[]

Destroying Supremacy

"სიდიადის" განადგურება

ადევნებს რა თვალს წინააღმდეგობის გაქცევას, ჰოლდო "რადუსს" მართავს. ჰაქსი ვერ იაზრებს, თუ რა სტრატეგიას იყენებენ წინააღმდეგობის მხრიდან, ამიტომ "სიდიადე" სროლას განაგრძობს. ამ დროს სნოუკის დარბაზში, ძალის მეშვეობით, რეი და კაილო ცდილობენ, ერთმანეთს წაართვან სკაიუოკერის მახვილი, რომელიც საბოლოდ ორად იხლიჩება.

აკვირდება რა "რადუსს", კონიქსი ფიქრობს, რომ ჰოლდო უბრალოდ გაქცევას ცდილობს, მაგრამ პოს ასე არ მიაჩნია. საბოლოოდ, ჰოლდო თავს გასწირავს. იგი სინათლის სიჩქარით "რადუსს" შეაჯახებს "სიდიადეს" და ანადგურებს მის თანმხლებ ფლოტს. "სიდიადე" ორად იხლიჩება და იწყება დიდი აფეთქება. აალებული სატვირთო ნაწილის გამო ფინი და როუზი გადარჩებიან.

როუზი ფინს ეხმარება მაქოს მოძებნაში. თუმცა, ფინს და როუზს მიიმწყვდევენ ფაზმა და შტორმტრუპერები. BB-8 ამ დროს მართავს AT-ST-ს და მეგობრებს ეხმარება, ანადგურებს რა სამხედროებს. ფინი და ფაზმა პირისპირ რჩებიან. ფაზმა ფინს კვერთხით ძირს დასცემს. ისინი ერთმანეთს ესვრიან.

ფაზმას ყურადღება ეფანტება და ფინი მას ხელკეტით დასცემს. ფაზმა, უკვე დამსხვრეული ჩაფხუტით, მას "ნაძირალას" უწოდებს, ფინი კი ამაყად აცხადებს, რომ იგი "აჯანყებული ნაძირალაა". ფაზმა იღუპება ცეცხლის ნაკადში, როდესაც მის ფეხქვეშ ყველაფერი ინგრევა. როუზთან და დროიდთან ერთად პირველი ორდენის ყოფილი შტორმტრუპერი "სიდიადეს" ქსის კლასის მაქოთი ტოვებს.

სნოუკის დარბაზში ჰაქსი აკვირდება უზენაესი მეთაურის და გვარდიელების გვამებს. იგი აპირებს, ესროლოს უგონოდ მყოფ რენს, მაგრამ კაილო გონს მოდის. შეიტყობს რა, რომ რეი სნოუკის საევაკუაციო მაქოთი გაიქცა, რენი სნოუკის დაღუპვას მას აბრალებს და ჰაქსს უბრძანებს, მოემზადონ კრეიტზე შეტევისთვის. ჰაქსი გამოხატავს გაღიზიანებას, პასუხად კი რენი მასზე ძალით გაგუდვას იყენებს და საკუთარ თავს ახალ უზენაეს მეთაურად აცხადებს.

კრეიტი[]

Leia Battle of Crait

ლეია კრეიტის ბრძოლის წინ, კრეიტის ბაზის ზღურბლზე.

გადარჩენილი მეომრები კრეიტზე იკრიბებიან და შედიან აჯანყებულთა ძველ ბაზაზე. გენერალი ორგანა ფარის კარის დაკეტვის ბრძანებას გასცემს. TIE-ებისგან დევნისას ფინი, როუზი და BB-8 მაქოთი ბაზაზე ავარიულად ეშვებიან. ხანმოკლე ორმხრივი სროლის შემდეგ პო BB-8-ს კვლავ ხვდება. როუზი საბრძოლო საშუალებებს ეძებს და მიაგნებს ძველ მარაგს და თხიმალურებიან სპიდერებს. პო და ლეია გარე რგოლში მოკავშირეებს უბედურების სიგნალს უგზავნიან.

მალე მიწის რყევა იწყება. პლანეტაზე დაშვებულ პირველი ორდენის არმიასთან ერთად გადაადგილდებიან AT-AT-ები, AT-M6-ები და სუპერლაზერული საალყე ქვემეხი. C-3PO სხვებს ამცნობს, რომ BB-8-მ გამოქვაბულები შეისწავლა და აშკარაა, რომ ბაზას მხოლოდ ერთი შესასვლელი აქვს. ფინს იმედი აქვს, რომ მოკავშირეები მათ დაეხმარებიან.

წინააღმდეგობის სამხედროები, კალუან ემატის მეთაურობით, თხრილებში იმალებიან, ხოლო პო, ფინი და როუზი ძველი სპიდერებით პირველი ორდენის ძალებზე შეტევას იწყებენ. კაილო რენის განკარგულებით მათი მიმართულებით მოძრაობენ TIE-ები. ისინი სპიდერების ნაწილს ანადგურებენ, ისევე, როგორც თხრილებში დამალულ სამხედროებს.

როუზს სამი TIE მისდევს, მაგრამ ამ დროს ჩნდება "შავარდენი", რომელიც მათ ანადგურებს. კაილო რენი მისი მიმართულებით სროლის ბრძანებას გასცემს, თუმცა "შავარდენი" TIE-ებს კანიონისკენ იტყუებს. ხომალდის წინა ქვემეხი ეჯახება კლდეებს და იმსხვრევა, თუმცა რამდენიმე TIE ასევე მწყობრიდან არის გამოსული. ჩუბაკას "შავარდენი" კანიონიდან გამოჰყავს.

ფინი და როუზი უახლოვდებიან ქვემეხს, რომელიც გასასროლად ემზადება, რენი და ჰაქსი მოსიარულეების პილოტებს სპიდერებზე ყურადღების გამახვილებაზე მიუთითებენ. ნადგურდება კიდევ რამდენიმე სპიდერი და, როგორც პო ფიქრობს, ეს არის ნამდვილი საბედისწერო მისია. იგი ფინს დაბრუნებას სთხოვს, მაგრამ ფინს ქვემეხის მთლიანად განადგურება სურს. როუზის თხოვნის მიუხედავად, იგი მისკენ მიფრინავს.

სანამ გეგმას განახორციელებს, როუზი ფინს ეღობება, მაგრამ ამას ეწირება მისი ხომალდი. პო და გადარჩენილი აბედნედო პილოტი თხრილებში იმალებიან. ფინი დაჭრილ როუზს პოულობს, რომელიც ეუბნება, რომ ისინი გადარჩებიან "მათი გადარჩენით, ვინც უყვართ".

სუპერლაზერი კრეიტის ბაზის კარს ანგრევს და კაილო რენი თავის ძალებს მის აღებას უბრძანებს. კონიქსი დ'ეისის ამცნობს, რომ წინააღმდეგობის სიგნალმა რამდენიმე წერტილში მიაღწია, მაგრამ არავინ გამოხმაურებია. ლეია ფიქრობს, რომ გალაქტიკისთვის იმედი ამოწურულია.

ჯედაის დაბრუნება[]

"წინააღმდეგობა აღარ არის! ომი დასრულდა! და შენი მოკვლით უკანასკნელ ჯედაის მოვკლავ!"
"საოცარია. შენი ნათქვამი ყოველი სიტყვა მცდარია. აჯანყება დღეს კვლავ დაიბადება. ომი მხოლოდ იწყება. და არც მე ვიქნები უკანასკნელი ჯედაი."
―კაილო რენის და ლუკ სკაიუოკერის შეხვედრა.[6]
Luke and Kylo last battle

ლუკ სკაიუოკერის და კაილო რენის საბოლოო ბრძოლა.

მოულოდნელად ბაზაზე ლუკი შედის. იგი ეუბნება ლეიას, რომ რენთან პირისპირ შესახვედრად მიემართება. ლეია ფიქრობს, რომ შვილი დაკარგა, მაგრამ ლუკის თქმით, არავინ დაკარგულა. დამშვიდობებისას იგი ლეიას ჰანის კამათლებს გადასცემს, C-3PO-ს თვალს ჩაუკრავს და გარეთ გადის, სადაც რენთან შეჯახებას აპირებს.

რენი ყოფილი მასწავლებლის მიმართულებით ტურბოლაზერებიდან ცეცხლის გახსნის ბრძანებას გასცემს. მიუხედავად ყველაფრისა, ლუკი უვნებელი რჩება და მხრიდან მტვერს დამცინავად მოიწმინდავს. ჰაქსის კიდევ ერთხელ დამცირების შემდეგ რენი ლუკთან ჩადის.

ფინს დაჭრილი როუზი ბაზაზე შეჰყავს. პო იაზრებს, რომ ლუკი მათთვის დროის მოგებას ცდილობს და ამბობს, რომ არსებობს "იმედის ნაპერწკალი", რომელიც პირველ ორდენს დაამხობს. C-3PO-ს რჩევის შემდეგ პო მიჰყვება ადგილობრივ ცხოველებს, ვულპტექსებს, რომლებიც კლდის სიღრმისკენ გარბიან.

რეი ამ დროს სხივით წინააღმდეგობის წევრთა გადაადგილებას აკვირდება. იგი კლდის მეორე მხარეს მიდის, სადაც ძალის მეშვეობით ლოდების გროვას შლის და წინააღმდეგობის წევრებს კლდიდან გამოსვლის საშუალებას აძლევს.

კაილო ლუკს სინათლის მახვილებით დუელში უპირისპირდება. იგი სკაიუოკერს ეკითხება, მისი პატიების მიზნით მოვიდა თუ მისი სულის გადასარჩენად, რასაც ლუკი უარყოფს. იგი მუდმივად იგერიებს რენის დარტყმებს და ეუბნება, რომ ნანობს იმის გამო, რომ მასთან შეცდომა დაუშვა. განრისხებული რენი მის აღიარებას არაფრად აგდებს. იგი ამბობს, რომ წინააღმდეგობა მკვდარია და რომ ლუკის აღსასრულით ჯედაებიც დასრულდებიან.

ლუკი მის ყოველ სიტყვას უარყოფს და ეუბნება, რომ ჯედაები და აჯანყება კვლავ იბადებიან რეის და წინააღმდეგობის სახით. იგი რენს სასიკვდილო დარტყმის მიყენებას სთავაზობს, მაგრამ ჰპირდება, რომ მასთან ყოველთვის დარჩება, როგორც ჰანი. რენი დარტყმას ცდილობს, მაგრამ გაოგნებულია, რომ ლუკი არ ინძრევა და უვნებელია. იგი მახვილს კვლავ იქნევს და ხედავს, რომ იგი თავისუფლად მოძრაობს მისი სხეულის გავლით და მიხვდება, რომ ეს ერთგვარი აჩრდილია. ფიზიკურად ლუკი კვლავ აქ-ტოზე იმყოფება და ძალის პროექციას იყენებს. დაცემულ დიშვილს იგი ემშვიდობება და ქრება. რენი გაცოფებულია.

წინააღმდეგობა ცოცხალია[]

"ამით როგორ დავიწყებთ აჯანყებას?"
"ჩვენ ამისთვის ყველაფერი გვაქვს."
―რეი და ლეია ორგანა[6]
Luke looking at the sun

ლუკი უერთდება ძალას.

პროექციის შექმნით ლუკმა მთელი ძალა დაკარგა. კლდეზე ასული, იქიდან, სადაც რეის ამეცადინებდა, ჯედაი აქ-ტოზე მზის ჩასვლას თვალს ადევნებს — ისევე, როგორც ერთ დროს ტატუინზე, 34 წლით ადრე. იგი აღესრულება, მისი სხეული ქრება. თავად ლუკი ძალას უერთდება.

კრეიტზე ლეია და რეი ლუკის აღსასრულს გრძნობენ. პირველი ორდენი ამ დროს ბაზას უტევს, მაგრამ იგი იგვიანებს. რეი ამ დროს "შავარდენიდან" ძალის მეშვეობით რენს უკავშირდება და გამგზავრებამდე კიდევ ერთხელ შეხედავს.

კრეიტიდან აფრენის შემდეგ ჩუბაკა ლეიას ეხუტება. ფინი დაჭრილ როუზზე ზრუნავს. აღმოჩნდება, რომ რეიმ აქ-ტოს ბიბლიოთეკიდან წიგნები წამოიღო და იოდას ისინი არ გაუნადგურებია. პოს გაცნობის შემდეგ რეი ლუკზე ფიქრობს, უყურებს რა მის გატეხილ მახვილს და წინააღმდეგობის წევრთა მცირე რაოდენობას. ლეია აღნიშნავს, რომ წინააღმდეგობა აღსადგენად ყველაფერს ფლობს.

მოგვიანებით, კანტო-ბაიტზე, თავლაში მომუშავე ბავშვები ერთმანეთს ლუკის თავგადასავლებს უამბობენ. ამ დროს მათი ზედამხედველი, ბარგვილ ტომდერი მოდის, რომელიც უბრძანებს, დაუბრუნდნენ სამუშაოს. გარეთ გასული ტემირი ბლეგი კვლავ ატარებს წინააღმდეგობის ბეჭედს. იგი მოულოდნელად ძალას მიმართავს და იზიდავს ცოცხს, შემდეგ კი იმედით შეჰყურებს ვარსკვლავებს.

უწყვეტობა[]

ფილმში რეი და პო ერთმანეთს პირველად ხვდებიან. თუმცა, კანონიკური სტატუსი შეიძინა სცენამ ძალის გამოღვიძების რომანიდან, რომელშიც ისინი ერთმანეთს ხვდებოდნენ. ამ შეცდომის შესახებ პაბლო იდალგომ ისაუბრა Twitter-ზე, ახსენა რა წაშლილი სცენებისა და სხვა კანონიკური მასალებით ამ წაშლილი სცენების გადმოცემა.[7]

ვიცეადმირალ ჰოლდოს "სიდიადის" განადგურების ტაქტიკაზე საუბრისას იდალგომ გაიხსენა მსგავსი მანევრი, რომელიც ფიგურირებს ტელესერიალ ვარსკვლავური ომები: კლონების ომების ეპიზოდში და ახსენა, რომ ჰოლდოს მანევრი გამორჩეულ გარემოებაში განხორციელდა[8]. ამით იგი გამოეხმაურა 2018 წელს ჯონსონის /Film-თან საუბრისას გაკეთებულ შემდეგ კომენტარს: "ვინაიდან ჰაქსი მას არ ელოდა, იგი არ არის სტანდარტული სამხედრო მანევრი. ვფიქრობ, ჰოლდომ იგი მოულოდნელად გამოიყენა."[9]

მედია[]

პოსტერების გალერეა[]

გარეკანები[]

შემადგენლობა[]

ტიპის მიხედვით
მსახიობები მსახიობები მითითების გარეშე გუნდი გუნდი მითითების გარეშე განსაკუთრებული მადლობა

მსახიობები

მითითების გარეშე
  • კრის ადამსი — პირველი ორდენის შტორმტრუპერი
  • დანტე ბრიგინსი — პირველი ორდენის შტორმტრუპერი
  • იაირ ბურგოსი — პირველი ორდენის შტორმტრუპერი/რიმარ კაივონიქსი
  • გლენ კეროლი — პირველი ორდენის შტორმტრუპერი
  • ბერნ კოლაკო — პირველი ორდენის შტორმტრუპერი
  • ჯო კორნიში — წინააღმდეგობის შტორმტრუპერი
  • ჯეიმზ კოქსი — ელიტური პრეტორიანელი მცველი
  • გარეთ ედვარდსი — წინააღმდეგობის მამაკაცი სამხედრო
  • ჯეიმზ ფილანოვსკი — წინააღმდეგობის სამხედრო
  • დეივიდ რ. გრანტი — ელიტური პრეტორიანელი მცველი
  • კრისტოფერ იაციოვი — პირველი ორდენის შტორმტრუპერი
  • ლუკას ჯოუნსი — უცნობი დროიდი კანტო-ბაიტის კაზინოდან
  • ნიკ კელინგტონი — სნუკ უკორფეი
  • მიკი ლუისი — წინააღმდეგობის ბოგის უცნობი მეთაური
  • ტაირონ ლავი — პირველი ორდენის შტორმტრუპერი
  • ანტონიო ლუიაკი — ლექსო სუგერი
  • ენდრიუ მაკკინონი — პირველი ორდენის შტორმტრუპერი 36
  • ჯოშ მეთვანი — წინააღმდეგობის სამხედრო
  • როს მანიპენი — პირველი ორდენის შტორმტრუპერი
  • ფლორიან რობინი — ელიტური პრეტორიანელი მცველი/რონით ბლარიო
  • დეივიდ მ. სანტანა — პირველი ორდენის უცნობი შტორმტრუპერი მეთაური
  • ტენერ სკოტი — წინააღმდეგობის სამხედრო
  • კლემ სო — კანტო-ბაიტის სამორინეს უცნობი სტუმარი
  • ლეო თომპსონი — წინააღმდეგობის შტორმტრუპერი
  • ენდი უერემი — ელიტური პრეტორიანელი მცველი
  • უილიამ უილოუბი — ელიტური პრეტორიანელი მცველი
  • ედგარ რაიტი — წინააღმდეგობის შტორმტრუპერი
  • ოსკარ რაიტი — წინააღმდეგობის შტორმტრუპერი
  • ლიან იანი — ელიტური პრეტორიანელი მცველი
  • კარანჯა იორკი — ელიტური პრეტორიანელი მცველი



გამოჩენები[]

ტიპის მიხედვით
პერსონაჟები ორგანიზმები დროიდების მოდელები მოვლენები ადგილები
ორგანიზაციები და წოდებები გონიერი რასები მანქანები და გემები იარაღები და ტექნოლოგია სხვადასხვა

პერსონაჟები

  • 2BB-2 (პირველი კანონიკური გამოჩენა)
  • 926 (ჩნდება ამოჭრილ სცენებში)
  • ჯიალ აკბარი
  • ალკიდა-აუკა (პირველი გამოჩენა)
  • ალისინდრექს დელგა კანტონიკა პროვინსიონი
  • გაილა ანგირა (პირველი გამოჩენა)
  • გუსვან ასკრითი (პირველი გამოჩენა)
  • სომელ ატანდუ (პირველი გამოჩენა)
  • იესტო ატსმუნი
  • ოკ-ვაიმანუ (ჩნდება ამოჭრილ სცენებში)
  • ოუგრი (პირველი გამოჩენა)
  • B-U4D
  • სადეი ბასკუსი (პირველი გამოჩენა)
  • BB-4 (პირველი კანონიკური გამოჩენა)
  • BB-8
  • BB-9E (პირველი კანონიკური გამოჩენა)
  • კორფე ბენუქს-აი (პირველი ხსენება) (მხოლოდ ირიბი ხსენება)
  • ტემირი ბლაგი (პირველი გამოჩენა)
  • რონით ბლარიო (პირველი გამოჩენა)
  • დერემ ბოისი (პირველი გამოჩენა)
  • პემინ ბრუნსი
  • ტრიპტო ბუბალი (პირველი გამოჩენა)
  • C-3PO
  • მოდენ კენედი (პირველი გამოჩენა)
  • ნოდინ ჩავდრი (პირველი გამოჩენა)
  • ჩუბაკა
  • ნოსიტ საისერი (პირველი გამოჩენა)
  • კეიდელ კო კონიქსი
  • კორმ-კაირუკუ (ჩნდება ამოჭრილ სცენებში)
  • ლარმა დ'ეისი (პირველი გამოჩენა)
  • ფინჩ დალოუ (პირველი გამოჩენა)
  • პო დემერონი
  • ვობერ დანდი
  • დეთანი (მხოლოდ ირიბი ხსენება)
  • დუზი (პირველი გამოჩენა)
  • დილონი (მხოლოდ უნიფორმაზე)
  • დიჯეი (პირველი გამოჩენა)
  • დოდიბინი
  • ვოლფიდ დორნა (პირველი გამოჩენა)
  • დაქსო ეკლოსი (პირველი გამოჩენა)
  • ედმო ეკტაკლი (პირველი გამოჩენა)
  • მერვე გვარდიელი (პირველი გამოჩენა)
  • გათა ელბაფეი (პირველი გამოჩენა)
  • კალუან ემატი
  • გლოვენ ფაკუიდი (პირველი გამოჩენა)
  • ფინი
  • პირველი გვარდიელი (პირველი გამოჩენა)
  • სტერგ განა (ჩნდება ამოჭრილ სცენებში)
  • ანსივ გარმუთი (პირველი გამოჩენა)
  • იდროსენ გავატი (პირველი გამოჩენა)
  • აბიალა გილი
  • გონერილი (პირველი გამოჩენა)
  • პამიჩ ნერო გუდი
  • პარალელა გრამუსი
  • რომბი გრამუსი
  • გრიბ-კორორა (ჩნდება ამოჭრილ სცენებში)
  • ჰელი (მხოლოდ უნიფორმაზე)
  • სობური ჰანემტინი (პირველი გამოჩენა)
  • ჰესპერ-ინგუზა (ჩნდება ამოჭრილ სცენებში)
  • ჰექსი (პირველი გამოჩენა)
  • ემილინ ჰოლდო
  • არმიტიჯ ჰაქსი
  • არმიტიჯ ჰაქსის დედა (მხოლოდ ხსენება)
  • არმიტიჯ ჰაქსის პირველი ორდენის მეთვალყურე (პირველი გამოჩენა)
  • ტერიბ იგმასკი (პირველი გამოჩენა)
  • ნიქს ჯერდი (პირველი გამოჩენა)
  • ჯატი (პირველი გამოჩენა)
  • ჰიუტრინ ჯოუნსი (პირველი გამოჩენა)
  • შუმა კალამო (პირველი გამოჩენა)
  • მაზ კანატა (ჩნდება ჰოლოგრამის სახით)
  • იდონ კაპელი (პირველი გამოჩენა)
  • ობი-ვან კენობი (მხოლოდ ხსენება)
  • სალაკა კუჩიმბა (პირველი გამოჩენა)
  • სოსირ ლატა (პირველი გამოჩენა)
  • ანგლანგ ლეჰეტი
  • პოლდინ ლეჰიუზი (პირველი გამოჩენა)
  • ტალისან ლინტრა
  • სლოუენ ლო (პირველი გამოჩენა)
  • ჯიო ლოსტერი (პირველი გამოჩენა)
  • ტურფა (პირველი გამოჩენა)
  • არმო მელუ (პირველი გამოჩენა)
  • მთავარი კოდისგამტეხი (პირველი გამოჩენა)
  • პირა მასო (პირველი გამოჩენა)
  • კუ მილჰემი (პირველი გამოჩენა)
  • სეილი მინო (პირველი გამოჩენა)
  • მირამირი (მხოლოდ ირიბი ხსენება)
  • აბლა მოლბრო (პირველი გამოჩენა)
  • ჯინო ნემიტი (პირველი გამოჩენა)
  • კოვა ნელი (პირველი გამოჩენა)
  • პინრადო ნოზა (პირველი გამოჩენა)
  • ნაიენ ნანბი
  • ბრან ობატსანი (პირველი გამოჩენა)
  • ტრიტ ოპანი (პირველი გამოჩენა)
  • ბეილ ორგანა (მხოლოდ ხსენება)
  • ლეია ორგანა
  • ნიპერს პენპიკი
  • ლეტრუნ პეი (პირველი გამოჩენა)
  • ლენკ პეიზი (პირველი გამოჩენა)
  • ედრისონ პივი (პირველი გამოჩენა)
  • ფაზმა
  • ფაი (პირველი ხსენება) (ნახსენებია ჩაფხუტზე)
  • დერლა პაიდისი
  • შემოპარული პორგი (პირველი კანონიკური გამოჩენა)
  • კლის პაუერი (მხოლოდ უნიფორმაზე)
  • პირველი ჯედაი (პირველი გამოჩენა, მოზაიკის სახით)
  • ბოლი პრინდელი
  • PZ-4CO
  • დინიმ კუიდი (პირველი გამოჩენა)
  • R2-D2
  • R4-X2 (პირველი გამოჩენა)
  • კაილო რენი
  • კენტადა რესადი (პირველი გამოჩენა)
  • რეი
  • რო (მხოლოდ უნიფორმაზე)
  • რივა როსეტა (პირველი გამოჩენა)
  • ნენდან როტი (პირველი გამოჩენა)
  • არაშელ სარი (პირველი გამოჩენა)
  • ტორებ სავატო (პირველი გამოჩენა)
  • დობუ სკეი (პირველი გამოჩენა)
  • მეშვიდე გვარდიელი (პირველი გამოჩენა)
  • სოლტი შარპი (პირველი გამოჩენა)
  • რამიტერ შეი (პირველი გამოჩენა)
  • კედპინ შოკლოპი (ჩნდება ამოჭრილ სცენებში)
  • დართ სიდიუსი (მხოლოდ ხსენება)
  • ლუკ სკაიუოკერი
  • სნოუკი
  • ჰან სოლო (მხოლოდ ხსენება)
  • ლოათა სომოვერი (პირველი გამოჩენა)
  • კალჯექ სონმი
  • ლექსო სუგერი (ჩნდება ამოჭრილ სცენებში)
  • სპენი (პირველი გამოჩენა)
  • სტომერონი სტარკი (პირველი გამოჩენა)
  • კარლუს სტი (პირველი გამოჩენა)
  • სტელა (პირველი ხსენება) (ნახსენებია ჩაფხუტზე)
  • გრეილა სტინდი (პირველი გამოჩენა)
  • დეფანსიო სტორსილტი (პირველი გამოჩენა)
  • ჰოთ სტაფი (პირველი გამოჩენა)
  • ლუსიკა სტინიქსი (პირველი გამოჩენა)
  • უეიულია ტეგი-სიმონი (პირველი გამოჩენა) (ჩნდება ჰოლოგრამის სახით)
  • საიბოს ტემისი (პირველი გამოჩენა)
  • კობელ ტენსირჩი (პირველი გამოჩენა)
  • უილჰაფ ტარკინი (მხოლოდ უნიფორმაზე)
  • ჯობერ ტევსონი (პირველი გამოჩენა)
  • ტედი (პირველი ხსენება) (ნახსენებია ჩაფხუტზე)
  • ბენ ტინი (პირველი გამოჩენა)
  • ოლვინ ტიპსი (პირველი გამოჩენა)
  • ვილა ტენდაილი (პირველი გამოჩენა)
  • ტერნა-გენტუ (პირველი გამოჩენა)
  • სტივიდენ თოლდრი (პირველი გამოჩენა)
  • თემი
  • მესამე გვარდიელი (პირველი გამოჩენა)
  • თოდიბინი
  • კ'აი თრენალი
  • პეიჯ ტიკო (პირველი გამოჩენა)
  • როუზ ტიკო
  • ბარგვილ ტომდერი
  • გოს ტუვერსი
  • ჯეიკრის ტაბსი (პირველი გამოჩენა)
  • სნუკ უკორფეი (პირველი გამოჩენა)
  • გამაყუჩებლის უცნობი პილოტი (პირველი გამოჩენა)
  • ფრენის უცნობი ინჟინერი (პირველი გამოჩენა)
  • წინააღმდეგობის უცნობი ჯარისკაცი (პირველი გამოჩენა)
  • უცნობი ტაქტიკური ოფიცერი (პირველი გამოჩენა)
  • გადამყვანების უცნობი პილოტი (პირველი გამოჩენა) (ჩნდება ჰოლოგრამის სახით)
  • რიგფუ ურკოლა (პირველი გამოჩენა)
  • დართ ვეიდერი (მხოლოდ ხსენება)
  • თომკინს უოტემი (პირველი გამოჩენა)
  • ვოდიბინი
  • Y5-X2 (პირველი გამოჩენა)
  • იოდა (ჩნდება აჩრდილის ან სულის სახით)
  • არკა იროკა (პირველი გამოჩენა)
  • ონიჰო ზაია (პირველი გამოჩენა)

ორგანიზმები

  • ფრინველი
  • ძაღლი (მხოლოდ ხსენება)
  • ფაზიერი
  • თევზი
    • ბილთევზი (მხოლოდ ნისკარტი) (ამოჭრილი)
    • დიდფარფლა თევზი (პირველი გამოჩენა) (მკვდარი)
    • სპეტანური არხის თევზი (პირველი გამოჩენა) (მკვდარი)
    • წყვილფარფლა ჰიაკანდერი (პირველი გამოჩენა) (მკვდარი)
    • უცნობი თევზი (ოპა-ბუშტის გუდასტვირი) (მკვდარი) (ამოჭრილი)
  • მელა
  • გოვათი (მხოლოდ ტყავი)
  • ჯეკუნი (პირველი გამოჩენა)
  • ფარფლებიანი (პირველი გამოჩენა) (მხოლოდ ტყავი)
  • რანიიპი (როგორც ტყავი)
  • შეფი (პირველი გამოჩენა)
  • გველი (მხოლოდ ხსენება)
  • თალა-სირენა (პირველი გამოჩენა)
  • უორლითანი (მხოლოდ რქა) (ამოჭრილი)
  • ვუპ-ღორი (პირველი ხსენება) (ჩნდება ამოჭრილ სცენებში)

დროიდების მოდელები

მოვლენები

ადგილები

  • ალდერაანი (მხოლოდ ხსენება)
  • ჯაკუ (მხოლოდ ხსენება)
  • გარე რგოლის ტერიტორიები
    • ორილის სექტორი (მოგონებებიდან)
    • კორპორატიული სექტორი
      • კანტონიკას სისტემა
        • კანტონიკა
          • კანტო-ბაიტი
            • კაფე რადული
            • კანტო-ბაიტის პოლიციის შტაბ-ბინა
            • კანტოს სამორინე და სარბოლო ტრეკი
            • ძველი ქალაქი
          • კანტონიკის ზღვა
    • კრეიტის სისტემა
      • კრეიტი
        • კრეიტის ავანპოსტი
      • კრეიტი (პირველი გამოჩენა)
    • ოეჩის სისტემა
    • ოტომოკის სისტემა (მხოლოდ ირიბი ხსენება)
    • როთანა (ნახსენებია მხოლოდ ჰოლოგრამაში) (როთანას მძიმე მანქანათმშენებლობის სახელწოდებაში)
    • სანბრას სექტორი
      • ილინიუმის სისტემა
        • დ'ქარი
          • წინააღმდეგობის ბაზა
  • უცნობი რეგიონები
    • აქ-ტოს სისტემა
      • აქ-ტო
        • ტაძრის კუნძული
          • მნახველთა უბე (პირველი ხსენება)
          • ჯედაების პირველი ტაძარი (პირველი გამოჩენა)
          • ჯედაების სოფელი
            • ლუკის ქოხი (პირველი გამოჩენა)
            • რეის ქოხი (პირველი გამოჩენა)
          • სარკეების გამოქვაბული (პირველი გამოჩენა)
          • ბუდე
          • ხის ბიბლიოთეკა (პირველი გამოჩენა)
          • ქარის მოტირალი (პირველი გამოჩენა)
      • აქ-ტოს მეორე მზე
      • აქ-ტოს მთვარე (პირველი გამოჩენა)
    • ბაზა სტარკილერი (მხოლოდ ხსენება)

ორგანიზაციები და წოდებები

გონიერი რასები

მანქანები და გემები

იარაღები და ტექნოლოგია

სხვადასხვა

იხილეთ აგრეთვე[]

შენიშვნები და სქოლიო[]

  1. ↑ 1.00 1.01 1.02 1.03 1.04 1.05 1.06 1.07 1.08 1.09 1.10 1.11 1.12 1.13 1.14 1.15 1.16 1.17 1.18 1.19 1.20 1.21 1.22 1.23 1.24 1.25 1.26 1.27 1.28 1.29 1.30 1.31 1.32 1.33 1.34 1.35 1.36 1.37 1.38 1.39 1.40 1.41 1.42 1.43 1.44 1.45 1.46 1.47 1.48 1.49 1.50 1.51 1.52 1.53 1.54 1.55 უკანასკნელი ჯედაის ტიტრები
  2. ↑ StarWars.com ვარსკვლავური ომები, ეპიზოდი VIII გამოვა 2017 წლის 15 დეკემბერს StarWars.com-ზე (არქივის ბმული)
  3. ↑ ვარსკვლავური ომები: უკანასკნელი ჯედაი (2017) საიტზე British Board of Film Classification (არქივის ბმული დაარქივების თარიღი December 4, 2017)
  4. ↑ ვარსკვლავური ომები, ეპიზოდი VIII: უკანასკნელი ჯედაი საიტზე Box Office Mojo (არქივის ბმული დაარქივების თარიღი August 3, 2020)
  5. ↑ ვარსკვლავური ომები: გალაქტიკური ატლასი უთითებს, რომ ძალის გამოღვიძების მოვლენების განვითარების დროა იავინის ბრძოლიდან 34 იბშ. უკანასკნელი ჯედაის მოვლენები ვითარდება პირდაპირ ამ ფილმის შემდეგ, ანუ იმავე წელს.
  6. ↑ 6.0 6.1 6.2 6.3 6.4 6.5 6.6 6.7 ვარსკვლავური ომები, ეპიზოდი VIII: უკანასკნელი ჯედაი
  7. ↑ პაბლო იდალგო (@pabl0hidalgo) Twitter-ზე (პუბლიკაცია): "მათი შეხვედრა წაიშლა ძგ-იდან. იგი რომანშია შეტანილია, მაგრამ რომანებში ხშირად ხვდება გამოუყენებელი თემები. ამიტომ, როდესაც მეკითხებიან, რამდენად კანონიკური რომანები, ვპასუხობ, რომ პასუხის გაცემა რთულია, ვინაიდან ისინი იწერება ფილმზე მუშაობის დასრულებამდე, ისეთი ავტორის მიერ, რომელსაც ფილმი ჯერ არ უნახავს." (ეკრანის ანაბეჭდი)
  8. ↑ პაბლო იდალგო (@pabl0hidalgo) Twitter-ზე (პუბლიკაცია): "როდესაც ეს თემა პირველად წამოიწია, მივხვდით, რომ იგი განსაკუთრებული იყო, ვინაიდან ხშირად არ გამოიყენებოდა და, ვინაიდან ერთხელ გამოიყენეს (კლონების ომები, პირველი სეზონი), უკვე შეიძლება ჩაითვალოს, რომ იგი ყველაფრის წინამორბედი იყო. მაგრამ, ამავე დროს, იბადება კითხვა 'მაგარია თუ არა?'" (ეკრანის ანაბეჭდი)
  9. ↑ რაიან ჯონსონი საუბრობს ჰოლდოს მანევრზე, 'უკანასკნელი ჯედაის' ერთ-ერთ შთამბეჭდავ მომენტზე საიტზე /Film (January 24, 2018) (არქივის ბმული დაარქივების თარიღი January 28, 2018)
  10. ↑ მარკ ჰემილის მორიგი როლი, ჯოზეფ გორდონ-ლევიტი და დამალული X-ფრთებიანი...დეტალები და დამალული ელემენტები, რომლებიც უკანასკნელ ჯედაიში ვერ შეამჩნიეთ საიტზე The Sun (December 16, 2017) (არქივის ბმული დაარქივების თარიღი December 20, 2017)

დამატებითი ბმულები[]

ვარსკვლავური ომები, ეპიზოდი VIII: უკანასკნელი ჯედაი
წიგნები
სრული ადაპტაცია: რომანი (აუდიოწიგნი) · საყმაწვილო რომანი (აუდიოწიგნი) · ფრანგული საყმაწვილო რომანი · ილუსტრირებული წიგნი · გრაფიკული რომანი · Little Golden Book · LEGO · ილუსტრირებული წიგნი და კინოპროექტორი · თან წასაკითხი ილუსტრირებული წიგნი და CD · შექსპირი · Disney Die-Cut Classics
ნაწილობრივი ადაპტაცია: როუზის და ფინის საიდუმლო მისია · რეის მოგზაურობა · ვარსკვლავური ომების 5 წუთიანი მოთხრობების საპასუხო შეტევა
პერსონაჟები
ბომბდამშენის ეკიპაჟი · უკანასკნელი ჯედაი: ესკადრილია "კობალტი" · ჩუი და პორგები · როუზ ტიკო: წინააღმდეგობის მეომარი
კომიქსები
უკანასკნელი ჯედაი — ადაპტაცია: 1 · 2 · 3 · 4 · 5 · 6 · რბილყდიანი კრებული · კრეიტის ქარიშხლები · დიჯეი: იძებნება
კაპიტანი ფაზმა: 1 · 2 · 3 · 4 · რბილყდიანი კრებული · მაგარყდიანი კრებული
კადრს მიღმა
მხატვრობა
მეგზურები და ენციკლოპედიები · დაუჯერებელი პროფილები · ვიზუალური ლექსიკონი · გალაქტიკის გმირები · ოფიციალური საკოლექციო გამოცემა · ფილმის ოფიციალური თანამგზავრი · სრული ცნობარი
სათამაშო წიგნები: BB-8-ის სასაჩუქრე წიგნი და ხის 3D მოდელი · სათამაშო წიგნი სტიკერებით · წიგნი და მოდელი · რეცეპტების წიგნი: BB-Ate · შეხედე და იპოვე · Play-a-Sound · სტიკერების სრული კოლექცია · ელვარება და ნათება
ვიდეოთამაშები
Droid Repair Bay · Battlefront II
სხვა მასალა და საქონელი
Force Friday II · მოგზაურობა "უკანასკნელ ჯედაიმდე" · საკოლექციო ბარათები · საუნდტრეკი · LEGO · სათამაშოების ხაზი
[ᲠᲔᲓ.]
ვარსკვლავური ომების საგა
პრიკველები: ფარული მუქარა · კლონების შეტევა · სითების შურისძიება
ორიგინალურები: ახალი იმედი · იმპერიის საპასუხო შეტევა · ჯედაის დაბრუნება
სიკველები: ძალის გამოღვიძება · უკანასკნელი ჯედაი · სკაიუოკერის აღზევება
ცალკეული ფილმები
კანონი: კლონების ომები · განდგომილი ერთი · სოლო
მანდალორელი და გროგუ · ვარსკვლავური გამანადგურებელი
შარმინ ობაიდ-ჩინოი · ჯეიმზ მენგოლდი · ტაიკა ვაიტიტი · საიმონ კინბერგი · დეივ ფილონი
ლენდო · რაიან ჯონსონი · დროიდების ამბავი · განდგომილების ესკადრილია
ლეგენდები: სადღესასწაულო გამოშვება · გულადების ქარავანი
ბრძოლა ენდორისთვის
მხატვრული ტელესერიალები
მანდალორელი · ბობა ფეტის წიგნი · ობი-ვან კენობი
ანდორი · ასოკა · აკოლიტი
მინიმალური ეკიპაჟი
ანიმაციური ტელესერიალები
კანონი: კლონების ომები · აჯანყებულები · წინააღმდეგობა · უვარგისი პარტია
თქმულებები · ნორჩი ჯედაების თავგადასავლები · მოლი: ჩრდილების ბატონი
არაკანონიკური: ხედვები
ლეგენდები: დროიდები · ევოკები · კლონების ომები
ანიმაციური მიკრო-ვებსერიალები
ბედისწერის ძალები · თავგადასავლების გალაქტიკა · Blips
Roll Out · არსებების გალაქტიკა · გალაქტიკური მეგობრები
მხიარულება ნაბსთან ერთად · გროგუ: ყველაზე საყვარელი გალაქტიკაში
სხვა მედია
აუდიოსპექტაკლები · წიგნები · კომიქსები
მულტიმედიური პროექტები · პაროდიული ნამუშევრები · როლური თამაშები
თემატური პარკების ატრაქციონები · ვიდეოთამაშები
[ᲠᲔᲓ.]
Community content is available under CC-BY-SA unless otherwise noted.