- "ძალა ჯედაის შესაძლებლობებს ანიჭებს. იგი ენერგიის ველია, რომელსაც ყველა ცოცხალი არსება ქმნის..."
- ― ციტატა, რომლითაც პროექტი წარადგინეს Celebration Chicago-ზე
ვარსკვლავური ომები: აყვავებული რესპუბლიკა, მანამდე ცნობილი როგორც პროექტი "კაშკაშა", არის მიმდინარე პროექტი, რომელზეც ძირითადად მუშაობენ კევან სკოტი, ჩარლზ სოული, კლაუდია გრეი, დენიელ ხოსე ოლდერი და ჯასტინა აირლენდი. იგი მოიცავს მედიის სხვადასხვა ფორმატს, რომანების, კომიქსების და აუდიოსპექტაკლების ჩათვლით, რომლებიც ფარულ მუქარამდე ორასი წლით ადრინდელ, აყვავებული რესპუბლიკის ეპოქის ამბებს აღწერენ[4]. პროექტთან დაკავშირებული პირველი მასალა ოფიციალურად გამოიცა 2021 წელს[15], თუმცა 2020 წლის დეკემბერში უკვე გამოქვეყნდა დაკავშირებული მოთხრობა. პროექტის შესახებ დეტალები ცნობილი გახდა პრესისთვის გამართულ ღონისძიებაზე, 2020 წლის 24 თებერვალს[20], ხოლო გაშვება იგეგმებოდა იმავე წლის ბოლოს.[16] თუმცა, COVID-19-ის პანდემიის ფონზე თარიღებმა გადაიწია.[15]
ისტორია[]
შემუშავება[]
პროექტის იდეის ავტორი იყო Lucasfilm Publishing-ის შემოქმედებითი ხელმძღვანელი, მაიკლ სიგლეინი, რომელიც 2018 წლის ზაფხულში ყოველ მწერალს გაესაუბრა და შესთავაზა, ემუშავათ პროექტზე, რომელსაც იმ დროს უწოდებდა ყველა ვარსკვლავის ინიციატივას. კევან სკოტს მან პროექტის არსი განუმარტა საუზმის დროს, როდესაც ორივე ესწრებოდა San Diego Comic-Con 2018-ს, მაგრამ არ უთქვამს, ვინ იმუშავებდა "კაშკაშაზე" მის გარდა.[21]
აირლენდი, გრეი, სოული, ოლდერი და სკოტი რანჩო "სკაიუოკერზე".
რამდენიმე თვის შემდეგ, 2018 წლის სექტემბერში, ხუთივე მწერალი გაემგზავრა რანჩო სკაიუოკერზე, კალიფორნიაში, სადაც დაიწყო ამბის შემუშავება.[22] მათ აგრეთვე შეუერთდნენ Lucasfilm Publishing-ის რედაქტორთა გუნდი და Lucasfilm Story Group. ერთად რამდენიმე დღე იმუშავეს, პროექტის განხილვაში, მაგრამ აგრეთვე იხილეს ახალი იმედის 4K ვერსია. რანჩოს მოგვიანებით, 2019 წლის მარტში, კვლავ ეწვივნენ[4] — ამჯერად მათ უჩვენეს იმპერიის საპასუხო შეტევის 4K ვარიანტი.[21]
მარკეტინგი[]
პროექტის ოფიციალური ანონსი გაიმართა ერთი თვის შემდეგ, 2019 წლის 15 აპრილს, Star Wars Celebration Chicago-ზე, Lucasfilm Publishing-ის პანელზე[4]. ხოლო უფრო ვრცელი განხილვა,
ფილ ნოტოს ნახატი აყვავებული რესპუბლიკის პერსონაჟებით
პროექტ "კაშკაშას" წარდგენა, წიგნების და კომიქსების სახელწოდებების, გარეკანების და მცირე დეტალების მითითებით, გაიმართა 2020 წლის 24 თებერვალს.[16] ანონსის რგოლში პროექტის სახელწოდება საბოლოოდ შეიცვალა აყვავებული რესპუბლიკით. ჯეიმზ ვომ, Lucasfilm-ის ფრანშიზის შიგთავსის და სტრატეგიების განყოფილების წარმომადგენელმა, განმარტა, რომ სკაიუოკერების საგის დასრულების, ფილმ სკაიუოკერის აღზევების შემდეგ, კომპანიის გამომცემლობის განყოფილებაში გადაწყდა ფილმების და სკაიუოკერების მიღმა თემების შესწავლა. პაბლო ჰიდალგომ, Lucasfilm Story Group-ის წევრმა, რომელიც მონაწილეობდა პროექტის მწერლების შეკრებაში, პროცესის ადრეული ეტაპი აღწერა როგორც მწერლებისთვის ცარიელი ფურცლის გადაცემა და არჩევანის გაკეთების საშუალება, თუ რაზე დაწერდნენ და როდის. საბოლოოდ, ობი-ვან კენობის მიერ ახალ იმედში ჯედაების შესახებ ნათქვამი ფრაზიდან — საიდანაც ირკვევა, რომ "ძველ რესპუბლიკაში ჯედაები იყვნენ მშვიდობისა და სამართლიანობის მცველები" — წარმოიშვა პროექტის დედააზრი და მაიკლ სიგლეინმა განმარტა, რომ ამბის ჩამოყალიბება დაიწყო კითხვით "რა აშინებს ჯედაებს".[11]
პროექტში მონაწილეობდნენ Lucasfilm-ის სხვა წარმომადგენლები, მაგალითად — ჯეისონ დ. სტაინი, შემოქმედებითი ხელმძღვანელი[23] და ჯეფრი ტომასი, ილუსტრაციების განყოფილების უმცროსი ხელმძღვანელი.[23]
ფაზა I[]
Star Wars Insider-იდან ცნობილი გახდა, რომ აყვავებული რესპუბლიკის მოთხრობების მთელი სერია მხოლოდ ჟურნალში დაიბეჭდებოდა, რაც დაიწყებოდა მოთხრობით "ვარსკვლავური ნათება: მხარდამხარ", Star Wars Insider 199-ში.[24]
აყვავებული რესპუბლიკის გაშვების წინა დღეს, სანამ Del Rey-ს მიერ 2021 წლის 5 იანვარს გამოიცემოდა ჩარლზ სოულის აყვავებული რესპუბლიკა: ჯედაების ნათება (თავდაპირველად დაგეგმილი წინა წლის 25 აგვისტოსთვის), YouTube-ზე კრისტინ ბევერის ხელმძღვანელობით გაიმართა პირდაპირი ეთერი, რომლის ფარგლებში გამოჩნდნენ აყვავებული რესპუბლიკის ხუთი ავტორი და მაიკლ სიგლეინი, Disney–Lucasfilm Press-ის შემოქმედებითი ფრანშიზების დირექტორი. პანელის დროს აჩვენეს რგოლი, განიხილეს თანამშრომლობა, წარადგინეს გარეკანები, მოთხრობების დეტალები და კონცეპტუალური ნახატები. გარდა ამისა, სიგლეინმა ახსენა, რომ ამბავი დაიყოფოდა სამ ფაზად. ეს ფაზებია:
- ფაზა I: ჯედაების ნათება (იანვარი, 2021 — მარტი, 2022)
- ფაზა II: ჯედაების მოგზაურობა (ოქტომბერი, 2022 — მაისი, 2023)
- ფაზა III: ჯედაების გამოცდები (ოქტომბერი, 2023 — მაისი, 2025)
იმავე ანონსიდან გაირკვა, რომ ახალი ისტორიები გამოიცემოდა ყოველ თვეში, ხოლო The High Republic Show, რომელსაც წარუძღვებოდა კრისტინა არიელი, გამოვიდოდა ორ თვეში ერთხელ და შეეხებოდა აყვავებული რესპუბლიკის შემოქმედებით პროცესს, მწერლების, მხატვრების და გამომცემლების ინტერვიუებით.[8]
ზრდასრული მკითხველებისთვის წარადგინეს რომანები:
- ჯედაების ნათება, ჩარლზ სოული (5 იანვარი, 2021)
- ქარიშხლის დასაწყისი, კევან სკოტი (29 ივნისი, 2021)
- ჩამოვარდნილი ვარსკვლავი, კლაუდია გრეი (4 იანვარი, 2022)
ახალგაზრდა მკითხველებისთვის წარადგინეს რომანები:
- წყვდიადისკენ, კლაუდია გრეი (2 თებერვალი, 2021)
- ჩრდილებიდან, ჯასტინა აირლენდი (27 ივლისი, 2021)
- შუაღამის ჰორიზონტი, დენიელ ხოსე ოლდერი (1 თებერვალი, 2022)
ნორჩი მკითხველებისთვის წარადგინეს რომანები:
- სიმამაცის გამოცდა, ჯასტინა აირლენდი (5 იანვარი, 2021)
- გარბენა კატასტროფების კოშკამდე, დენიელ ხოსე ოლდერი (29 ივნისი, 2021)
- მისია კატასტროფაში, by ჯასტინა აირლენდი (4 იანვარი, 2022)
ფაზა II[]
2022 წლის 4 იანვარს, აყვავებული რესპუბლიკის გაშვებიდან ერთი წლის თავზე, ხუთივე ძირითადი მწერალი გამოჩნდა The High Republic Show-ში. იქ მათ განიხილეს პირველი ფაზის საბოლოო პროექტები, რომელთა შორის ორი საბოლოო იყო კევან სკოტის კომიქსების საბოლოო გამოშვებით და ჩარლზ სოულის გამოშვებით ქარიშხლის თვალი 2). მათ აგრეთვე ისაუბრეს მეორე ფაზის შესახებ. ცნობილი გახდა, რომ პროექტს შეუერთდა ოთხი ახალი მწერალი — ზორაიდა კორდოვა, ჯორჯ მენი, ტესა გრეტონი და ლიდია კენგი. ხუთმა ძირითადმა მწერალმა აგრეთვე ისაუბრა საკუთარ მომავალ პროექტებზე, რომელთა შორის ახსენეს Dark Horse Comics-ის თავგადასავლების სერია, სკოტის ძირითადი კომიქსები და სოულის კომიქსების ახალი სერია ვარსკვლავური ომები: აყვავებული რესპუბლიკა: სამართებელი, რომლის მთავარი გმირია პორტერ ენგლი. ხუთივე მწერალმა აგრეთვე განაცხადა, რომ მეორე ფაზის მოვლენები განვითარდებოდა ჯედაების ნათებამდე 150 წლით ადრე.[3]
ზრდასრული მკითხველებისთვის წარადგინეს რომანები:
- დაახლოება, ზორაიდა კორდოვა (22 ნოემბერი, 2022)
- კატაკლიზმი, ლიდია კენგი (5 აპრილი, 2023)
ახალგაზრდა მკითხველებისთვის წარადგინეს რომანები:
- ცბიერების გზა, ტესა გრეტონი და ჯასტინა აირლენდი (4 ოქტომბერი, 2022)
- შურისგების გზა, კევან სკოტი (2 მაისი, 2023)
ნორჩი მკითხველებისთვის წარადგინეს რომანები:
- მოგზაურობა დამალულ ქალაქში, ჯორჯ მენი (1 ნოემბერი, 2022)
- მოგზაურობა პლანეტა X-ზე, ტესა გრეტონი (5 აპრილი, 2023)
ფაზა III[]
2023 წლის აპრილში, ლონდონში გამართულ Star Wars Celebration-ზე, დიდი რესპუბლიკის პანელზე წარადგინეს პირველი ცნობები III ფაზის შესახებ. შემოქმედებით ჯგუფს დაემატა ალისა ვონგი (დოქტორი აფრა) — ცნობილი გახდა, რომ იგი დაწერდა მოთხრობას კრებულისთვის ნათებისა და სიცოცხლის ისტორიები და იქნებოდა თანაავტორი ნორჩი მკითხველისთვის განკუთვნილი რომანის გაქცევა ველოდან (დენიელ ხოსე ოლდერთან ერთად). ისევე, როგორც I ფაზაში, III ფაზაში წარმოდგენილია რომანების სამი ტრილოგია.
ზრდასრულებისთვის განკუთვნილი რომანების სერია დაიწყო 2023 წლის ნოემბერში და დასრულდება 2025 წლის გაზაფხულზე:
- წყვდიადის თვალი, ჯორჯ მენი (14 ნოემბერი, 2023)
- ძალის ცდუნება, ტესა გრეტონი (11 ივნისი, 2024)
- ჯედაების გამოცდები, ჩარლზ სოული (2025 წლის გაზაფხული)
ახალგაზრდებისთვის განკუთვნილი რომანების გამოცემა დაიწყება 2024 წლის გაზაფხულზე და 2025 წლის გაზაფხულზე დაასრულებს III ფაზას.
- ქარიშხლის გამოწვევა, ტესა გრეტონი და ჯასტინა აირლენდი (5 მარტი, 2024)
- უსახელოთა ცრემლები, ჯორჯ მენი (24 სექტემბერი, 2024)
- ნათებისკენ, კლაუდია გრეი (1 აპრილი, 2025)
საყმაწვილო რომანების სერიაში გამოიცემა:
- გაქცევა ველოდან, დენიელ ხოსე ოლდერი და ალისა ვონგი (30 იანვარი, 2024)
- ფრთხილად, უსახელონი, ზორაიდა კორდოვა (27 აგვისტო, 2024)
- გაბედული ფიცი, ჯასტინა აირლენდი (6 მაისი, 2025)
გარდა ამისა, 2023 წლის დეკემბრიდან გაგრძელდა კევან სკოტის კომიქსების სერია აყვავებული რესპუბლიკა, ხოლო Star Wars Insider-ში დაიწყო II ფაზის მწერალ ლიდია კენგის მოთხრობების ახალი სერია, ისტორიები დაშორების ზონიდან[9]. ამასთან, გაგრძელდა კომიქსების მინისერია აყვავებული რესპუბლიკა: თავგადასავლები
Celebration-ზე აგრეთვე ცნობილი გახდა, რომ აყვავებული რესპუბლიკის პერსონაჟი ვერნესტრა რო გამოჩნდებოდა მხატვრულ სერიალ აკოლიტში[9].
ეპოქის ხსენება[]
ხსენება მანამდე გამოსულ მედიაში[]
აყვავებული რესპუბლიკა პირველად ნახსენებია 2019 წლის 30 აპრილს გამოცემულ აუდიოსპექტაკლში დუკუ: დაკარგული ჯედაი, რომლის ავტორია კევან სკოტი.[25] "აყვავებული რესპუბლიკის ეპოქა" მას პირველად ეწოდა 2020 წლის 8 იანვარს გამოცემულ ჩარლზ სოულის კომიქსში კაილო რენის აღზევება 2.[26]
დაკარგულ ჯედაიში აგრეთვე ნახსენებია პადავანი კლაიას ტერადაინი და ოსტატი ჯედაი ტრენისი. ტერადაინმა აღმოაჩინა აკრძალული არტეფაქტების არქივი და იგი ჯედაების ორდენიდან გააგდეს. ტრენისი იქცა დაკარგული ოცეულის წარმომადგენელი, მას შემდეგ, რაც ჯედაების ორდენი დატოვა.[25] კივ ტრენისი არის Marvel-ის აყვავებული რესპუბლიკის კომიქსების პერსონაჟი, თუმცა არ არის ნათქვამი, რომ იგი იგივე გმირია.[27]
ნიჰილები პირველად ჩნდებიან სკოტის მოკლე კომიქსში "დაკარგული ისტორიები, ნაწილი 1", IDW Publishing-ის 2020 წლის 29 იანვრის გამოშვებიდან ვარსკვლავური ომები: თავგადასავლები (2017) 30.[28][29]
შუქურა ვარსკვლავური ნათება ირიბად არის ნახსენები სოულის კომიქსში ვარსკვლავური ომები (2020) 2 (Marvel Comics, 29 იანვარი, 2020)[30][31], ხოლო მისი სახელწოდება ცნობილი გახდა პროექტის 2020 წლის 24 თებერვალს წარდგენისას.[32]
ქალი ჯედაი, რომელიც კომიქსში კაილო რენის აღზევება 3 (სოული, მხატვარი უილ სლაინი[33]) 2020 წლის 12 თებერვალს გამოჩნდა[34], შემდგომში აღმოჩნდა (როგორც სოულმა დაადასტურა) ევარ კრისი, რომელიც პირველად ჩნდება რომანში აყვავებული რესპუბლიკა: ჯედაების ნათება.[35]
აყვავებული რესპუბლიკის ანონსის რგოლში ჩნდება უსახელოთა" დიზაინი.[11] ეს არსებები პირველად ნახსენებია კლაუდია გრეის რომანში მასწავლებელი და შეგირდი,[36][37], რომელიც გამოიცა 2019 წლის 16 აპრილს.[38] ისინი აგრეთვე აღწერილია სკოტის ნამუშევრებში, როგორც ნახსენებ დაკარგულ ჯედაიში[25], ასევე მეოთხე გამოშვებაში კომიქსების სერიიდან ვარსკვლავური ომები: თავგადასავლები: დაბრუნება ვეიდერის ციხე-დარბაზში.[39]
კომიქსში დოქტორი აფრა (2020) 2 ჩელი აფრა ახსენებს, რომ ვეელის ბეჭდების კედლის ნახატებზე ჩანს აყვავებული რესპუბლიკის დროის ნახატები.[40]
გავლენა სხვა ისტორიებზე[]
- "თუკი ყურადღებით წაიკითხავთ #StarWars #TheLivingForce-ს, შეამჩნევთ კავშირს აყვავებულ რესპუბლიკასთან (THR). THR-ის ერთ-ერთი უნარია ის, თუ როგორ აღწერენ ეს ისტორიები ჯედაებს უფრო სპეციფიკური ისტორიით, რომელიც გვიზიდავს"
- ― ტომ ჰელერი Twitter-ზე
აყვავებულმა რესპუბლიკამ ვარსკვლავური ომების სამყაროს დაამატა კონტექსტი და წარმომავლობა, განსაკუთრებით — ჯედაების ორდენის შემთხვევაში.[41] როგორც რედაქტორი ტომ ჰელერი ამბობს, გალაქტიკის ისტორიის კანონში მეტი "ტექსტურით"[42] აყვავებულ რესპუბლიკას შეუძლია გვიანდელ ეპოქებზე "ტალღები გაავრცელოს", ისევე, როგორც ამას ახდენს ვარსკვლავური ომების ბევრი ნამუშევარი. ჯონ ჯექსონ მილერის 2024 რომანი ცოცხალი ძალა არ შედის აყვავებულ რესპუბლიკაში. ჰელერი ამბობს, რომ მკითხველისთვის არ არის აუცილებელი, იცნობდეს აყვავებულ რესპუბლიკას იმისთვის, რომ ის მოეწონოს, მაგრამ წიგნი ეფუძნება მის მიერ დაწყებულ იდეებს.[43]
ცოცხალ ძალაში ოსტატ ოპო რენსისისის ზედამხედველობით პლანეტა კვენზე მიმდინარეობდა დიდი განახლება, აყვავებული რესპუბლიკის დროის გარემოს განახლება. იგი მოიცავდა ერთმანეთზე მიბმული მთების ფორმების შეცვლას და მათ კვენის ძვირფას ქალაქებად გარდაქმნას. ეს იყო უზენაესი კანცლერის, ლინა სოს მიერ წამოწყებული დიდი სამუშაოების ნაწილი. ჯედაებმა კვენის თავშესაფრის მთაზე დააარსეს ავანპოსტიც.[44] ამასთან, ოსტატი იადლი ჯედაების ორდენის მიერ კვენზე გამართულ ორასწლიან ზეიმს ადარებს ტენუს კაბლოპის წყაროებში ჩატარებულ ღონისძიებას, რომელიც პირველად ჩნდება 2023 წლის ანიმაციურ სერიალში ნორჩი ჯედაების თავგადასავლები.[44]
დაკავშირებული მედია[]
| ფერების განმარტება: | |||||||||
|---|---|---|---|---|---|---|---|---|---|
| რზ | რომანი ზრდასრულებისთვის | რა | რომანი ახალგაზრდებისთვის | მ | მოთხრობა | მკ | მოთხრობების კრებული | ||
| ხან | კომიქსების ხანგრძლივი სერია | კმს | კომიქსების მინისერია | კკ | კომიქსების კრებული | ვ | ვიდეოთამაში | ||
ჩინური ვებნოველა ვერცხლისფერი განთიადის ფიცი (რომელიც ქვეყნდებოდა 2020 წლის 17 დეკემბრიდან) — ეპოქის მიწურულის ამბებს.[47] მოთხრობები "მწარე მკა" და "ბუნიობა კორუსანტზე", კრებულებიდან ბნელი ლეგენდები და სიცოცხლის დღის საგანძური, ასევე აყვავებული რესპუბლიკის მოვლენებს აღწერს.[66] კომიქსსტრიპი "ბოროტების ისტორიები: დამუხტული მზერა", გამოშვებიდან ვარსკვლავური ომები: თავგადასავლები 6, დაწერილი ოლდერის მიერ, ნიჰილებს ეხება და ქრონოლოგიურად წინ უსწრებს კომიქსს აყვავებული რესპუბლიკა: თავგადასავლები (2021) 1.[67]
ენციკლოპედია ვარსკვლავური ომები: ჯედაების არტეფაქტები შეიცავს ვრცელ ინფორმაციას აყვავებული რესპუბლიკის ეპოქის არტეფაქტებზე, თუმცა, იგი არ ითვლება ამ პროექტის ნაწილად.[68] ცალკეული კომიქსი სიცოცხლის დღე 1 შეიცავს ჯასტინა აირლენდის სადღესასწაულო თემატიკის მოთხრობას "მორთეთ სახლი". მის მოვლენებს წინ უსწრებს აყვავებული რესპუბლიკა: ქარიშხლის დასაწყისი. მოთხრობის გმირები არიან ოსტატი ჯედაი ნიბ ასიკი და მისი პადავანი ვუკი ბარიაგა აგაბარი, რომლებიც კაშიიიკზე დრენგირთა არსებობას იძიებენ.[52]
Disney+-ის 2023 წელს დაწყებულ საბავშვო ანიმაციურ სერიალში ნორჩი ჯედაების თავგადასავლები მოვლენები ვითარდება აყვავებული რესპუბლიკის ეპოქაში.[69] იმავე არხზე 2024 წელს გამოსულ აკოლიტშიც მოვლენები ამავე პერიოდში ვითარდება[70], ხოლო ერთ-ერთი გმირია ჯედაი ვერნესტრა რო.[9]
პრომომასალა[]
- აყვავებული რესპუბლიკა: ნაწყვეტების უფასო ციფრული კრებული[71]
- აყვავებული რესპუბლიკის პერსონაჟები[72]
- Star Wars: The High Republic Show[8]
- აყვავებული რესპუბლიკა: წონასწორობის ზღვარი/უილების გუშაგები[73]
წყაროები[]
შენიშვნები და სქოლიო[]
დამატებითი ბმულები[]
Star Wars: The High Republic StarWars.com-ზე (არქივის ბმული)- Star Wars: The High Republic ვიკიპედიაში
- How 'Light of the Jedi' Kicks Off 'Star Wars: The High Republic' — The Hollywood Reporter (არქივის ბმული დაარქივების თარიღი September 24, 2020)
- High Republic author Justina Ireland on exploring and inscribing a new era of Star Wars on Polygon — Polygon (არქივის ბმული დაარქივების თარიღი March 12, 2020)
- Star Wars The High Republic Writers Explain the New Characters and Major Conflict New York Comic-Con YouTube-ის ოფიციალურ არხზე (October 8, 2020) (არქივის ბმული)
