ვარსკვლავური ომები: ობი-ვან კენობი არის ვარსკვლავური ომების ტელესერიალი, რომელზეც ამჟამად მუშაობს Lucasfilm. იგი ნაჩვენები იქნება Disney-ს ნაკადოვან სერვის Disney+-ზე. პროექტისთვის ობი-ვან კენობის როლს წინაისტორიის ტრილოგიიდან დაუბრუნდება იუან მაკგრეგორი. სერიალში აგრეთვე გამოჩნდება ჰეიდენ კრისტენსენი, დართ ვეიდერის როლში. მოქმედება ამ სერიალში ვითარდება სითების შურისძიებიდან 10 წლის შემდეგ.
Contents
შემუშავება[]
ფილმის სახით[]
იუან მაკგრეგორი ობი-ვან კენობის როლში პირველად გამოჩნდა 1999 წელს.
2013 წელს ცნობილი გახდა, რომ The Walt Disney Company-Lucasfilm Ltd. მუშაობდნენ რამდენიმე კინოფილმზე, რომელიც ეპიზოდურ ფილმებთან კავშირში არ იქნებოდა. მოგვიანებით ასეთ ფილმებს ეწოდა ვარსკვლავური ომების ანთოლოგიური სერია.[8] გავრცელდა ხმები ობი-ვან კენობისადმი მიძღვნილ პოტენციურ ფილმზე და იმართებოდა მოლაპარაკებები იუან მაკგრეგორთან, რომელიც პერსონაჟის როლს ასრულებს წინაისტორიის ტრილოგიაში.[9] თუმცა, მსახიობმა იცოდა პროექტის არსებობის შესახებ უკვე 2015 წელს იცოდა[2] და 2019 წლამდე მასზე საუბრის უფლება არ ჰქონდა.[10]
მოხეტიალე ერთი: ვარსკვლავური ომების ამბავი, პირველი ფილმი ანთოლოგიურ სერიაში, გამოვიდა 2016 წლის დეკემბერში და კრიტიკოსების აღიარება და კომერციული წარმატება მოიპოვა.[11] 2017 წლის აგვისტოში The Hollywood Reporter წერდა, რომ ობი-ვანის შესახებ ანთოლოგიური ფილმი მზადდებოდა Lucasfilm-ის მიერ. Lucasfilm მოლაპარაკებებს აწარმოებდა ბილი ელიოტის რეჟისორ სტივენ დოლდრისთან.[12] ჯოელ ეჯერტონი (ოუენ ლარსის როლის შემსრულებელი წინაისტორიის ტრილოგიაში) გამოთქვამდა სურვილს, კვლავ ეთამაშა საკუთარი როლი.[13] როგორც კი დაამტკიცეს ფილმის შესამუშავებლად, დოლდრიმ პროექტში ჰოსეინ ამინის ჩართვა გადაწყვიტა.[14]
თუმცა, ვარსკვლავური ომების ნებისმიერი ანთოლოგიური ფილმის გამოშვების გეგმა შეჩერდა, ვინაიდან ფილმს სოლო: ვარსკვლავური ომების ამბავი ჰქონდა მცირე მოგება.[11] ოთხი თვის შემდეგ Disney-ს აღმასრულებელმა ხელმძღვანელმა, ბობ აიგერმა, განაცხადა, რომ Lucasfilm-მა სოლოს წარუმატებლობის შემდეგ გადახედა საკუთარ გრაფიკს.[15] მოგვიანებით დადასტურდა, რომ სკაიუოკერის აღზევების შემდეგ ვარსკვლავური ომების ფილმების გამოშვება შეჩერდებოდა 2022 წლამდე.[16] მიუხედავად ამისა, 2018 წლის ნოემბერში ბრიტანეთის ყოფილმა საგარეო საქმეთა მინისტრმა ბორის ჯონსონმა განაცხადა, რომ 'ობი-ვან კენობის' ფილმის შემქმნელებს მუშაობა უნდა დაეწყოთ ჩრდილოეთ ირლანდიაში.[17] კენობის შესახებ ფილმი მოხვდა The Hollywood Reporter-ის მიერ ფანების გამოკითხვით შედგენილ რეიტინგში, რომელშიც ყველაზე სასურველი ფილმები დასახელდა.[18]
ტელესერიალის სახით[]
2019 წლის განცხადებები[]
- "მსურს, მივუახლოვდე იმას, თუ რას გრძნობდა ობი-ვანი, როდესაც მას ალეკ გინესი თამაშობდა. უფრო ჭაღარა ვარ და მასთან ასაკით უფრო ახლოს, ასე, რომ ეს უფრო მარტივი იქნება."
- ―იუან მაკგრეგორი სერიალში ობი-ვანის როლის შესრულების შესახებ
როგორც ამბობდა მაკგრეგორი, შემუშავების დროს კინოპროექტი გარდაიქმნა ტელესერიალად.[9] მანამდე იუანი მონაწილეობდა კოსტიუმის საცდელ მორგებაში.[19] ტელესერიალის გამოშვება დაიგეგმა Disney+-ზე, Disney-ს ახალ ნაკადოვან სერვისზე. მაკგრეგორმა და Lucasfilm-ის პრეზიდენტმა კეთლინ კენედიმ 2019 წლის D23 Expo-ზე ოფიციალურად დაადასტურეს, რომ ობი-ვანი დაბრუნდებოდა. სერიალის მოვლენათა მოქმედება ვითარდებასითების შურისძიებიდან რვა წლის შემდეგ.[1] ღონისძიების დროს აგრეთვე ცნობილი გახდა, რომ უკვე დაწერილი იყო ეპიზოდების სცენარები და წარმოება დაიწყებოდა 2020 წელს.[20] ამინი და დებორა ჩაუ მოგვიანებით StarWars.com-ზე დასახელდნენ როგორც სერიალის წამყვანი პროდიუსერები.[5]
შემადგენლობა[]
ტიპით
| მსახიობები | გუნდი |
მსახიობები
|
გუნდი
|
გამოჩენები[]
| პერსონაჟები | არსებები | დროიდების მოდელები | მოვლენები | ადგილები |
| ორგანიზაციები და წოდებები | გონიერი არსებები | ტრანსპორტი | იარაღები და ტექნოლოგია | სხვადასხვა |
პერსონაჟები (დაბრუნება ↑)
| |
მოვლენები (დაბრუნება ↑) | |
ორგანიზაციები და წოდებები (დაბრუნება ↑) | |
გონიერი რასები (დაბრუნება ↑) |
ბიბლიოგრაფია[]
შორეული, შორეული გალაქტიკა ახლა ოდნავ დიდია… StarWars.com-ზე (არქივის ბმული)- დებორა ჩაუ იქნება ობი-ვან კენობის შესახებ სერიალის რეჟისორი, ექსკლუზიურად Disney+ისთვის StarWars.com-ზე (არქივის ბმული)
- D23 Expo 2019: 8 რამ, რაც შევიტყვეთ ვარსკვლავური ომების შესახებ Disney+-ის წარდგენაზე StarWars.com-ზე (არქივის ბმული)
- Lucasfilm-ის მომავალი პროექტების წარდგენა StarWars.com-ზე (არქივის ბმული)
