ვარსკვლავური ომები: უკანასკნელი ჯედაი: გაფართოებული გამოცემა არის ფილმ უკანასკნელი ჯედაის ადაპტაცია რომანის სახით. მისი ავტორია ჯეისონ ფრაი, რომელმაც წიგნი რაიან ჯონსონის მხრიდან მცირე წვლილით შექმნა. რომანში, განსხვავებით ფილმისგან, შეტანილია არა მხოლოდ ფილმის დამატებითი, ამოჭრილი სცენების აღწერა, არამედ სრულიად ორიგინალური დამატებითი ეპიზოდები. წიგნი გამოიცა 2018 წლის 6 მარტს Del Rey-ს მიერ. აგრეთვე გამოვიდა მისი აუდიოვერსია.
შეჯამება გამომცემლობისგან[]
დაწერილი რეჟისორ რაიან ჯონსონის მონაწილეობით, „უკანასკნელი ჯედაის“ ეს ოფიციალური ადაპტაცია აფართოებს ფილმის ჩარჩოებს და შეიცავს სცენებს სცენარის ალტერნატიული ვერსიიდან და სხვა მასალებს.
იმპერიის ფერფლიდან წარმოიშვა გალაქტიკის თავისუფლების კიდევ ერთი საფრთხე: ულმობელი პირველი ორდენი. საბედნიეროდ, გამოჩნდნენ ახალი გმირები, რომლებმაც იარაღი აიღეს და, შესაძლოა, ამას საკუთარი სიცოცხლე შესწირეს. რეი, ძალით ძლიერი ობოლი; ფინი, ყოფილი შტურტრუპერი, რომელიც უწინდელ პატრონებს უპირისპირდება; და პო დემერონი, X-ფრთებიანების უშიშარი პილოტი, გაერთიანდნენ, რათა იბრძოლონ ლეია ორგანასა და წინააღმდეგობასთან ერთად. მაგრამ მოწინააღმდეგე პირველი ორდენის უზენაესი მეთაური სნოუკის და მისი ულმობელი ძალოვანი კაილო რენის სიძლიერე აღემატება. ამ მტრის წინააღმდეგ ნათელის მებრძოლნი საბოლოოდ აღმოჩნდებიან განადგურების გზაზე. მათი ერთადერი იმედია დაკარგული ლეგენდა: ოსტატი ჯედაი ლუკ სკაიუოკერი.
იქ, სადაც დასრულდა „ძალის გამოღვიძება“, იწყება „უკანასკნელი ჯედაი“, სადაც ბრძოლა ნათელსა და წყვდიადს შორის საოცარ ახალ სიმაღლეებს იპყრობს.
აგრეთვე თვალწარმტაცი ფოტოსურათები პოპულარული ფილმიდან.[1]
უწყვეტობა[]
რომანში არის რამდენიმე განსხვავება ფილმისგან და სცენები, რომლებიც ფილმში არ მოხვედრილა:
- წიგნს იწყება სიზმრის სცენა, რომელშიც ლუკ სკაიუოკერი ხედავს, თუ როგორი შეიძლებოდა ყოფილიყო მისი სიცოცხლე, თუკი იგი ლეია ორგანას არ გადაარჩენდა სიკვდილის ვარსკვლავიდან და არასოდეს შეუერთდებოდა რესპუბლიკის აღდგენის ალიანსის რიგებს. ამ ალტერნატიულ ცხოვრებაში მისი ცოლი იგი კემი მარსტრაპი, ბიგზ დარკლაიტერის ოჯახი დააპატიმრეს მოიერიშეებმა, ჯაბა დესილიჯიკ ტიურე არავის მოუკლავს, ტასკენი მოთარეშეები ტატუინიდან გაქრნენ, ლეია სიკვდილით დასაჯეს და მოხდა სხვა მოვლენებიც. ლუკი ამ სიზმარში აგრეთვე ნანობდა, რომ არ ჰყავდა შვილები.
- აღწერილია ჰან სოლოს დასაფლავების ცერემონია, რომელიც დ'ქარის ევაკუაციისას მიმდინარეობს. ამ დასაფლავებისას ლეია საუბრობს ქმრის შესახებ, იხსენებს მისი სიცოცხლის აღსანიშნავ ფაქტებს და გალაქტიკური სამოქალაქო ომის პერიოდის მოვლენებს.
- ელვისებურზე კაპიტან მოდენ კენედის და ზემდეგ სადეი ბასკუსს შორის დიალოგი უფრო ვრცელია.
- სანამ ლუკი რეის აქ-ტოზე ამეცადინებს, ჩუბაკა იწყებს ათასწლოვანი შავარდენიდან იმ დამატებითი დეტალების და შესწორებების მოშორებას, რომლებიც დაამატეს გენის დუკეინმა, ირვინგებმა და უნკარ პლატმა.
- აქ-ტოზე ლუკი რეის უამბობს მცველთა მონათესაო ტომის შესახებ, რომელიც თვეში ერთხელ მათ სოფელს თავს ესხმის. რეი შოკირებულია და გარბის მცველთა დასახმარებლად, თუმცა ლუკი აფრთხილებს, რომ გაგდების შემთხვევაშიც, ისინი შემდეგ თვეში უფრო დიდი რაოდენობით დაბრუნდებიან. აღმართული სინათლის მახვილით რეი მაინც შერბის მცველებთან და აღმოაჩენს, რომ მათ სინამდვილეში ზეიმი აქვთ.
- სიდიადეზე შეპარული ფინი, როუზ ტიკო და დიჯეი აღმოჩნდებიან ტურბოამწევში, რომელშიც აგრეთვე იმყოფებიან პირველი ორდენის მოიერიშეები. მათგან ერთ-ერთი ფინს იცნობს, მაგრამ უბრალოდ ულოცავს ოფიცრის წოდების მიღებას. ფინი ხვდება, რომ პირველ ორდენში არსებული ბიუროკრატიის გამო მისი ღალატის ამბავი ყველგან არ გავრცელებულა.
- კრეიტის ბრძლისას ლუკს ესმის ნაცნობი ხმა, რომელიც ეუბნება ლუკ, გაუშვი.
- რომანის დასასრულს ლეია და ჩუი დასტირიან ყველა დაღუპულს, მათ შორის — ჰანს და სოლოს, ხოლო ორგანა ვუკის ეუბნება, რომ ახლა მხოლოდ ისინი დარჩნენ.
მედია[]
გამოცემები[]
- ISBN 9780525618911;[2] 1 მარტი, 2018; Del Rey; Emerald City Comic Con 2018, შეზღუდული გამოცემა[3]
- ISBN 9781524797119; 6 მარტი, 2018; Del Rey; აშშ, მაგარი ყდა[1]
- ISBN 9780525618881; 6 მარტი, 2018; Del Rey; Barnes & Noble-ის ექსკლუზიური გამოცემა[4]
- ISBN 9780525618898; 6 მარტი, 2018; Del Rey; ავტოგრაფიანი ვერსია[5]
- ISBN 9781524797126; 6 მარტი, 2018; Del Rey; აშშ, ელექტრონული წიგნი
- ISBN 9781524797133; 27 ნოემბერი, 2018; Del Rey; აშშ, რბილი ყდა
გარეკანების გალერეა[]
წყაროები[]
უკანასკნელი ჯედაის ახალი წიგნები და სხვა წარდგენილია SDCC 2017-ზე StarWars.com-ზე (არქივის ბმული)- NYCC 2017: თრონის ახალი რომანის წარდგენა და სხვა Lucasfilm's Publishing-ის პანელიდან StarWars.com-ზე (არქივის ბმული)
- უკანასკნელი ჯედაის რომანის სახით ადაპტაციაში შეტანილი იქნება წაშლილი სცენები: ვარსკვლავური ომების დღე ზღვაზე და სხვა! StarWars.com-ზე (არქივის ბმული)
- როგორ უკავშირდება უკანასკნელი ჯედაის რომანის სახით ადაპტაცია ვარსკვლავური ომების წიგნებს და კომიქსებს StarWars.com-ზე (არქივის ბმული)
- 7 მიზეზი თუ რატომ არის უკანასკნელი ჯედაის რომანი აღსანიშნავი StarWars.com-ზე (არქივის ბმული)
- ვარსკვლავური ომები: სკაიუოკერების საგა: ოფიციალური საკოლექციო გამოცემა
შენიშვნები და სქოლიო[]
- ↑ 1.0 1.1 1.2 ვარსკვლავური ომები: უკანასკნელი ჯედაი: გაფართოებული გამოცემა Penguin Random House-ის ოფიციალურ საიტზე (არქივის ბმული) (მაგარი ყდა)
- ↑ ვარსკვლავური ომები: უკანასკნელი ჯედაი: გაფართოებული გამოცემა, Emerald City Comic Con 2018, შეზღუდული გამოცემა
- ↑ კონვენციისთვის გამოშვებული 'უკანასკნელი ჯედაის' ექსკლუზიური რომანი Emerald City Comic Con-ზეა, ავტორი: დალარდი, ლიზა, რესურსი: www.coffeewithkenobi.com, წყარო: Coffee With Kenobi (January 25, 2018) (დაარქივებულია ორიგინალიდან , თარიღი April 20, 2018)
- ↑ უკანასკნელი ჯედაი: გაფართოებული გამოცემა (B&N-ის ექსკლუზიური გამოცემა) (ვარსკვლავური ომები) Barnes & Noble-ის ოფიციალურ საიტზე (არქივის ბმული)
- ↑ უკანასკნელი ჯედაი (ვარსკვლავური ომები) - ჯეისონ ფრაის ავტოგრაფიანი ვერსია, რესურსი: Books-a-Million საიტზე www.booksamillion.com (დაარქივებულია ორიგინალიდან , თარიღი August 23, 2019)
გარე ბმულები[]
- ვარსკვლავური ომები: უკანასკნელი ჯედაი: გაფართოებული გამოცემა Penguin Random House-ის ოფიციალურ საიტზე (არქივის ბმული)
- უკანასკნელი ჯედაი: გაფართოებული გამოცემა (B&N-ის ექსკლუზიური გამოცემა) (ვარსკვლავური ომები) Barnes & Noble-ის ოფიციალურ საიტზე (არქივის ბმული)
- ჯეისონ ფრაი (@jasoncfry) Twitter-ზე: „ჯეისონ ფრაის შენიშვნები წიგნის შესახებ“ (არქივის ბმული)
