Template:Eras
გაფრთხილება: ამ ინფოდაფის შემდეგი პარამეტრები უცნობია: era ვარსკვლავური ომები არის ვარსკვლავური ომების კომიქსების სერია. Marvel Comics-მა მისი გამოშვება დაიწყო 2015 წლის 14 იანვარს. მისი მთავარი გმირები არიან ლუკ სკაიუოკერი, ლეია ორგანა, ჰან სოლო, ჩუბაკა, C-3PO და R2-D2. სიუჟეტის განვითარება მიმდინარეობს ახალი იმედის და იმპერიის საპასუხო დარტყმის შუალედში[1] სერიის დასკვნითი გამოშვება არის 75-ე, გამოცემული 2019 წლის 20 ნოემბერს[18]. ამის შემდეგ, 2020 წლის 1 იანვარს[19], მოხდა გამოშვებების ნუმერაციის ხელახლა დაწყება და ახალი სერიის გაშვება, რომელიც უკვე იმპერიის საპასუხო დარტყმის და ჯედაის დაბრუნების შუალედში განვითარებულ მოვლენებს აღწერს.
შემუშავება
Marvel-ის მთავარი რედაქტორი აქსელ ალონსო დაუკავშირდა ჯეისონ აარონს და პირდაპირ ჰკითხა "ვარსკვლავური ომები?", რაზეც აარონი უმალვე დათანხმდა. მან შეწყვიტა საოცარ X-ადამიანებზე მუშაობა და გრაფიკს დაამატა ვარსკვლავური ომები. აარონი და ჯონ კასადეი შეთანხმდნენ, რომ კომიქსს ისე დაწერდნენ, თითქოს ორიგინალური ვარსკვლავური ომების გაგრძელებაზე იმუშავბდნენ. კომიქსების ახალ სერიაზე მუშაობისას ისინი ეწვივნენ სკაიუოკერის რანჩოს და არქივებს, აგრეთვე ესაუბრნენ Lucasfilm-ს.[1]
აარონის თქმით, სერია გუნდური წიგნია[1], მაგრამ ამავე დროს, ლუკის თავგადასავალი, რომელშიც განმარტებულია, თუ რატომ თვლიან მას ბიჭუნად, რადგან იგი აღიზარდა ფერმაზე.[20] ჯეისონმა აგრეთვე განმარტა, რომ სურდა ჰანის წარსულის დაბრუნება და მისი არა მხოლოდ ერთ ჯილდოზე მონადირესთან დაპირისპირება.[1]
კომიქსის შემუშავებისას C-3PO-ზე მუშაობა ყველაზე რთული აღმოჩნდა.[21] ავტორი მკითხველს აგრეთვე შეჰპირდა წარსულის ცენებს, ბენ კენობის მონაწილეობით. "ყოველთვის მიყვარდა ეს პერსონაჟი ორიგინალურ ფილმში, ხოლო ალეკ გინესის ვერსიას დიდი რაოდენობით არ გვიჩვენებენ".[22]
კასადეი გალაქტიკის "ნაგვის მსგავსი" ესთეტიკის ხატვას აღწერდა, როგორც "თავის ტკივილს და ამავე დროს, სრულ სიამოვნებას". "ყველა დეტალის თავმოყრამ დრო დაიკავა და მოსაწყენი იყო, მაგრამ, როგორც კი დავიწყე, სასიამოვნო აღმოჩნდა."[20]
VI გამოშვება იყო უკანასკნელი, რომელშიც გამოიყენეს კასადეის ნახატები. ამის შემდეგ ყოველ სიუჟეტურ განვითარებაში ახალი მხატვარი ჩნდებოდა. ესენი იყვნენ სტიუარტ იმონენი, ლეინილ ფრენსის იუ და ხორხე მოლინა. 26-ე გამოშვებიდან მხატვრის ადგილი დაიკავა სალვადორ ლაროკამ, რომელსაც შემდგომი გამოშვებების გრაფიკა ეკუთვნოდა. 38-ე გამოშვებიდან ტექსტზე მუშაობდა კირონ გილენი (ამრიგად კვლავ დაბრუნდა დართ ვეიდერის შემოქმედებითი გუნდი).
ვარსკვლავური ომების შემთხვევაში გილენმა შეინარჩუნა მიდგომა, რომელიც ჰქონდა დართ ვეიდერის წერისას — ყურადღება გამახვილდა პერსონაჟების გარდაქმნაზე, რომელიც მათ განიცადეს ახალი იმედიდან იმპერიის საპასუხო დარტყმამდე. კირონის სერია დაიწყო ჯედას ფერფლით. აღნიშნულ სერიაში ლეია, ლუკი და ჰანი ჯედაზე ჩადიან მისი დანგრევის შემდგომ პერიოდში.[4]
68-ე გამოშვებიდან სერიის ტექსტზე მუშაობს ფილ ნოტო[6], ხოლო გრაფიკაზე — გრეგ პაკი[6].
მედია
| ფერების განმარტება: | |||
|---|---|---|---|
| შეტანილია რბილყდიან კრებულში | გამოსული | მომავალი | სიუჟეტური განვითარება |
შენიშვნები და სქოლიო
ბმულები
- Marvel Comics იანვარში იწყებს 'ვარსკვლავური ომების' ახალ სერიას, წყარო: USA Today (July 26, 2014) (არქივის ბმული არ არის დამოწმებული!)