- "წინააღმდეგობა დღეს აღორძინდა. ომი მხოლოდ დასაწყისია და არც მე ვიქნება უკანასკნელი ჯედაი."
- ― ლუკ სკაიუოკერი
კრეიტის ბრძოლა, იგივე კრეიტის ალყა ან შეტევა კრეიტზე, იყო მნიშვნელოვანი ბრძოლა, რომელიც მოხდა იავინის ბრძოლიდან 34 წელს, პირველი ორდენის და წინააღმდეგობის ომის დროს. წინააღმდეგობის ბაზა სტარკილერზე გამარჯვების შემდეგ კრეიტის ბრძოლა იყო პირველი ორდენის წინააღმდეგობის ძალებისთვის დამანგრეველი კონტრშეტევის შედეგი. ვერ გაექცა რა პირველი ორდენის ფლოტის ძალებს, წინააღმდეგობამ, გენერალ ლეია ორგანას მეთაურობით, თავი შეაფარა აჯანყებულთა ყოფილ ავანპოსტს მარილიანი ზედაპირის მქონე პლანეტა კრეიტზე, იმ იმედით, რომ მას იქ ვერ იპოვნიდნენ. თუმცა, პირველმა ორდენმა შეიტყო წინააღმდეგობის გეგმის შესახებ და მისი შეიარაღებული ძალები პლანეტაზე ჩავიდნენ.
ახალი, თვითგამოცხადებული უზენაესი მეთაურის, კაილო რენის და გენერალ არმიტიჯ ჰაქსის მეთაურობით, პირველმა ორდენმა ავანპოსტის კარის დასანგრევად გამოიყენა სუპერლაზერული საალყე ქვემეხი. წინააღმდეგობა, მცირეოდენი მეომრით, ბაზაზე აპირებდა სხვა მოკავშირეთა გამოჩენამდე გამაგრებას, მაგრამ ქვემეხის ამოქმედების შემდეგ მისი სამხედრო რაზმების დარჩენილმა ძალებმა აამოქმედეს ბაზაზე მდგარი ძველი თხიმალურებიანი სპიდერი V-4X-D-ები. წინააღმდეგობის საჰაერო სპიდერებმა TIE/fo-ებთან შეტაკებისას დიდი დაზიანებები მიიღეს, მაგრამ როდესაც საშველად მსუბუქი საფრახტო გემი ათასწლოვანი შავარდენი გამოჩნდა, რენმა TIE გამანადგურებლები ამ ვარსკვლავური ხომალდის დევნაზე მიმართა. მართალია, წინააღმდეგობის თხიმალურებიანი სპიდერები აღარ წარმოადგენდა TIE-ების სამიზნეს, ლეიას ძალების მცდელობები წარუმატებელი აღმოჩნდა და ქვემეხმა ავანპოსტს მნიშვნელოვანი ზიანი მიაყენა.
შესუსტებული ბაზით და დამატებითი ძალების გარეშე წინააღმდეგობა უიმედობას განიცდიდა, რა დროსაც ლეიას ძმა, ოსტატი ჯედაი ლუკ სკაიუოკერი, გამოჩნდა ძალის პროექციის ფორმით. გამიზნულად მოქმედებდა რა ისე, რომ წინააღმდეგობისთვის გასაქცევად დრო მოეგო, სკაიუოკერი ავანპოსტიდან გამოვიდა და რენი სინათლის მახვილებით დუელში გამოიწვია. ამ დროს კაპიტან პო დემერონს წინააღმდეგობა კრეიტის გამოქვაბულებით გადაჰყავდა, იმ იმედით, რომ იქიდან ბუნებრივ გასასვლელს მიაგნებდნენ. როდესაც რენი მიხვდა, რომ სკაიუოკერის პროექციას ებრძოდა, უკანასკნელი გაუჩინარდა და უზენაესი მეთაური შტორმტრუპერებთან ერთად ბაზაზე შეიჭრა. პირველმა ორდენმა ავანპოსტი აიღო, მაგრამ ამ დროისთვის ლუკის მიერ მოგებულმა დრომ წინააღმდეგობის წევრებს, რომლებიც რეის და ჩუბაკას შავარდენზე შეუერთდნენ, გაქცევის საშუალება მისცა. ამ ამბავს გალაქტიკაში აჯანყებების მთელი რიგი მოჰყვა.
გამოჩენები[]
არაკანონიკური გამოჩენები[]
LEGO-ს ვარსკვლავური ომები: ყველა ვარსკვლავი — "გასეირნება BB-8-სთან ერთად" (მხოლოდ ირიბი ხსენება)- LEGO-ს ვარსკვლავური ომები: ყველა ვარსკვლავი — "წინააღმდეგობის გაქცევა" (მხოლოდ ირიბი ხსენება)
- LEGO Star Wars: The Skywalker Saga
- LEGO-ს ვარსკვლავური ომები: აღადგინე გალაქტიკა — "პირველი ნაწილი"
წყაროები[]
შენიშვნები და სქოლიო[]
- ↑ 1.00 1.01 1.02 1.03 1.04 1.05 1.06 1.07 1.08 1.09 1.10 1.11 1.12 1.13 1.14 1.15 1.16 1.17 1.18 1.19 1.20 1.21 1.22 1.23 1.24 1.25 1.26 1.27 1.28 1.29 1.30 1.31 1.32 1.33 1.34 1.35 1.36 1.37 1.38 1.39 1.40 1.41 1.42 1.43 1.44 ვარსკვლავური ომები, ეპიზოდი VIII: უკანასკნელი ჯედაი
- ↑ პო დემერონი 29
- ↑ პო დემერონი 30
- ↑ 4.0 4.1 ვარსკვლავური ომები: ქრონოლოგიები
- ↑ ვეიდერის მემკვიდრეობა 1
