 |  |
ლენდონის ბალთაზარ კალრისიანი, უფრო მეტად ცნობილი როგორც ლენდო კალრისიანი, იყო კონტრაბანდისტი და აზარტული მოთამაშე, რომელიც ღრუბლების ქალაქის ბარონი ადმინისტრატორი, მოგვიანებით კი რესპუბლიკის აღდგენის ალიანსის გენერალი გახდა. სანამ ჰან სოლოს საკუთრებად იქცეოდა, „ათასწლოვანი შავარდენი“ სწორედ მას ეკუთვნოდა, მაგრამ სოლომ ხომალდი მოიგო საბაკის თამაშისას. ამის შემდეგ დასრულდა ლენდოს, როგორც კონტრაბანდისტის, კარიერა და მან საქმოსნობა დაიწყო. პლანეტა ლოთალზე მან მაღარო გახსნა, მოგვიანებით კი, ბესპინის თავზე, ცაში, ქალაქის მმართველი იყო.
გალაქტიკური სამოქალაქო ომის პერიოდში დართ ვეიდერი ქალაქს ეწვია, ვინაიდან ჩაფიქრებული ჰქონდა შვილის, ლუკ სკაიუოკერის ასეთი გზით შეტყუება. მან ლენდო აიძულა, მოეტყუებინა აჯანყებულთა რაზმის წევრები, მათ შორის — ჰან სოლო და პრინცესა ლეია ორგანა. ამგვარად, ისინი ვეიდერთან პირისპირ აღმოჩნდნენ. მიუხედავად იმისა, რომ ბნელი ლორდი დაჰპირდა ლენდოს, რომ ქალაქს ისე დატოვებდა, რომ იმპერიის წარმომადგენლები იქ აღარ დარჩებოდნენ, როგორც მმართველი, კალრისიანი ხვდებოდა, რომ შეთანხმება დაირღვა და ქალაქში გაჩერება შეუძლებელი იყო. მან ქალაქის მოსახლეობას აუწყა ევაკუაციის შესახებ და სცადა აჯანყებულების დახმარება, რათა ერთად დაებრუნებინათ კარბონიტში გაყინული სოლო, მაგრამ ბობა ფეტი, გაყინულ ჰანთან ერთად, გაიქცა.
ლენდო ალიანსს შეუერთდა და მასთან ერთად სოლოს საძიებლად გაემგზავრა. მას შემდეგ, რაც ტატუინზე, ჰატ ჯაბას სასახლეში აღმოაჩინა, დაიწყო სოლოს გადარჩენის ოპერაცია. აჯანყებულები დაუბრუნდნენ ფლოტს და კალრისიანი დაინიშნა გენერლად. მისი მეთაურობით განხორციელდა იერიში სიკვდილის ვარსკვლავ II-ზე, ენდორის ბრძოლის პარალელურად. ამ ბრძოლისას ლენდო „ათასწლოვან შავარდენს“ მართავდა და პირდაპირ სადგურის გულს დაარტყა, რამაც გაანადგურა მტრის უკანასკნელი იმედი.
გამოჩენები[]
არაკანონიკური გამოჩენები[]
წყაროები[]
შენიშვნები და სქოლიო[]
- ↑ სრული ვარსკვლავური ომები
- ↑ ვარსკვლავური ომები: სკაიუოკერის აღზევება: ვიზუალური ლექსიკონი უთითებს, რომ ლენდონის ბალთაზარ კალრისიანი სოკოროზე დაიბადა „სტარკილერის“ შემთხვევამდე დაახლოებით 77 წლით ადრე. ამ შემთხვევის მოვლენათა განვითარების დრო, როგორც უთითებს ვარსკვლავური ომები: გალაქტიკური ატლასი, არის 34 იბშ. ამრიგად, კალრისიანის დაბადების წელია დაახლოებით 43 იბ.
- ↑ 3.0 3.1 ვარსკვლავური ომები: სკაიუოკერის აღზევება: ვიზუალური ლექსიკონი
- ↑ 4.0 4.1 4.2
ლენდო კალრისიანი Databank-ში (არქივის ბმული)
- ↑ ვარსკვლავური ომები: აჯანყებულთა დოკუმენტები
- ↑ 6.0 6.1 6.2 6.3 ვარსკვლავური ომები, ეპიზოდი V: იმპერიის საპასუხო შეტევა
- ↑ 7.0 7.1 7.2 სოლო: ვარსკვლავური ომების ამბავი
- ↑ 8.0 8.1 უკანასკნელი გასროლა
- ↑ 9.0 9.1 სითების ჩრდილი
- ↑ ლენდო 1
- ↑ ვარსკვლავური ომები, ეპიზოდი VI: ჯედაის დაბრუნება
- ↑ შედეგები
- ↑ Star Wars Battlefront II
- ↑ Star Wars: Uprising
- ↑ ვარსკვლავური ომები: საოცარი ნაწებებიანი თავგადასავლები
- ↑ ვარსკვლავური ომები, ეპიზოდი IX: სკაიუოკერის აღზევება