ჰოლოპედია

მასალა ხელმისაწვდომია ლიცენზიით CC-BY-SA, გარდა ცალკე აღნიშნულისა.

READ MORE

ჰოლოპედია
ჰოლოპედია
ვარსკვლავური ომების ვიკი
18 056
pages
in: სტატიები ლეგენდების საკითხებზე, ალიანსის ფლოტის ადმირალები, ალიანსის ვარსკვლავური გამანადგურებლების კორპუსის გენერლები,
and 18 more

ლენდო კალრისიანი

< ლენდო კალრისიანი
Edit
დააწკაპუნეთ აქ, რათა მოხვდეთ ჰოლოპედიაში წარმოდგენილ თემის კანონიკურ ვერსიაზე.  ეს სტატია აღწერს აღნიშნული თემის ლეგენდარულ ვერსიას. 

ამ სტატიაში აღწერილია ლენდო უფროსი. იხილეთ აგრეთვე მისი ვაჟი.

"ბანქოს თამაშობს, აზარტული მოთამაშე და არამზადაა. მოგეწონება."
―ჰან სოლოს და ლეია ორგანას საუბრიდან[17]

ლენდო კალრისიანი იყო მამაკაცი, რომლის საქმიანობაში შედიოდა პროფესიონალური აზარტული თამაშები, მეწარმეობა და კონტრაბანტული ოპერაციები. გვიანდელ წლებში იგი გენერლის წოდებას ატარებდა.

დაიბადა სოკოროზე და მოზარდობაში იქცა აზარტულ მოთამაშედ და თაღლითად. ფლობდა საკუთარ ხომალდ ათასწლოვან შავარდენს, რომელიც მოიგო სიქს ტრუვისთან საბაკის პარტიის შედეგად. "შავარდენით", მის პილოტ დროიდ ვუფი რაასთან ერთად, თავი მრავალ თავგადასავალში ამოჰყო — აღსანიშნავია შეხვედრა ტუნდის გრძნეულ როკურ გეპტასთან, რომელიც მან საბოლოოდ მოკლა. უფრო მოგვიანებით მან "შავარდენი" წააგო კორელიელ ჰან სოლოსთან თამაშისას, ბესპინზე. შემდგომში იქცა ღრუბლების ქალაქის ბარონ ადმინისტრატორად.

იავინის ბრძოლიდან 3 წელს, გალაქტიკური სამოქალაქო ომის, ღრუბლების ქალაქი გალაქტიკურმა იმპერიამ შეუსრულებელი შეთანხმების გამო დაიპყრო. მანამდე კალრისიანი მის ძალებს დაჰპირდა, რომ დააჭერინებდა აჯანყებულებს, მათ შორის — ჰან სოლოს ლეია ორგანას, რითაც იგეგმებოდა ქალაქში ჯედაი ლუკ სკაიუოკერის მახეში გაბმა. თუმცა, დართ ვეიდერმა შეცვალა შეთანხმების პირობები ისე, რომ კალრისიანისთვის იგი სრულიად მიუღებელი გახდა. შედეგად იგი შეუერთდა აჯანყებულთა ალიანსს და მის შემადგენლობაში მრავალ მისიაში მონაწილეობდა, რომელთა შორის აღსანიშნავია თავად ლენდოს შეცდომის გამო ბესპინზე კარბონიტში გაყინული ჰან სოლოს ძიება. კალრისიანი თავად ჩაერთო მის უშუალო გადარჩენაში და მონაწილეობდა ჰატ ჯაბას დამარცხებაში. სოლოს გადარჩენის შემდეგ იგი კვლავ მსახურობდა ალიანსის რიგებში და იბრძოდა ენდორთან, იავინის ბრძოლიდან 4 წელს. იმის გამო, რომ ჰანი სხვებთან ერთად სახმელეთო ოპერაციას მართავდა, ლენდო კვლავ მიუჯდა "შავარდენის" საჭევარს და შეფრინდა მეორე სიკვდილის ვარსკვლავის ბირთვში, რათა მისი რეაქტორი გაენადგურებინა.

მოგვიანებით იგი ახალ რესპუბლიკას ეხმარებოდა, თუმცა აგრეთვე დაკავებული იყო სხვა, მაგალითად — სამთო საქმით. პლანეტა ნკლლონზე საქმიანობას შეუშალა გრანდ-ადმირალ თრონის არა ერთხელ ჩარევამ, მაგრამ ლენდო სხვაგანაც მოქმედებდა, მაგალითად — ვარნსა და კესელზე. იავინის ბრძოლიდან 18 იბშ გაიცნო და შეუყვარდა ტენდრა რისანტი, რომელთანაც იქორწინა ბასტიონის შეთანხმების შემდეგ. იუუჟან-ვონგური ომის დროს კვლავ ეხმარებოდა ახალ რესპუბლიკას სერია YVH 1-ის მოდელებით, რომლებსაც მისი კომპანია ტენდრანდოს შეიარაღება აწარმოებდა დაპყრობლებთან საბრძოლველად. მისი დახმარებით კელ ოლასი, მას შემდეგ რაც ახალი რესპუბლიკა გარდაიქმნა გალაქტიკურ ალიანსად, აირჩიეს სახელმწიფოს მეთაურად.

კალრისიანი, თავის ცოლთან ერთად, ომის შემდეგ, "ტენდრანდოს შეიარაღება" კვლავ მართავდა. მისი დროიდები კვლავ მნიშვნელოვან როლს ასრულებდნენ შემდგომ მოვლენებში, რომელთა შორის აღსანიშნავია ბნელი ბუდის კრიზისი, ნაყარის ომი და მეორე გალაქტიკური სამოქალაქო ომი. ამ უკანასკნელის დროს ლენდო მეგობრებს, ჰანს და ლეია სოლოს ეხმარებოდა ძალის ბნელ მხარეს გადასული მათი ძის, ჯეისენ სოლოს ძალების წინააღმდეგ საბრძოლველად. თუმცა, როდესაც შეიტყო, რომ ტენდრა ფეხმძიმედ იყო, ომის მთელი დარჩენილი პერიოდი მასთან გაატარა. ომის დასრულების შემდეგ ოჯახი მდიდრულ შენობაში დასახლდა, კვლავ მართავდა შეიარაღების მწარმოებელ საწარმოს და ზრდიდა შვილს, ლენდოს. ლუკმა ლენდოს მოგვიანებით სთხოვა, დახმარებოდა მას და სით მოკავშირეებს მაუში მოგზაურობისას. ლენდო საბოლოოდ დათანხმდა, თუმცა გააფრთხილა ჯედაი არა მხოლოდ სითებისგან მომდინარე საფრთხეზე, არამედ სამიზნეზე, რომელსაც ისიც და სითების ეძებდნენ. საბოლოოდ, მან სკაიუოკერების დასახმარებლად მონაწილეობა მიიღო ფარულ X-ფრთებიანი ვარსკვლავური გამანადგურებლების დიდი რაოდენობის ბრძოლისთვის მომზადებაში.

გამოჩენები[]

არაკანონიკური გამოჩენები[]

წყაროები[]

შენიშვნები და სქოლიო[]

  1. ↑ 1.0 1.1 "დამნაშავეთა სამყარო: ნაძირლების და ბოროტების გალაქტიკა" — Star Wars Insider 89
  2. ↑ StarWars.com Viva Space Vegas! The History of the Marvelous Wheel, Part 1 StarWars.com-ზე (სტატია) (არქივის ბმული)
  3. ↑ Major Character Birth Years Keeper of the Holocron — ლილანდ ჩის StarWars.com-ის ბლოგი (თავდაპირველი საიტი უმოქმედოა); გამოქვეყნდა: 13 სექტემბერი, 2005, დღის 4:24; განახლდა: 22 აგვისტო, 2006, ღამის 11:34; ბმული ხელმისაწვდომია: 25 ნოემბერი, 2008
  4. ↑ 4.0 4.1 Calrissian, Lando Databank-ში (თავდაპირველი საიტი უმოქმედოა)
  5. ↑ Official Star Wars Fact File 29, კრიზისი ღრუბლების ქალაქში და პერსონაჟების ახალი ძირითადი მეგზური უთითებენ, რომ ლენდოს სიმაღლე შეადგენდა 1.77 მეტრს. თუმცა, სერიაში Power of the Force გამოცემულ კალრისიანის სათამაშო ფიგურის შეფუთვაზე, Databank-ში და ვარსკვლავური ომების პერსონაჟების ენციკლოპედიაში ვკითხულობთ, რომ იგი 1.78 მეტრს შეადგენდა. ამ საკითხზე Lucasfilm-ის ოფიციალური განმარტება არ არსებობს. მიუხედავად ამისა, განსხვავება ამ ორ მონაცემს შორის მცირეა.
  6. ↑ ვარსკვლავური ომები: პირისპირ: გუნდური შეჯიბრები
  7. ↑ 7.0 7.1 7.2 პერსონაჟების ძირითადი მეგზური
  8. ↑ The Official Star Wars Fact File 29 CAL 1-6: Lando Calrissian
  9. ↑ ლენდო კალრისიანი და ოსეონის ცეცხლოვანი ქარი
  10. ↑ შეტაკება ბალანსირთან
  11. ↑ ძალის მემკვიდრეობა: რისხვა
  12. ↑ "ათასწლოვანი შავარდენი"
  13. ↑ 13.0 13.1 ვარსკვლავური ომები, ეპიზოდი VI: ჯედაის დაბრუნება
  14. ↑ "მარტოხელა დრონი" — Star Wars: The Clone Wars Comic 10
  15. ↑ ვარსკვლავური ომები (1977) 85
  16. ↑ ძალის მემკვიდრეობა: დევნილი
  17. ↑ ვარსკვლავური ომები, ეპიზოდი V: იმპერიის საპასუხო შეტევა
Community content is available under CC-BY-SA unless otherwise noted.