მანდალორელები

სხვა მნიშვნელობებისთვის იხილეთ მანდალორელი.

მანდო ამ გვერდზე მისამართდება. შესაძლოა, ეძებთ სტატიას ბას-მანდო ან ზიინ მანდოსი.

მანდალორელები

ძირითადი ინფორმაცია

მეთაური

მანდ'ალორი^[1]

ქვეჯგუფ(ებ)ი

მზირების შვილები^[2]
სიკვდილის მზირები^[3]
საბრძოლო კორპუსი^[4]
მანდალორის წინააღმდეგობა^[5]
მანდალორელი ჯვაროსნები^[6]
მანდალორელი ნეო-ჯვაროსნები^[7]
მანდალორელი დამცველები^[8]
მანდალორული წინააღმდეგობა^[9]
მებრძოლი ტრადიციონალისტები^[10]
ახალი მანდალორელები^[3]
ძველი მანდალორელები^[11]

შტაბ-ბინა

მანდალორის სექტორი^[3]

ადგილმდებარეობა

კონკორდ-დოუნი^[8]
კონკორდია^[3]
გარგონი^[11]
კალევალა^[12]
კროუნესტი^[13]
ნევარო^[14]
ორდო^[15]
ვლემოთ-პორტი^[11]

ისტორიული ინფორმაცია

დანაწილების თარიღი

დიდი წმენდის პერიოდში^[14]

სხვა ინფორმაცია

კუთვნილება

გალაქტიკური რესპუბლიკა^[3]
რესპუბლიკის აღდგენის ალიანსი (როგორც მოკავშირე)^[9]

„რა გჭირთ მანდალორელებს, მხოლოდ ბლასტერით რომ აგვარებთ პრობლემებს?“

―კენან ჯარუსი^[8]

მანდალორელები წარმოადგენდნენ მებრძოლთა უძველეს ორდენს, რომელშიც შედიოდნენ სხვადასხვა რასის წარმომადგენლები, გაერთიანებული კულტურით, მრწამსით და კოდექსით. წარმოიშვნენ პლანეტა მანდალორიდან და ცხოვრობდნენ როგორც მანდალორის სექტორში, ასევე ზოგადად გალაქტიკის ისეთ კუთხეებში, როგორიც იყო კალევალა, კროუნესტი ან კონკორდ-დოუნი.

მანდალორი ბრძოლებში გამოცდილებას ხანგრძლივ წლებს ითვლიდა, თუმცა, მას შემდეგ, რაც დაიწყო მანდალორული სამოქალაქო ომი, წარმოიშვა მშვიდობისმოყვარეთა მოძრაობა და, კლონების ომების დაწყებისას ახალ მანდალორელთა რეფორმატორული პოლიტიკური ფრაქცია მართავდა ადგილობრივ ხელისუფლებას, რომელსაც მეთაურობდა ჰერცოგინია სატინ კრიზი. ასეთ რეჟიმის დროს მანდალორი ინარჩუნებდა ნეიტრალურობას და ნეიტრალური სისტემების საბჭოს ხელმძღვანელიც იყო. მშვიდობიანი პერიოდის მიუხედავად, წარმოიშვა მთავრობის კონფლიქტი სიკვდილის მზირების მსგავს ჯგუფებთან, რომლებსაც სურდათ წინაპართა მებრძოლი სულის შენარჩუნება. ამას იავინის ბრძოლამდე 19 წლით ადრე მოჰყვა მორიგი სამოქალაქო ომი, რომლის შედეგად ახალ მანდალორელთა რეჟიმი დამეხო და დაბრუნდნენ ძველი მანდალორელი. მიუხედავად ამისა, კონფლიქტი დასრულდა გალაქტიკური რესპუბლიკის და, შემდგომში, გალაქტიკური იმპერიის მიერ მანდალორის ოკუპაციით.

იმპერიის აღზევების შემდეგ მანდალორის რეგენტი გახდა ბო-კატან კრიზი, თუმცა მან უარი განაცხადა იმპერატორ შივ პალპატინის ქვეშევრდომობაზე. მას ჩაენაცვლა გარ საქსონი, სიკვდილის მზირების მანდალორელი სუპერკომანდო, რომელიც მანდალორის ვიცე-მეფე გახდა, ხოლო სამართალდამცავებად დანიშნეს იმპერიელი სუპერკომანდოები. ისევე, როგორც გალაქტიკის მრავალი პლანეტის შემთხვევაში, მანდალორი იმპერიულ რეჟიმს ემორჩილებოდა. მეომართა ცივილიზაციის მიწაზე იქმნებოდა სხვადასხვა საშიში იარაღი, როგორიც იყო რკალოვანი იმპულსების გენერატორი. კლან საქსონსა და კლან კრიზს, კლან რენსა და ყოფილ მანდალორელ დამცველ ფენ რაუს შორის კონფლიქტი წარმოიშვა. გარ საქსონის და მისი ძმის, გუბერნატორ ტაიბერ საქსონის განადგურების შემდეგ, ადრეული აჯანყების დახმარებით, ბო-კატანმა დაიბრუნა ბნელი მახვილი და მანდ'ალორის წოდება აიღო, გააერთიანა რა მანდალორული წინააღმდეგობა. თუმცა, ამ დროს იმპერიის წინააღმდეგ გალაქტიკური მასშტაბის ომის ფონზე დაიწყო მორიგი სამოქალაქო ომი.

იმპერიის დამარცხების და ახალი რესპუბლიკის აღზევებისთანავე მრავალი მანდალორელი გალაქტიკის სხვადასხვა კუთხეში მიიმალა — მას შემდეგ, რაც იმპერიამ მათი დიდი ნაწილი დახოცა დიდი წმენდისას. მანდალორელთა ერთ-ერთ ცალკეულ ჯგუფს ერქვა ტომი. იგი თავს აფარებდა ნევაროზე მდებარე თავშესაფარს, მაგრამ იქაურობა დატოვა ერთ-ერთი მანდალორელის მხარდაჭერის და დაცვის შემდეგ. ტომის ცოცხლად დარჩენილი წევრების ნაწილი გაანადგურა იმპერიულმა ნამსხვრევმა, მაგრამ ზოგიერთი მათგანი მაინც გადარჩა.