- „ვცდილობ, დავაბრუნო არა მხოლოდ ორიგინალური ტრილოგიის, არამედ პირველი ფილმის ესთეტიკა. არა მხოლოდ პირველი ფილმის, მაგრამ პირველი ფილმის პირველი სცენების. როგორი იყო ტატუინზე ცხოვრება? რა ხდებოდა იმ კანტინაში? ეს მიტაცებდა ბავშვობიდან და მე მომწონს 'ვარსკვლავური ომების' უფრო ბნელი მხარის ჩვენების იდეა, 'ვარსკვლავური ომების' 'შეშლილი მაქსის' ასპექტის.“
- ―ჯონ ფავრო
მანდალორელი არის მხატვრული ტელესერიალი ვარსკვლავური ომების მიხედვით, რომელსაც აწარმოებს Lucasfilm. ეს სერიალი, რომლის ჩვენება 2019 წლის 12 ნოემბერს ექსკლუზიურად დაიწყო ნაკადოვან სერვის Disney+-ზე, აღწერს ჯედაის დაბრუნებიდან დაახლოებით ხუთი წლის შემდეგ მიმდინარე მოვლენებს. ჯონ ფავრო არის მისი სცენარის ავტორი და აღმასრულებელი პროდიუსერი, ხოლო რეჟისორებს შორიან არიან დეივ ფილონი, დებორა ჩაუ, რიკ ფამუივა, ბრაის დალას ჰოვარდი და ტაიკა ვაიტიტი.
სერიალის პირველი სეზონის ჩვენება თავდაპირველად მიმდინარეობდა ყოველ პარასკევს (გარდა მისი პირველი და მეშვიდე ეპიზოდებისა). პირველი სეზონის დასრულების შემდეგ, 2020 წლის მაისიდან, გამოდიოდა მანდალორელის წარმოების ამსახველი რვაეპიზოდიანი სერიალი Disney-ს გალერეა: მანდალორელი. 2020 წლის 30 ოქტომბერს დაიწყო სერიალის მეორე სეზონის ჩვენება, რომლის ეპიზოდები ასევე გამოდიოდა ყოველ პარასკევს. სეზონს მიეძღვნა Disney Gallery-ს ორი სპეციალური ეპიზოდი. სერიალის მესამე სეზონი გამოვა 2023 წლის 1 მარტს, ხოლო ფავრო ამჟამად მუშაობს მეოთხე სეზონის სცენარზე.
შესავალი[]
- „დაახლოებით რომის იმპერიის დაცემის შემდგომ პერიოდს ჰგავს ან ისეთ პერიოდს, როდესაც იაპონიაში ცენტრალიზებული სიოგუნი არ იყო — და, რა თქმა უნდა, ძველ დასავლეთს, სადაც დაუსახლებელ ადგილებში არ არსებობდა რამე სახის მთავრობა.“
- ―ჯონ ფავრო
ჯენგო და ბობა ფეტების ისტორიების შემდეგ ვარსკვლავური ომების სამყაროში ჩნდება კიდევ ერთი მეომარი. მანდალორელის მოვლენები მიმდინარეობს იმპერიის დამხობის შემდგომ, პირველი ორდენის აღმოცენებამდე. ჩვენ ვიხილავთ ეული მონადირის რთულ ცხოვრებას გალაქტიკის შორეულ კუთხეებში, ახალი რესპუბლიკისგან შორს....[19]
წარმოება[]
- „ვინაიდან სცენარის დიდი ნაწილი დავწერე, ჩვენზე მოვარგე და ისე, რომ ჰქონოდა მასშტაბი ვარსკვლავური ომების პირველი ფილმის, რომელიც შედარებით დაბალბიუჯეტიანი იყო, მიუხედავად გამაოგნებელი ეფექტებისა.“
- ―ჯონ ფავრო
2005 წელს[21] ჯორკ ლუკასმა დაიწყო მხატვრული ტელესერიალის შემუშავება. ჩანაფიქრით, იგი აღწერდა ვარსკვლავური ომების კრიმინალურ სამყაროს.[22] პროდიუსერი რიკ მაკკალუმი მას ადარებდა ტელესერიალს დედვუდი და ფილმს ნათლია[23][24] და მიანიშნებდა, რომ მისი პერსონაჟები იქნებოდნენ ჯილდოზე მონადირეები.[25] 2007 წლის Toy Fair-ზე გამოჩნდა პოსტერი, რომელზეც მინიშნებული იყო ვარსკვლავური ომების მომავალ პროექტებზე, ხოლო სერიალთან დაკავშირებულ სურათზე გამოსახული იყო ბობა ფეტი.[26] შეიქმნა 50 სცენარი, რის შემდეგაც ლუკასი და მაკკალუმი მიხვდნენ, რომ არსებული ტექნოლოგიით სერიალის წარმოების ხარჯი ზედმეტად დიდი იქნებოდა. გადაწყდა, რომ პროექტზე მუშაობა დროებით შეჩერდებოდა.[24][27] 2012 წელს ლუკასმა საკუთარი კომპანია The Walt Disney Company-ს მიჰყიდა[28]. Disney-ს მფლობელობით შემუშავდა ფილმი ბობა ფეტის შესახებ, რომელიც შევიდოდა ანთოლოგიურ სერიაში.[29]
ახალი სერიალის წარმოების შესახებ 2017 წლის 9 ნოემბერს განაცხადა ბობ აიგერმა.[1] 2018 წლის 10 მაისს, ინტერვიუში ენტონი კარბონისთან, ფილმის სოლო: ვარსკვლავური ომების ამბავი პრემიერამდე, ჯონ ფავრომ ახსენა, რომ ვარსკვლავური ომების მიხედვით სერიალის სცენარის ნახევარი ჰქონდა დაწერილი.[30] პრემიერისას, ინტერვიუში დენ კეისისთან (Nerdist) მან დაადასტურა, რომ სერიალის მოქმედება მიმდინარეობდა იავინის ბრძოლიდან შვიდი წლის შემდეგ და ახალ პერსონაჟებს წარადგენდა. ფავრომ აგრეთვე განაცხადა, რომ სერიალზე მუშაობამდე Lucasfilm-ს წარუდგინა შესაძლო სერიალის ოთხი სცენარი[31] და იზრუნებდა იმაზე, რომ მისი ხედვა ეკრანზე იქნებოდა გადატანილი.[17]
2018 წლის 6 აგვისტოს The New York Times-ში დაიწერა Disney+-ს, Disney-ს ახალი ნაკადოვანი სერვისის შესახებ და დაადასტურა, რომ ფავროს სერიალის ათი ეპიზოდის ბიუჯეტი შეადგენდა დაახლოებით 100 მილიონ აშშ დოლარს. წერილში The New York Times-თან ფავრომ განაცხადა, რომ დისნეის ახალი ნაკადოვანი სერვისით მათ ექნებოდათ რამდენიმეთავიანი ისტორიების თხრობის საშუალება.[32] 2018 წლის 26 ოქტომბერს ცნობილი გახდა, რომ ფილმი, რომლის შესაძლო პერსონაჟი ბობა ფეტი უნდა ყოფილიყო, აღარ გამოვიდოდა, ხოლო Lucasfilm ყურადღებას გადაიტანდა მანდალორელზე.[33]
2018 წლის 13 ნოემბერს ცნობილი გახდა, რომ პედრო პასკალთან მიმდინარეობდა მოლაპარაკებები სერიალში მთავარ როლზე.[34] შემდეგ დღეს, Variety-ს თანახმად, გავრცელდა ინფორმაცია, რომ გუნდს შეუერთდა ჯინა კარანო.[35] 30 ნოემბერს Variety-მ გამოაქვეყნა ინფორმაცია იმის შესახებ, რომ მსახიობთა გუნდს ნიკ ნოლტიც დაემატა.[36] 12 დეკემბერს Lucasfilm-მა ოფიციალურად გამოაქვეყნა მსახიობთა სია, რომლითაც დადასტურდა პასკალის, კარანოს და ნოლტის მონაწილეობა და დაემატა ჯანკარლო ესპოზიტოს, ემილი სუოლოუს, კარლ უეზერსის, ომიდ აბტაის და ვერნერ ჰერცოგის სახელები.[13]
პირველი სეზონის გადაღება დასრულდა 2019 წლის თებერვალში.[37] ცნობილია, რომ ყოველი ეპიზოდის წარმოება ღირდა 15 მილიონი აშშ დოლარი.[38]
თავისი, როგორც სერიალის წამწყვანი პროდიუსერის საქმიანობის აღწერისას, ფავრო ამბობდა: „ეს არ ჰგავს მთავარი მზარეულის საქმეს. შენ ადგენ მენიუს, იყვან ხალხს, რომელიც თავის საქმეში კარგია, ხელმძღვანელობ ხალხს, რომლებიც კერძებს ამზადებენ, ბოლოს კი მიართმევ.“ სერიალზე მუშაობა მან შეადარა რკინის კაცს — პირველი Disney+-ის გაშვებას უკავშირდებოდა, მეორე კი — Marvel-ის კინოსამყაროსი. მან აგრეთვე აღნიშნა, რომ ორივე პროექტზე მშვიდად მუშაობდა.[17]
წარმოებისას ფავრომ თავისი Instagram-ის ანგარიშზე გამოაქვეყნა სურათები გადაღებიდან.[39] ვარსკვლავური ომების შემქმნელი ჯორჯ ლუკასი ეწვია გადაღების მოედანს, ფავროსთვის მოულოდნელად.[40] ამონარიდი ჯონის საუბრიდან GQ Middle East-თან: „ერთი რამ მითხრა [ჯორჯ ლუკასმა] — 'გახსოვდეს, ჯონ, ყველა ამბისა და მითის ნამდვილი მაყურებლები არიან მოზარდები', ვინაიდან ჯოზეფ კემპბელის ნამდვილი მიმდევარია.“[41] ტაიკა ვაიტიტის თანახმად, სერიალი თავისი განწყობით ახლოს იქნება ვარსკვლავური ომების ორიგინალური ტრილოგიის ფილმებთან. თავის ინტერვიუში რეჟისორმა ახსენა, რომ გადაიღო სცენა 50-60 შტორმტრუპერის მონაწილეობით. იცოდა რა, რომ ვარსკვლავური ომების ფანებს სხვა ელემენტებისადმი ინტერესიც ჰქონდათ, ფავრომ ისინი აიღო სერიალებიდან კლონების ომები და აჯანყებულები, ისევე, როგორც ლეგენდების უწყვეტობიდან.[42]
მანდალორელის ჩანახატი, ავტორი ჯონ ფავრო.
როდესაც გადაღება მიმდინარეობდა მანჰეტენ-ბიჩზე (კალიფორნია), გადამღები ჯგუფის ტექნიკა მოიპარეს, რასაც მოჰყვა გამოძიება.[43][44] ILM-მა ლონდონში შექმნა ფილიალი, ILM TV, რომელიც იმუშავებს ამ და სხვა პროექტების გრაფიკაზე.[45] როგორც პირველად ითქვა კონფერენციის Disney Accelorator დროს,[46] სერიალის სპეციალური ეფექტების შექმნისას გამოყენებულია Epic Games-ის მიერ შემუშავებული ვიდეოთამაშების ძრავა.[47] გადაღება აგრეთვე მიმდინარეობს კალიფორნიაში, საწყობში, რომელსაც იყენებდნენ მოძრაობის დაჭერისთვის.[48]
2019 წლის 2 აპრილს, პირველი სეზონის გამოსვლამდე, Lucasfilm-ს დაუკვეთეს მეორე სეზონის გადაღება.[49] Collider-თან მეფე ლომის კინოვერსიაზე საუბრისას ფავრომ აღნიშნა, რომ წერდა მეორე სეზონის სცენარს და წარმოება დაწყებული იყო.[50]
მუსიკა[]
2018 წლის 19 დეკემბერს ცნობილი გახდა, რომ სერიალისთვის მუსიკას დაწერდა შავი ავაზას კომპოზიტორი ლუდვიგ იორანსონი.[15] ფავრომ იორანსონი გაიცნო შავი ავაზას რეჟისორის, რაიან კუგლერის მეშვებოთ და ახალი პროექტის შესახებ ესაუბრა მანდალორელის წარმოებამდე ერთი წლით ადრე. როგორც ფავრომ Los Angeles Times-ს განუცხადა, მას სურდა, რომ მუსიკა ყოფილიყო „უფრო გაბედული, მკვეთრი და უფრო ტექნოლოგიურობით სავსე, ნახევრად ტექნოლოგიური, ნახევრად კლასიკური“. იორანსონმა შთაგონებისთვის იმოგზაურა ბუნებაში, ეძებდა „ორგანულ“ ჟღერადობას, რომელშიც აქტიურად იქნებოდა გამოყენებული სასულე საკრავები, ელექტრონულ და ორკესტრულ მუსიკასთან შერწყმით.[51]
გამოშვება[]
სერიალის პირველი ეპიზოდი გამოვიდა 2019 წლის 12 ნოემბერს.[3] მასთან დაკავშირებული საქონელი გამოვიდა Triple Force Friday-ს აღსანიშნად, 2019 წლის 4 ოქტომბერს.[52] ფავრომ, ფილონიმ და მსახიობთა გუნდმა მანდალორელის პანელი წარადგინეს Celebration Chicago-ს ფარგლებში, 2019 წლის 14 აპრილს. ამავე ღონისძიების ფარგლებში დამსწრეებმა იხილეს სერიალის პირველი კადრები.[53] რამდენიმე დღის შემდეგ მსახიობები გამოჩნდნენ გადაცემაში Good Morning America.[54]
2019 წლის 23 აგვისტოს სერიალის პირველი რგოლი აჩვენეს ანაჰაიმში, D23 Expo-ს ფარგლებში, პანელზე, რომელშიც მონაწილეობდნენ ფავრო, ფილონი და მსახიობები — პასკალი, კარანო, უეზერსი, ვაიტიტი და მინგ-ნა ვენი.[55] 19 ოქტომბერს, Disney+-ის პრესისთვის გამართული ღონისძიებების დღეს, Disney-მ პრესის წარმომადგენლებისთვის წარადგინა 27 წუთიანი მონტაჟი.[56] მეორე და საბოლოო რგოლი გამოვიდა 2019 წლის 28 ოქტომბერს.[57] სერიალის მსახიობებმა და შემქმნელებმა მიიღეს მონაწილეობა პირდაპირ ეთერში გამართულ კითხვების და პასუხების ბლოკში, 13 ნოემბერს, პირველი ეპიზოდის ეთერში გასვლიდან შემდეგ დღეს.[58]
The Walt Disney Company-ს ალან ჰორნის თქმით, თუკი სერიალი ისეთივე შთამბეჭდავი იქნება, როგორიც ამჟამად არის, დასაშვებია მანდალორელის ან Disney+-ისთვის, ან კინოთეატრებისთვის ფილმის სახით გამოშვება.[59]
შემადგენლობა[]
- „შესანიშნავ დროს ვატარებთ ამ საოცრად ნიჭიერ კოლექტივთან მუშაობით და მოხარულები ვართ, რომ სხვებიც ხედავენ, თუ რას ვაკეთებთ.“
- ―ჯონ ფავრო StarWars.com-თან საუბრისას როლების შემსრულებელთა ოფიციალური წარდგენისას
ტიპით
| მსახიობები | გუნდი |
მსახიობები
გუნდი
|
ეპიზოდები[]
| სეზონი | ლოგო | ეპიზოდი | პირველად ეთერში | უკანასკნელად ეთერში |
|---|---|---|---|---|
| პირველი | 
|
12 ნოემბერი, 2019[3] | 27 დეკემბერი, 2019[5] | |
| მეორე[84] | 
|
|||
|
||||
წყაროები[]
შენიშვნები და სქოლიო[]
გარე ბმულები[]
მანდალორელი StarWars.com-ზე (არქივის ბმული)- მანდალორელი Disney+-ზე
- მანდალორელი ვიკიპედიაში
- მანდალორელი Internet Movie Database-ში
- მანდალორელის შემდეგი მისია? პინბოლი. StarWars.com-ზე (არქივის ბმული)
- STAR WARS™ - The Mandalorian™: ანიმაციური მოკლემეტრაჟიანი ფილმი! Original Funko YouTube-ის არხზე (არქივის ბმული)
