მორაი

„მე ასული ვარ…“

―მორაი^[2]

მორაი იყო მდედრობითი სქესის კონვორი, რომელსაც ჰქონდა სულიერი კავშირი ასულთან^[2], ძალის მფლობელთან პლანეტა მორტისიდან.^[3] ასულის გარდა, ძალის მფლობელებს სხვადასხვა სახით ეცხადებოდა. ბევრს მიაჩნდა, რომ კონვორი ასეთი სახით ასულის მსახური იყო ან თავად ასული, ოღონდ სხვა ფორმით მოვლენილი. მორაი დაუმეგობრდა ჯედაების ყოფილ პადავან ასოკა ტანოს^[2], რომელსაც ასულმა საკუთარ აღსასრულამდე სასიცოცხლო ძალები დაუბრუნა.^[4] ტოგრუტას იგი თან დაჰყვებოდა და თვალს მთელი ცხოვრების განმავლობაში ადევნებდა. თავად ტანო ამბობდა, რომ კონვორის წინაშე ვალში იყო.

როდესაც დართ ვეიდერმა უცნობ მთვარეზე მიაგნო „ვენატორის“ კლასის ვარსკვლავური დამანგრევლის ნამსხვრევებს, მან თოვლში ყოფილი პადავანის სინათლის მახვილი აღმოაჩინა, ხოლო ცაში მორაი შენიშნა, რომელიც იქაურობას დასტრიალებდა.

მორაი იმყოფებოდა ბაზა „ჩოპერის“ ატოლონზე დაარსებისას და აკვირდებოდა „აჩრდილის“ ეკიპაჟის წევრების (ტანოს ჩათვლით) და კრიკნების შეტაკებას.

როდესაც ეზრა ბრიჯერი მოხვდა სამყაროთა შორის მდებარე სამყაროში, იქ მორაი იხილა, რომელმაც უბიძგა ტანოს გადარჩენისკენ, პორტალში მისი შეთრევის მეშვეობით. ტანოსთან კვლავ შეხვედრის შემდეგ არსება აგრეთვე აკვირდებოდა იმპერატორ პალპატინთან ტანოს და ეზრას ბრძოლას. იგი თან ახლდა ასოკას, რომელიც პორტალით დაბრუნდა მალაქორის სითების ტაძარში.^[2] როდესაც ტანო ტაძრის დარბაზებში დააბიჯებდა, მორაი თვალს ადევნებდა დაჭრილ ვეიდერს, რომელიც ნაგებობას ტოვებდა.^[5]