ნალა სე იყო მდედრობითი სქესის კამინოანი ექიმი და მეცნიერი, რომელიც გალაქტიკურ რესპუბლიკას ემსახურებოდა კლონების ომების პერიოდში. მედიცინის უფროსი მეცნიერის რანგში, მშობლიურ პლანეტა კამინოზე, მნიშვნელოვანი როლი შეასრულა რესპუბლიკის დიადი ჯარის შექმნაში, ხოლო გალაქტიკური კონფლიქტის დროს მონაწილეობდა დაჭრილი კლონი სამხედროების რეაბილიტაციაში. მართალია, კლონებზე ზრუნავდა სეპარატისტული ძალების მუქარის შემდეგაც, თავადაც საკმაოდ მკაცრი ხასიათი აღმოაჩნდა. მაგალითად, შააკ ტის მან განუცხადა, რომ კლონი სამხედროები კამინოს საკუთრებას წარმოადგენდენ და, ამრიგად, ერთჯერადი გამოყენების ობიექტებს.
ნალა იყო ერთ-ერთი იმ მცირეთაგანი, რომელმაც იცოდა კლონების პროტოკოლ 66-ის შესახებ. დარწმუნებული იყო რა, რომ იგი მხოლოდ განდგომილი ჯედაებისგან თავდაცვის მიზნით შეიქმნა, სეს გალაქტიკური მასშტაბის ომის მსვლელობისას მის შესახებ არავისთვის არაფერი უთქვამს. სე აგრეთვე თვალყურს ადევნებდა ომეგას, არამოდიფიცირებულ კლონ გოგონას. როდესაც ომეგამ კლონების რაზმ 99-თან ერთად გაქცევა სცადა, მათ დახმარება ნალა სემ გაუწია, რომელიც კლონის შემდგომში დაჭერის რამე მცდელობაში ასევე ერეოდა. მოგვიანებით მის თვალწინ გაანადგურეს ქალაქი ტიპოკა, თავად სე კი იმპერიელებმა გადაიყვანა პლანეტა უეილენდზე, საიდუმლო ობიექტზე.
გამოჩენები[]
წყაროები[]
შენიშვნები და სქოლიო[]
- ↑ 1.0 1.1 1.2 ნალა სე Databank-ში (არქივის ბმული)
- ↑ ვარსკვლავური ომები: კლონების ომები: პერსონაჟების ენციკლოპედია: შეუერთდი ბრძოლას!
- ↑ 3.0 3.1 3.2 ვარსკვლავური ომები: კლონების ომები — „ავის მომასწავებლის“ ჩრდილი
- ↑ კამინოანი Databank-ში (არქივის ბმული)
- ↑ 5.0 5.1 ვარსკვლავური ომები: კლონების ომები — შეთქმულება
- ↑ ვარსკვლავური ომები: უვარგისი პარტია — შედეგები
- ↑ ვარსკვლავური ომები: უვარგისი პარტია — დაკარგული კამინო