- "თუკი არსებობს სამყაროს ნათელი ცენტრი, შენ მისგან ყველაზე შორს მდებარე პლანეტაზე იმყოფები."
- ―ლუკ სკაიუოკერი C-3PO-ს
პლანეტა ალდერაანი
პლანეტა, რომელსაც ხშირად უწოდებდნენ სამყაროს, იყო დიდი კოსმოსური სხეული, რომელიც ვარსკვლავის ორბიტაზე მდებარეობდა.[1] პლანეტასთან ახლოს, უფრო ხშირად — მათ ორბიტაზე მდებარე უფრო მცირე სხეულებს, თანამგზავრებს, ეწოდებოდათ მთვარეები.[2] მრავალი პლანეტა იყო დასახლებული, ანუ გონიერი არსებებისთვის საცხოვრებლად გამოსადეგი.[3] არსებობდა მიწიერი პლანეტები,[4] წყლით დაფარული პლანეტები[5] და გაზის გიგანტები. მიუხედავად იმისა, რომ ამ უკანასკნელების შემთხვევაში პლანეტაზე დასახლება შეუძლებელი იყო, მათ თავზე შენდებოდა მფრინავი ნაგებობები, მაგალითად — ღრუბლების ქალაქი.[3] ვარსკვლავის ორბიტაზე მდებარე პლანეტების, მთვარეებისა[2] და ასტეროიდების ჯგუფს ეწოდებოდა ვარსკვლავური სისტემა.[6] გალაქტიკაში მდებარეობდა მრავალი ასეთი.[7] მიუხედავად იმისა, რომ პლანეტებს ძირითად ახლდა ერთი მნათობი, ზოგიერთი, მაგალითად ტატუინი[1] და გატალენტა, მდებარეობდა ერთზე მეტი მნათობის მქონე სისტემაში.[8] ზოგიერთი პლანეტა, მაგალითად, დათომირი, ძალას უკავშირდებოდა.[9]
როდესაც ენეკინ სკაიუოკერმა ოსტატ ჯედაი კუაი-გონ ჯინს ჰკითხა, ტრიალებდა თუ არა ყველა ვარსკვლავი მათ ირგლივ, ორბიტაზე, მან უპასუხა, რომ "უმეტესობა" მდებარეობდა.[10]
მშობლიური სამყარო გამოიყენებოდა როგორც ამა თუ იმ რასის[11], ორგანიზაციის,[12] თუ პიროვნების წარმოშობის ადგილის დასახელება.[13] მაგალითად, რაილოთი იყო ტვი'ლეკების მშობლიური სამყარო,[14] ხოლო ადამიანები, როგორც ითვლებოდა, წარმოიშვნენ კორუსანტზე.[15]
პლანეტის განადგურება შესაძლებელი იყო, თუმცა ამისთვის გამოიყენებოდა მასიური სუპერიარაღი, მაგალითად სიკვდილის ვარსკვლავი.[4] შესაძლებელი იყო თავად პლანეტის გარდაქმნა სუპერიარაღად — მაგალითია პირველი ორდენის ბაზა "სტარკილერი"[16], რომელსაც შეეძლო მთლიანი ვარსკვლავური სისტემების განადგურება, რაც მოხდა ჰოსნიანის კატაკლიზმისას.[17]
