პოდრბოლა

"მალასტერზე პოდრბოლებს აწყობენ. ძალიან ჩქარ და სახიფათო პოდრბოლებს."

― კვაი-გონ ჯინი^[1]

პოდრბოლა, იგივე პოდების რბოლა ან პოდებით რბოლა, იყო სახიფათო რბოლის სპორტული ნაირსახეობა, რომლის შეჯიბრებს მასპინძლობდნენ პლანეტები — მალასტერი, კერგანსი, თერონი, კანტონიკა და ტატუინი. როგორც წესი, მრბოლელები სარბენ ტერიტორიაზე ახორციელებდნენ რამდენიმე წრეზე გარბენას, ხშირად — სიცოცხლისთვის სახიფათო სიჩქარით. გადამყვანების სახით გამოიყენებოდა პოდები. თითო მათგანში ეტეოდა ერთი მრბოლელი^[1]. მსგავს რბოლებს ხშირად თვალს ადევნებდნენ მთელ გალაქტიკაში^[2].

პოდრბოლებში მეტწილად მონაწილეობდნენ უცხომიწელები, ამიტომ ანაკინ სკაიუოკერს თავი მიაჩნდა რთადერთ ადამიანად, რომელსაც შეეძლო ასეთ შეჯიბრში მონაწილეობის მიღება.^[1] იავინის ბრძოლამდე 32 წლით ადრე^[3] იგი იყო საკუთარი რასის ერთადერთი წარმომადგენელი, რომელიც მოს-ესპაში მსგავს რბოლებში მონაწილეობდა.^[1] გალაქტიკური სამოქალაქო ომის დროს, ჰრადრიკზე შეტაკების დროისთვის გარე რგოლის სისტემებში ცნობები ადამიანების რბოლებში მონაწილეობის შესახებ ვრცელდებოდა მხოლოდ ჭორების სახით.^[4]

სავაჭრო ფედერაციის მიერ ნაბუზე შეჭრის პერიოდში ანაკინმა გაიმარჯვა ბუნტა ივის კლასიკურ პოდრბოლაში, ტატუინზე. რბოლების დროს ფსონები ტატუინელებს უყვარდათ, ამიტომ კვაი-გონ ჯინისა და უოტოს სანაძლეოს საფუძველზე ბიჭუნა მონობიდან გათავისუფლდა^[1].

პლანეტა ანქურალზე ერთ დროს საპოდრბოლო გზა არსებობდა, რომლის რბოლებისთვის გამოყენება შეწყვიტეს. ჰოთის ბრძოლის შემდეგ 61-ე მობილური ქვეითი ასეული იქ გალაქტიკურ იმპერიას ემალებოდა.^[5]

ანოატის სექტორში, რკინის ბლოკადის დროს, აივაქსის სინდიკატი მართავდა პოდრბოლებს და სხვა ღონისძიებებს.^[6]

ახალმა რესპუბლიკის დროს პოდრბოლები უკანონოდ გამოაცხადეს, მათი სახიფათო პირობების გამო. მიუხედავად ამისა, ბატუუს მსგავს შორეულ პლანეტებზე შეჯიბრები კვლავ იმართებოდა.^[7]