FANDOM


Premium-Eras-canon
ამ სტატიაში ან გვერდზე აღწერილია გალაქტიკური რესპუბლიკის ჯარი. იხილეთ აგრეთვე ჯარი, რომელსაც იყენებდა ახალი რესპუბლიკა.
"ამ ახალი უფლებებით პირველი ნაბიჯის სახით, ჩამოვაყალიბებ რესპუბლიკის დიად ჯარს, რათა ვებრძოლოთ სეპარატისტების მხრიდან მზარდ საფრთხეს."
―შივ პალპატინი[წყარო]

რესპუბლიკის დიადი ჯარი, იგივე რესპუბლიკის ჯარი ან კლონთა ჯარი, ეწოდებოდა რესპუბლიკის შეიარაღებული ძალებისადმი დაქვემდებარებულ ჯარს, რომელიც მონაწილეობდა კლონთა ომების პერიოდის საომარ მოქმედებებში. ჯეონოსისის ბრძოლის დროისთვის გალაქტიკური რესპუბლიკა იყენებდა ათიათასობით კლონ მოიერიშეს, რომლებიც ებრძოდნენ დამოუკიდებელი სისტემების კონფედერაციის დროიდების სეპარატისტული ჯარის ძალებს. ადამიანთა კლონების გარდა (რომელთა შესაქმნელად გამოიყენეს ჯილდოზე მონადირე ჯენგო ფეტის გენეტიკური ნიმუში), ჯარი იყენებდა საბრძოლო ტექნიკის სხვადასხვა სახეობას, მათ შორის — არაერთ ტანკსაწინააღმდეგო საარტილერიო ქვემეხ AV-7-ს, BARC სპიდერს თუ ყველგან მავალ ტაქტიკურ მხარდაჭერას.

რესპუბლიკის არსებობის უკანასკნელ წლებში ოსტატი ჯედაი საიფო-დიასი დაუკავშირდა კამინოს მთავრობას და შეუკვეთა კლონთა ჯარის წარმოება, გრძნობდა რა, რომ გალაქტიკას მალე ომი მოიცავდა. სეპარატისტულ მოძრაობას მრავალი ვარსკვლავური სისტემა უერთდებოდა, ამასობაში კი გალაქტიკურმა სენატმა სამხედრო განგარგულებების გაცემის უფლება მიანიჭა უზენაეს კანცლერ შივ პალპატინს. შედეგად ფორმალურად ჩამოყალიბდა რესპუბლიკის დიადი ჯარი, რომელშიც შედიოდა ათასობით კლონი ჯარისკაცი, ხოლო კლონთა ომების დაწყებისას რამდენიმე დამატებითი მილიონი უკვე იქმნებოდა კამინოანთა ლაბორატორიებში. რაინდ ჯედაებს, ათასობით წლის განმავლობაში მშვიდობის დამცველებს, მიენიჭათ გენერალი ჯედაების წოდება როდესაც სენატმა ჯედაების ორდენს უხმო და ჯედაები დიად ჯარის სათავეში ჩააყენა, რათა მათ რესპუბლიკის მტრებისთვის წინააღმდეგობა გაეწიათ.

სამი წლის განმავლობაში დიადი ჯარი იბრძოდა ომისგან გახლეჩილი გალაქტიკის ყველა ფრონტზე და ჩაატარა უამრავი ოპერაცია — იქნებოდა ეს მოქმედებები გარე რკალის ტერიტორიების კამპანიების თუ სეპარატისტების კორუსანტზე თავდასხმის ფარგლებში. პალპატინის მაქინაციებით — რომელიც სითი ლორდი დართ სიდიუსი აღმოჩნდა — ცნობილი გახდა, რომ კლონებმა საბოლოოდ, ბრძანება 66-ის გაცემასთან ერთად მეთაურ ჯედაებს უღალატეს და მთელ გალაქტიკაში და ჯედაების ტაძარში ისინი დახოცეს. მას შემდეგ, რაც სიდიუსმა თავი ახალი რეჟიმის იმპერატორად გამოაცხადა, რესპუბლიკის დიადი ჯარი შეცვალა ახალი წესრიგის პირობებში ჩამოყალიბებულმა უბრალო ადამიანებისგან შემდგარმა იმპერიულმა ჯარმა. თუმცა, კლონ მოიერიშეებს შეეძლოთ მოიერიშეთა ახალი თაობის რიგებში ბრძოლაც.

გამოჩენები

წყაროები

შენიშვნები და სქოლიო

  1. 1.0 1.1 1.2 1.3 1.4 1.5 1.6 1.7 ვარსკვლავური ომები, ეპიზოდი II: კლონთა იერიში
  2. StarWars-DatabankII კლონი მეთაური კოდი Databank-ში (შენახული ვერსიის ბმული)
  3. 3.0 3.1 3.2 3.3 ვარსკვლავური ომები, ეპიზოდი III: სითების შურისძიება
  4. ვარსკვლავური ომები: ფრონტის წინა ხაზებზე
  5. კამინოანები კლონს თვლიდნენ "ერთეულად", როგორც ამას აღნიშნავს ვარსკვლავური ომები: აბსოლუტურად ყველაფერი, რაც უნდა იცოდეთ. ენციკლოპედია უთითებს, რომ ჯეონოსისის ბრძოლაში მონაწილეობდა 192.000 კლონი ჯარისკაცი.
  6. ვარსკვლავური ომები: სრული ადგილმდებარეობები
  7. TCW mini logo ვარსკვლავური ომები: კლონთა ომებიმშვიდობისკენ სწრაფვა
  8. TCW mini logo ვარსკვლავური ომები: კლონთა ომებიმკვლელობები სენატში
  9. TCW mini logo ვარსკვლავური ომები: კლონთა ომებიჯედაი, რომელმაც ზედმეტად ბევრი იცოდა
  10. 10.0 10.1 10.2 10.3 10.4 10.5 ვარსკვლავური ომები: გალაქტიკური ატლასი
  11. კატალიზატორი: განდევნილი ერთი: რომანი
  12. 12.0 12.1 ვარსკვლავური ომები, ეპიზოდი I: ფარული საფრთხე
  13. გამოღვიძებამდე
Community content is available under CC-BY-SA unless otherwise noted.