სითები

ინფორმაცია ორგანიზაციაზე

მეთაური

სითების ბნელი ლორდი^[1]

შტაბოფიცერი

ქვეერთეულები

სითების იმპერია^[4]
სითების ჯარი^[5]
დართ მომინის აკოლიტები^[6]
ჩრდილების კოლექტივი^[7]
გალაქტიკური იმპერია^[8]
- ინკვიზიტორიუსი^[9]
სითი მეცნიერები^[10]

შტაბ-ბინა

ოფიციალური ენა

სითური ენა^[14]
ბალკი^[11]

დაკავშირებული ორგანიზაციები

სითების იმპერია^[5]
სავაჭრო ფედერაცია (ფარულად)^[3]
გალაქტიკური რესპუბლიკა (ფარულად)^[2]
დამოუკიდებელი სისტემების კონფედერაცია^[1]
ჩრდილების კოლექტივი^[15]
გალაქტიკური იმპერია^[8]

შეხედულებები

წმინდა ტექსტი

სითების კოდექსი^[16]
ორთა წესი^[11]

ღვთაებები

ძალის ბნელი მხარე^[8]

ადგილები/ტაძრები

სითების ტაძარი, მორაბანდი^[11]
- ბნელი ლორდების ველი^[11]
იმპერიული სასახლე, კორუსანტი^[17]
- სითების აკლდამა, კორუსანტი^[17]
სითების ტაძარი, მუსტაფარი^[13]
სითების ტაძარი, მალაქორი^[12]

რელიკვიები/არტიფაქტები

სითების ჰოლოკრონი^[18]

ისტორიული ინფორმაცია

დაარსების თარიღი

დაახლოებით 6000 წლის კლონების ომების მოვლენებამდე^[17], ასწლიანი სიბნელის შემდეგ^[19]

წარმოშობის პლანეტა

მორაბანდი^[11]

დამაარსებელი

უცნობი ბნელი ჯედაი^[20]

დაშლის თარიღი

1032 იბ; ფარულად აღადგინა დართ ბეინმა^[11]
4 იბშ^[21] (განადგურდა)^[22]

„სითები კვლავ გაბატონდებიან გალაქტიკაში და მშვიდობა დამყარდება.“

―დართ სიდიუსი დართ ვეიდერს^[2]

სითები, აგრეთვე ცნობილი სითების ორდენის სახელით, წარმოადგენდნენ ძალისადმი მგრძნობიარეებს, რომლებიც ძალის ბნელ მხარეს ემხრობოდნენ. თავდაპირველად ისინი წარმოიშვნენ ჯედაების ორდენისგან განსხვავებული ფრაქციის სახით, იქცნენ ჯედაების მტრებად და მათ წინააღმდეგ მრავალ ომში იბრძოდნენ. მათში სუფევდნენ რისხვა, მრისხანება, სიხარბე, მაგრამ, გარდა ამისა, სითები ცრუოდნენ და ძალაუფლებისკენ ნებისმიერ ფასად იღწვოდნენ.

ნაბუზე შეჭრიდან ათასი წლით ადრე სითები ამოწყვეტის ზღვარზე იყვნენ, რაც გამოწვეული იყო შიდა უთანხმოებებით და ერთმანეთის ხოცვით. შემდგომში დართ ბეინი აღზევდა როგორც სითების ბნელი ლორდი, ჩამოაყალიბა რა ორთა წესი. იმ დროიდან მოყოლებული, სითებს შორის ყოველთვის იყო ორი — ოსტატი და შეგირდი. გალაქტიკური რესპუბლიკის ეპოქაში ჯედაები გალაქტიკაში მშვიდობას და სამართლიანობას იცავდნენ, ხოლო სითები ფარულად მოქმედებდნენ.

იავინის ბრძოლამდე 32 წლით ადრე ნაბუელმა სენატორმა შივ პალპატინმა რესპუბლიკის გალაქტიკურ სენატში დაიკავა უზენაესი კანცლერის თანამდებობა. იგი ფარულად დართ სიდიუსი იყო, სითების ლორდი, რომელიც მანიპულირებდა პოლიტიკური სისტემით, რათა რესპუბლიკის მართვა შეძლებოდა. კლონების ომების შემდგომ მან მიაღწია საწადელს და რესპუბლიკა აქცია პირველ გალაქტიკურ იმპერიად, ავტოკრატულ რეჟიმად, რომელსაც თავად მართავდა როგორც გალაქტიკური იმპერატორი. მართალია, იმპერატორის ბრძანებით ჯედაები დახოცეს, რამდენიმე გადარჩენილი მიიმალა.

სიდიუსის მმართველობა დაასრულა დართ ვეიდერმა, რომელმაც იავინის ბრძოლიდან 4 წელს მოკლა ლორდი. ვეიდერი, რომელმაც მიიღო ჭრილობები სითების ლორდის მეორე სიკვდილის ვარსკვლავიდან გადაგდებისას, ასევე დაიღუპა. ლუკ სკაიუოკერის, საკუთარი შვილის გამო სიცოცლის გაწირვით, იგი დაუბრუნდა ძალის ნათელ მხარეს როგორც სული. სიდიუსის და ვეიდერის აღსასრულით დასრულდა სითების ორდენის არსებობაც და ძალაში წონასწორობა აღდგა, რითაც ასრულდა ჯედაების ძველისძველი წინასწარმეტყველება რჩეულის შესახებ.

მართალია, წინასწარმეტყველებაში ნახსენები იყო სითების განადგურება, იგი ბნელი მხარის სრულად გაქრობას არ აღნიშნავდა. იმპერიის დამარცხების შემდგომ პირველი ორდენი მტკიცედ ემზადებოდა ომისთვის, ბნელი მხარის მცოდნე და მგრძნობიარე სნოუკის, უზენაესი მეთაურის ხელმძღვანელობით. დაინტერესებულმა სკაიუოკერებით, მან ბნელ მხარეს მიიქცია ვეიდერის შვილიშვილი, ბენ სოლო, რომელმაც შემდგომში სახელად კაილო რენი აირჩია. თუმცა, თავად სნოუკი მოგვიანებით მოკლა რენმა, რომელიც თავის თავს ახალ უზენაეს მეთაურად განიხილავდა და გალაქტიკის მართვა სურდა. ჯედაების და სითების ცოდნით, რენი აპირებდა ორივე ორდენის მემკვიდრეობის განადგურებას, რათა უბრალოდ საკუთარი წარსული წაეშალა.

რენისთვის უცნობი იყო, რომ სნოუკი დართ სიდიუსის მიერ შექმნილი იარაღი იყო. იგი კვლავ ცოცხლობდა და აპირებდა გალაქტიკაში საბოლოო ორდენის ძალებით დაბრუნებას. მას ეხმარებოდა მარადიული სითების კულტი, რომელიც სითების ორდენის აღდგენაზე ზრუნავდა. სიდიუსის დაბრუნების მცდელობა დასრულთა წინააღმდეგობის და გალაქტიკის სხვადასხვა კუთხის ერთობლივ ძალებთან შეჯახებით, ხოლო სიდიუსი ერთად დაამარცხეს რენმა (რომელიც ნათელ მხარეს დაუბრუნდა და კვლავ ბენ სოლო გახდა) და რეიმ. ამრიგად, სითების დომინირების აღდგენას წერტილი დაესვა.