- „ფიქრობ, მოაბრუნებ? რა გულისამაჩუყებელია, პატარავ, მე ვერ მიღალატებ. მე ვერ დამამარცხებ. მე მის გონებაში ვიხედები. მისი ყოველი ჩანაფიქრი ვიცი! დიახ, ვხედავ, როგორ აბრუნებს ჩასარტყმელად მახვილს. ახლა კი, სულელო პატარა, აღმართავს და ნამდვილ მტერს მოკლავს!“
- ―სნოუკის უკანასკნელი სიტყგები, წარმოთქმული რეის და კაილო რენის წინაშე
სნოუკი, ძალისადმი მგრძნობიარე მამრობითი სქესის ჰუმანოიდი, იყო პირველი ორდენის უზენაესი მეთაური და ძალის ბნელ მხარეს დაუფლებული. მიუხედავად ამისა, იგი არ იყო სითი, ვინაიდან სითების ორდენი განადგურდა დართ სიდიუსისა და დართ ვეიდერის აღსასრულთან ერთად. თუმცა, ისევე, როგორც სითები, სნოუკიც გეგმავდა ჯედაების სრულ განადგურებას. ამისთვის მან ბენ სოლო ძალის ბნელ მხარეს მიიქცია. სოლო, რომელიც მანამდე ლუკ სკაიუოკერის შეგირდი იყო, სნოუკის დახმარებით ეუფლებოდა ბნელ მხარეს და გახდა რენის რაინდების წინამძღოლი. სასტიკი რენის დახმარებით სნოუკს იმედი ჰქონდა, რომ იპოვნიდა ლუკს და ჯედაების არსებობას დაასრულებდა.
ცივი ომის უკანასკნელ პერიოდში, როდესაც რენი ლუკს ეძებდა, გენერალმა არმიტიჯ ჰაქსმა სნოუკს შეატყობინა, რომ დასრულდა სუპერიარაღ ბაზა „სტარკილერის“ მშენებლობა და შეიძლებოდა მისი გამოცდა. ამრიგად, სნოუკის ბრძანებით განადგურდა მთელი ჰოსნიანის სისტემა, ახალი რესპუბლიკის დედაქალაქი, გალაქტიკური სენატი და ფლოტის ნაწილი. რესპუბლიკის დაბნეულობისას, სნოუკმა დაგეგმა დ'ქარზე მდებარე წინააღმდეგობის ბაზის განადგურება, თუმცა წინააღმდეგობამ სტარკილერზე" იერიში განახორციელა და გაანადგურა იგი.
სუპერიარაღის დაკარგვის მიუხედავად, სნოუკმა მთელ გალაქტიკაში გააგზავნა შეიარაღებული ძალები, რათა მათ მთავარ ვარსკვლავურ სისტემებზე კონტროლი დაემყარებინათ. იგი აგრეთვე ხელმძღვანელობდა წინააღმდეგობის ფლოტის განადგურების ოპერაციას. მისმა ძალებმა განახორციელეს დარტყმები წინააღმდეგობის ხომალდებზე და, უკვე კაილოს ზედამხედველობით, მათ კრეიტის სისტემამდე დევნიდნენ. რენს სნოუკი უკვე წარუმატებელ შეგირდად მიაჩნდა, ფიქრობდა რა, რომ იგი, როგორც ვეიდერის მემკვიდრე, არ გამომდგარა. დარწმუნებული იყო რა, რომ ბიჭუნა ვერ ახერხებდა საკუთარ თავთან კონფლიქტის დასრულებას, სნოუკმა მისი და რეის აზრები ერთმანეთს ძალის მეშვეობით დაუკავშირა და გოგონა მახეში შეიტყუა. რეი დარწმუნებული იყო, რომ რენის ნათელ მხარეზე დაბრუნებას მიაღწევდა და ასე აღმოჩნდა სნოუკის ხომალდ „სიდიადეზე“. უზენაესმა მეთაურმა იგი აწამა და აიძულებდა ბნელ მხარეზე გადასვლას, იმედოვნებდა რა, რომ კაილო გოგონას მოკლავდა, მაგრამ სანაცვლოდ ამისა, რენმა სნოუკი ორად გაკვეთა სკაიუოკერების მახვილით. ამის შემდგომ მან თავი უზენაეს მეთაურად გამოაცხადა, ხოლო რეი — სნოუკის მკვლელად.
საბოლოოდ, აღმოჩნდა, რომ სნოუკი მხოლოდ ხელოვნურად შეიქმნა, რათა რენისთვის საბოლოო გამოცდად ქცეულიყო. მან მოასწრო არა მხოლოდ მისი ერთგულების შემოწმება, არამედ ისიც, თუ როგორი მემკვიდრე იქნებოდა სითებისთვის. კაილო რენმა, მას შემდეგ, რაც ექსეგოლზე აღორძინებულ სიდიუსს შეხვდა, თავად გადაწყვიტა გალაქტიკის მართვა, თუმცა, საბოლოოდ, ყოფილი იმპერატორის და მისი საბოლოო ორდენის მცდელობები მათი დამარცხებით დასრულდა.
გამოჩენები[]
არაკანონიკური გამოჩენები[]
LEGO-ს ვარსკვლავური ომები: ყველა ვარსკვლავი — დაზვერვა ლეიასთვის/მისია მაზთან (მხოლოდ ხსენება)- LEGO Star Wars: The Force Awakens (ჩნდება ჰოლოგრამის სახით)
- LEGO-ს ვარსკვლავური ომები: ყველა ვარსკვლავი — გასეირნება BB-8-სთან ერთად/წინააღმდეგობის გაქცევა (მკვდარი)
- LEGO-ს ვარსკვლავური ომები: სპეციალური სადღესასწაულო გამოშვება (მოგონებებიდან)
წყაროები[]
შენიშვნები და სქოლიო[]
- ↑ 1.0 1.1 ვარსკვლავური ომები: სკაიუოკერის აღზევება: ვიზუალური ლექსიკონი
- ↑ ვარსკვლავური ომები: სითების საიდუმლოებანი განსაზღვრავს, რომ სნოუკი შეიქმნა უფრო ადრე, ვიდრე დეთანი. სითების ჩრდილი, რომლის მოვლენათა განვითარების დროა 21 იბშ (იხ.
ადამ კრისტოფერი (@ghostfinder) Twitter-ზე: „2. მისი მოვლენების განვითარების დროა 22 იბ“ (არქივის ბმული)) უთითებს, რომ დეთანი რომანის განვითარების დროს იყო 33 წლის. ამრიგად, მისი დაბადების წელია 12 იბ, ხოლო სნოუკის — იგივე ან უფრო ადრეული პერიოდი.
- ↑ ვარსკვლავური ომები: სკაიუოკერის აღზევება: გაფართოებული გამოცემა
- ↑ ვარსკვლავური ომები: ქრონოლოგიები უთითებს, რომ ფილმში ვარსკვლავური ომები, ეპიზოდი VIII: უკანასკნელი ჯედაი მოვლენათა განვითარების დროა 34 იბშ.
- ↑ 5.0 5.1 5.2 5.3 5.4 5.5 ვარსკვლავური ომები, ეპიზოდი VIII: უკანასკნელი ჯედაი
- ↑ 6.0 6.1 6.2 ვარსკვლავური ომების წიგნი
- ↑ 7.0 7.1
უზენაესი მეთაური სნოუკი Databank-ში (არქივის ბმული)
- ↑ ვარსკვლავური ომები: ძალის გამოღვიძება: მხატვრობა
- ↑ 9.0 9.1 9.2 ვარსკვლავური ომები, ეპიზოდი VII: ძალის გამოღვიძება
- ↑ Star Wars Insider — სპეციალური გამოცემა 2018
- ↑ ვარსკვლავური ომები, ეპიზოდი IX: სკაიუოკერის აღზევება