FANDOM


Premium-Eras-canon

ტერექსი იყო გალაქტიკური იმპერიის ყოფილი მოიერიშე, იგივე TK-603. ჯაკუს ბრძოლის შემდეგ იგი პლანეტა კადაკზე სათავეში ჩაუდგა რანკის ბანდას. კვლავ იმპერიის აღდგენის სურვილით იგი შეუერთდა პირველ ორდენს, იმპერიულ გადმონაშთს, რომელიც უცნობ რეგიონებში მოქმედებდა. იავინის ბრძოლიდან 34 წლისთვის იგი გახდა ამ რეჟიმის უსაფრთხოების ბიუროს აგენტი. ცივი ომის ადრეულ ეტაპზე ტერექსი ებრძოდა წინააღმდეგობის ვარსკვლავური გამანადგურებლის პილოტ პო დემერონს და მის შავ ესკადრილიას. მან აგრეთვე დაიჭირა სოვა ჩუანი და აიძულებდა მის ქმარს, წინააღმდეგობის ტექნიკოს ოდი მუვას, ეთვალთვალა პოსთვის და შავი ესკადრილიისთვის

მას შემდეგ, რაც პოს მიერ დამარცხდა ოვანისზე და მეგალოქს ბეტაზე, ტერექსი წინააღმდეგობის გასანადგურებლად, არაოფიციალური მისიით გაემგზვრა. მან დაიჭირა რანკის ბანდა და სცადა პოს და წინააღმდეგობის განადგურება. თუმცა, შავმა ესკადრილიამ ტერექსი მესამედ დაამარცხა. ამ წარუმატებლობის შემდეგ იგი დააპატიმრა მეთაურმა მალარუსმა და პირველ ორდენში სასჯელის მოხდის მიზნით დააბრუნა. მიუხედავად იმისა, რომ ტერექსს მიესაჯა მაღაროებში მუშაობა, მან სცადა, დაერწმუნებინა კაპიტანი ფაზმა პირველი ორდენისადმი თავის ერთგულებაში. ამიტომ მიეცა მეორე შესაძლებლობა, რასაც დაემატა ის, რომ აღჭურვეს კიბორგული კონსტრუქციით.

გამოჩენები

შენიშვნები და სქოლიო

Community content is available under CC-BY-SA unless otherwise noted.