უეჯ ანტილესი

უეჯ ანტილესი, იგივე TIE SS-2-5, იყო ვარსკვლავური გამანადგურებლის მფრინავი კორელიადან. თავდაპირველად მსახურობდა იმპერიის ფლოტში, მაგრამ მოგვიანებით შეუერთდა ამბოხებას, მოგვიანებით კი — ახალ რესპუბლიკას, გალაქტიკურ იმპერიასთან ომისას. მონაწილეობდა რამდენიმე მნიშვნელოვან ბრძოლაში, მათ შორის — იავინთან, საიდანაც მშვიდობით დაბრუნდა (ისევე, როგორც ლუკ სკაიუოკერი).

შემდგომ წლებში იგი გაიძვერების ესკადრილიის ერთ-ერთი მნიშვნელოვანი წევრი იყო. ჰოთის ბრძოლაში მისი კოდური სახელი იყო გაიძვერა სამი. მის და უეს ჯენსონის ძალისხმევით T-47 აეროსპიდერის მეშვეობით წარმატებით განადგურდა ერთ-ერთი AT-AT, რომელიც ბაზა "ექოს" უმიზნებდა. ჰოთის ევაკუაციიდან ექვსი თვის თავზე ანტილესი მეთაურობდა წითელ ესკადრილია, ენდორის ბრძოლისას და ლენდო კალრისიანი|ლენდო კალრისიანთან ერთად გაანადგურა მეორე სიკვდილის ვარსკვლავი.

მას შემდეგ, რაც ამბოხებულთა ალიანსი გარდაიქმნა ახალ რესპუბლიკად, ანტილესმა განაგრძო მასში მსახურობა, იმპერიის ნარჩენებთან ბრძოლისას. მან პლანეტა აკივაზე საიდუმლო მისია განახორციელა. იქ უეჯი დააპატიმრეს იმპერიულმა ძალებმა. ამბოხების შემდეგ მფრინავმა ჩამოაყალიბა აჩრდილების ესკადრილია და კაშიიიკის გათავისუფლებაში მონაწილეობდა. ასეთი თვითნებური ოპერაციის გამო ესკადრილია რესპუბლიკამ ოფიციალურად დაშალა, მაგრამ ჯაკუს ბრძოლის დროისთვის ანტილესმა ეს ჯგუფი აღადგინა.

გალაქტიკური შეთანხმების გაფორმების შემდეგ იგი ჰოსნიან-პრაიმზე ფრენის ინსტრუქტორის მოვალეობას ასრულებდა. მოგვიანებით მან იქორწინა ნორა უექსლისთან და, სანამ მათ ეწვივნენ ტემინი და მისი ცოლი, კარე კუნი, ორივე ცხოვრობდა აკივაზე.

იავინის ბრძოლიდან 35 წელს უეჯი ამბოხებულთა ალიანსთან ერთად მონაწილეობდა ექსეგოლთან, პალპატინის იდუმალი ფლოტის წინააღმდეგ ბრძოლაში.