ტირანული პირველი ორდენი წინააღმდეგობის კვალს დაადგა — უზენაესმა მეთაურმა სნოუკმა მიაგნო ლეია ორგანას და მისი გუნდის ჰიპერსივრცეში პოვნის საშუალებას. საწვავი და დრო იწურება. ფინს და როუზს პო დემერონი აგზავნის საიდუმლო მისიაზე სამორინეების პლანეტა კანტო-ბაიტზე, სადაც უნდა იპოვონ კოდის მთავარი გამტეხი, რომელიც მათ დაეხმარება პირველი ორდენის სათვალთვალო მოწყობილობის გათიშვაში! ამასთან: მანამდე უცნობი სცენები ბლოკბასტერული ფილმის ადაპტაციაში![1]
სიუჟეტის შეჯამება[]
ეპიზოდი VIII, ნაწილი II უკანასკნელი ჯედაი
პირველი ორდენი ზეობს რესპუბლიკის განადგურების შემდეგ. უზენაესი მეთაური სნოუკი თავის ლეგიონებს გალაქტიკის დასაპყრობად და გენერალ ლეია ორგანას წინააღმდეგობის მებრძოლთა დასამხობად აგზავნის.
მაგრამ ლეია უკანასკნელი ბრძოლის შემდეგ კვლავ უძლურია და ვიცეადმირალი ჰოლდო შემცირებულ ფლოტს სათავეში უდგება. ფინს და რეის პირველი ორდენის ჰიპერსივრცული სათვალთვალო მოწყობილობის გასათიშად და გადარჩენილთა გაქცევის უზრუნველსაყოფად დრო ეწურებათ.
ამასობაში ყოფილი ოსტატი ჯედაი ლუკ სკაიუოკერი ახალგაზრდა რეისთვის ძალის შესწავლაზე კვლავ უარს ამბობს, გრძნობს რა, რომ რეიში დაბუდებული სიბნელე შეიძლება დაეუფლოს მას — ისევე, როგორც ერთ დროს მის დიშვილ კაილო რენს. რეის და კაილოს უცნაური კავშირი კი უფრო ძლიერდება....
