ფაივსი

„ფაივსი“
კს-5555

ბიოგრაფიული ინფორმაცია

წარმოშობა

კამინო^[1]

აღსასრული

19 იბ,^[2] კორუსანტი^[3]

გარეგნობა

თვალები

თაფლისფერი^[5]

კანი

მუქი^[5]

ქრონოლოგიური და პოლიტიკური ინფორმაცია

კავშირი

გალაქტიკური რესპუბლიკა^[4]
- რაზმი „დომინო“^[4]
- სადგურ „რიშის“ ქვედანაყოფი^[5]
- 501-ე ლეგიონი^[7]

„ვიღაც მორიგი რიცხვი არ ვარ! არც ერთი ჩვენგან!“

―ფაივსი^[8]

ფაივსი, აგრეთვე ცნობილი ნომრებით კს-5555, კს-27-5555 და რეკ-5555, იყო კლონი სამხედრო, რომელიც მსახურობდა რესპუბლიკის დიადი ჯარის რიგებში, კლონების ომების დროს. ზედმეტსახელი მიიღო კლონის ნუმერაციის გამო.

თავდაპირველად კს-5555 იყო უბრალოდ კლონი კადეტი, რომელიც წვრთნას კამინოზე გადიოდა და სამხედროს რანგში მსახურობდა რაზმ „დომინოს“ შემადგენლობაში. სეპარატისტების თავდასხმისას იგი რესპუბლიკურ ავანპოსტზე იმყოფებოდა. იგი, ადგილობრივი რაზმიდან ორი ცოცხლად დარჩენილიდან ერთ-ერთი, გადავიდა 501-ე ლეგიონში. კამინოს დაცვის შემდეგ შეუერთდა ელიტურ რესპუბლიკურ კომანდოებს ექო-სთან ერთად, რომელიც მასსავით რიშისთან დატრიალებულ ამბებს გადაურჩა.

გენერალ ჯედაი ივენ პიელის დაჭერის შემდეგ ფაივსი ჯედაებთან და კლონებთან ერთად ჩავიდა ლოლა-საიუზე, სადაც გენერლის ციტადელიდან გადარჩენას შეეცადა. ამ ოპერაციისას პიელი დაიღუპა, ხოლო ექო გაუჩინარდა და დაღუპულად ითვლებოდა. ფაივსი და სხვა ცოცხლად დარჩენილები გენერალმა ჯედაიმ, პლო კუნმა იხსნა. ომის მსვლელობისას, უფრო მოგვიანებით, ფაივსი მონაწილეობდა უმბარას ბრძოლაში. ამ კამპანიისას მნიშვნელოვანი წვლილი შეიტანა უმბარანთა საჰაერო ბაზის აღებაში და სეპარატისტთა ხომალდის განადგურებაში. მოგვიანებით კლონებმა აღმოაჩინეს, რომ მათი გენერალი, ბესალისკი ოსტატი ჯედაი პონგ კრელი რესპუბლიკას ღალატობდა და კლონები ერთმანეთს გადაჰკიდა. შედეგად ფაივსი ჩაება დაცემულ ჯედაისთან ბრძოლაში.

რინგო-ვინდას აღების მცდელობისას ფაივსმა თავად იხილა, თუ როგორ მოკლა კს-5385-მა გენერალი ჯედაი ტიპლარი. მთელი რიგი მოვლენების დროს კლონების პროტოკოლი 66 შეცდომით ამოქმედდა. ფაივსმა აღმოაჩინა შემაკავებელი ბარათი, რომლითაც დაგეგმილი იყო ჯედაების ორდენის განადგურება, ისევე, როგორც ამ ჩანაფიქრთან უზენაეს კანცლერ შივ პალპატინის კავშირი. მას შემდეგ, რაც პალპატინმა მას დააბრალა, თითქოს იგი დაქირავებული მკვლელი იყო, ფაივსმა სცადა ანაკინ სკაიუოკერის და კაპიტან კს-7567-ის („რექსის“) გართხილება, მაგრამ მას ამ ჩანაფიქრის განხორციელებაში ხელი შეუშალეს მეთაურმა კმ-1010-მა („ფოქსმა“) და კორუსანტის გვარდიის მოიერიშე სამხედროებმა შეუშალეს. მართალია, ფაივსი დაიღუპა, სანამ სხვებისთვის სიმართლის თქმა მოასწრო, ბრძანება 66 ყველა კლონს არ შეუსრულებია. სულ მცირე, სამმა კლონმა — რექსმა, კმ-3636-მა („ვოლფმა“) და კმ-5576-39-მ („გრეგორმა“) შეძლეს ბარათებისგან პროტოკოლის ამოქმედებამდე გათავისუფლება. ამრიგად, მათ ჯედაებს არ უღალატეს იმ დროს, როდესაც მთელი ჯარი გალაქტიკური რესპუბლიკის დამხობაში მონაწილეობდა.