შმი სკაიუოკერ ლარსი, აგრეთვე შმი სკაიუოკერი, იყო ადამიანი, რომელიც ტატუინზე მონობაში იცხოვრა. ამ პერიოდში მან შობა შვილი, რომელსაც ანაკინი დაარქვა. იავინის ბრძოლამდე 32 წელს მის ბავშვს შემთხვევით შეხვდა მაგისტრი ჯედაი კუაი-გონ ჯინი. აღმოჩნდა, რომ ბავშვი ძალის მეტად მგრძნობიარე იყო. შმისგან ჯინმა შეიტყო, რომ ანაკინის ჩასახვისას მეორე პირი, მამა, არ ყოფილა, რაც ნიშნავდა, რომ იგი მიდი-ქლორიანებით ჩაისახა. ჯინმა ანაკინი წაიყვანა ჯედაების ტაძარში, კორუსანტზე და წარუდგინა ჯედაების უზენაესი საბჭოს წევრებს. მისი აზრით, ანაკინი რჩეული იყო, რომლის შესახებ წინასწარმეტყველებები არსებობდა.
მას შემდეგ, რაც ანაკინმა დატოვა ტატუინი და დაიწყო ჯედაების ხელოვნების ათვისება, შმიმ იქორწინა კლიგ ლარსთან, რომელმაც იგი ტყვეობიდან გაათავისუფლა. შმი ამრიგად გახდა კლიგის შვილის, ოუენ ლარსის დედინაცვალი. სეპარატისტული კრიზისის პერიოდში, იავინის ბრძოლამდე 22 წელს შმი გაიტაცეს და აწამეს ტასკენებმა. ანაკინი ამ დროს ტატუინზე იმყოფებოდა როგორც პადავანი, მაგრამ ვერ მოასწრო დედის გადარჩენა. განრისხებულმა, მან დახოცა ტასკენები (მათ შორის — ქალები და ბავშვები), ხოლო დედა დამარხა ლარსების ტენიანობის მომპოვებელ ფერმაზე. თავად ანაკინი მოგვიანებით გახდა რაინდი ჯედაი, ისევე, როგორც რესპუბლიკის გრანდ-არმიის გენერალი.
