შუქურა „ვარსკვლავური ნათების“ გაშვება

წინა

მისია ამაქსინების სადგურზე^[1]
ტრაგედია ვივოზე^[2]

შემდეგი

მისია მალაგას გროვაში^[3]

შუქურა „ვარსკვლავური ნათების“ გაშვება

თარიღი

232 იბ^[4]

ადგილი

შუქურა „ვარსკვლავური ნათება“, გარე რგოლის ტერიტორიები^[5]

შედეგი

შუქურა „ვარსკვლავური ნათება“ გაშვებულია გარე რგოლში იმედის სიმბოლოს სახით^[5]

მონაწილე ძალები

მონაწილეები

„ეს სადგური იქცევა გარე რგოლში რესპუბლიკის სიმბოლოდ. ადგილად, სადაც ჩვენს კავშირს ავღნიშნავთ და ერთმანეთს მის განვითარებაში დავეხმარებით. იგი გაგზავნის სიგნალს, რათა ამ სექტორში ნებისმიერმა ნებისმიერ დროს მიიღოს. შუქურა. რესპუბლიკის შუქურა. ხმა...იმედისა.“

―უზენაესი კანცლერი ლინა სო^[5]

შუქურა „ვარსკვლავური ნათების“ გაშვება, უზენაეს კანცლერ ლინა სოს დიდი სამუშაოების დაგვირგვინება, იყო ღონისძიება, რომლის ფარგლებში გაუშვეს შუქურა „ვარსკვლავური ნათება“. ჩაფიქრებული, როგორც გალაქტიკური რესპუბლიკის იმედისა და მშვიდობის სიმბოლო გარე რგოლის ტერიტორიებში, კოსმოსური სადგური ასახავდა ყველაფერს, რისთვისაც სოს ადმინისტრაციას უნდა ებრძოლა. ეს ცერემონია კინაღამ გადაიდო, მას შემდეგ, რაც დიდი კატასტროფის და მისი წარმონაქმნების, ნიჰილი მარადიორების მიერ გამოწვეული ჰიპერსივრცული კატასტროფების შეშდეგ კანცლერის განკარგულებით გარე რგოლში სავაჭრო მარშრუტები დაიკეტა. ამ პერიოდში შუქურა არაფორმალურად გაიხსნა, რათა ტრაგედიის შედეგად დაზარალებულებისთვის სამედიცინო დახმარება გაეწიათ. მას შემდეგ, რაც გაერთიანებულმა ოპერატიულმა ჯგუფმა რესპუბლიკის თავდაცვის კოალიციასა და ჯედაებზე თავდასხმა განახორციელა, ფორმალური გაშვება დაგეგმილის შესაბამისად გაიმართა^[5] იავინის ბრძოლამდე 232 წელს.^[4]

ცერემონიას ესწრებოდნენ გალაქტიკის სხვადასხვა კუთხეებიდან მოვლენილი დელეგატები, მათ შორის — ჯედაების ორდენის წევრები. სიტყვით გამოვიდნენ თავად უზენაესი კანცლერი^[5], ისევე, როგორც ოსტატი ჯედაი ევარ კრისი, დიდი ოსტატების, ვეტერის და იოდას მიერ დანიშნული სადგურის მარშალის თანამდებობაზე. გაშვება იმით დასრულდა, რომ ყოველმა ჯედაიმ საკუთარი სინათლის მახვილი ვარსკვლავებისკენ აღმართა, რაც სიმბოლურად აღნიშნავდა ნათებას, რომელსაც შუქურა რესპუბლიკის მასშტაბით გაავრცელებდა.^[6] ცერემონიის შემდეგ, მცირე ხნის წინ ოსტატი ჯედაის რანგში აყვანილ ელზარ მენს ჰქონდა ძალის ხილვა, რომელშიც მან საკუთარი და სხვა ჯედაების დაღუპვა იხილა. ამრიგად, მისი განწყობა ჩაანაცვლა შიშმა.^[5]