წინააღმდეგობა

სხვა მნიშვნელობებისთვის იხილეთ წინააღმდეგობა.

წინააღმდეგობა

ძირითადი ინფორმაცია

ტიპი

შეიარაღებული წინააღმდეგობრივი მოძრაობა^[1]

დამაარსებელი

გენერალი ლეია ორგანა^[2]

მეთაური

გენერალი ლეია ორგანა^[2]
ვიცეადმირალი ემილინ ჰოლდო^[3]
წინააღმდეგობის უმაღლესი სარდლობა^[4]

ქვეჯგუფ(ებ)ი

შავი ესკადრილია^[5]
კოლოსის წინააღმდეგობა^[6]
ღრმა წვდომა^[7]
ხენჯის ესკადრილია^[8]
წინააღმდეგობის ინჟინრების კორპუსი^[9]
სახმელეთო ლოჯისტიკური დანაყოფი^[10]
რაზმი "ინფერნო"^[11]
მონ-კალას მონარქია^[12]
წინააღმდეგობის დაზვერვა^[13]
წინააღმდეგობის შეიარაღებული ძალები^[10]
წინააღმდეგობის ჯაშუში დროიდების ქსელი^[14]
რაილოტის თავდაცვის ორგანო^[8]

შტაბ-ბინა

წინააღმდეგობის ბაზა, დ'ქარი^[2]
კრეიტის ავანპოსტი, კრეიტი^[2]
LX-რობინსან V, რეამა^[15]
წინააღმდეგობის ბანაკი, ანოატი^[16]
შავი შპილის ნანგრევები, ბატუუ^[17]
აჯან-კლოსი^[18]

ისტორიული ინფორმაცია

ჩამოყალიბდა

ახალი რესპუბლიკის თავდაცვის ძალები^[10]

ჩამოყალიბების თარიღი

28 იბშ^[19]

წინააღმდეგობა იყო მცირე შეიარაღებული მოძრაობა, რომელიც ლეია ორგანამ პირველი ორდენის წინააღმდეგ საბრძოლველად დააარსა. იგი შთაგონებული იყო რესპუბლიკის აღდგენის ალიანსით, გალაქტიკური სამოქალაქო ომის მიწურულს, როდესაც ახალი რესპუბლიკის ინიციატივით ხელი მოეწერა სამხედრო განიარაღების დოკუმენტს — მას შემდეგ, რაც გალაქტიკური იმპერიის ნარჩენებთან გაფორმდა გალაქტიკური შეთანხმება. ორგანას მიაჩნდა, რომ იმპერია, რომელიც უცნობ რეგიონებში იმალებოდა, კვლავ საფრთხეს წარმოადგენდა. როდესაც მისი ფერფლიდან პირველი ორდენი აღმოცენდა, ლეიამ რესპუბლიკას მიმართა და ამ საშიშროების შესახებ ესაუბრა. თუმცა, მას არავინ ენდობოდა და შეშლილადაც მიაჩნდათ. გალაქტიკური სენატის რიგებში მისი სახელი ისედაც შეილახა, როდესაც ცნობილი გახდა, რომ მამამისი დართ ვეიდერი იყო. მომძლავრებული ცენტრისტების ფრაქციის დიდი ნაწილს, ამასთან, პირველ ორდენთან კავშირი ჰქონდა. ამრიგად, ორგანამ ღიად ჩამოაყალიბა წინააღმდეგობა, რათა ახალ საფრთხეს დაპირისპირებოდა.

პირველ ორდენთან დაპირისპირების პერიოდში წინააღმდეგობას იმედი ჰქონდა, რომ მათ დაეხმარებოდა ოსტატი ჯედაი ლუკ სკაიუოკერი. დიდი ბრძოლისას მათ გაანადგურეს მოწინააღმდეგეთა კუთვნილი ბაზა „სტარკილერი“, სუპერიარაღი, რომელმაც მანამდე მთელი ნოსნიური სისტემა გააცამტვერა და, მასთან ერთად, გალაქტიკური სენატიც, რომელიც, ბრმად, მოთმინებით ეპყრობოდა პირველი ორდენის ქმედებებს. ბაზა ბაზა „სტარკილერზე“ დარტყმა წარმატებით განხორციელდა. მოგვიანებით წინააღმდეგობამ მაინც მიაგნო სკაიუოკერს.

თუმცა, გამარჯვება ხანმოკლე აღმოჩნდა. პირველი ორდენის მხრიდან კონტრშეტევისას და დევნისას წინააღმდეგობის შეიარაღებული ძალები და ტექნიკა მეტწილად განადგურდა. თუმცა, წინააღმდეგობამ შეძლო და კრეიტის ბრძოლისას გაექცა პირველ ორდენს და დაიწყო ძალების აღდგენა.