- „იმის ნახევარი რომ მეამბა შენთვის, რაც ამ ჰატ ჯაბაზე გამიგონია, ალბათ, მოკლე ჩართვა დაგემართებოდა!“
- ―C-3PO
ჯაბა დესილიჯიკ ტიურე, უფრო მეტად ცნობილი როგორც ჰატი ჯაბა ან ჯაბა, ფორმალურად — მისი აღმატებულება ჯაბა დესილიჯიკ ტიურე ნალ-ჰატადან, ტატუინის უზენაესობა, იყო ჰატი განგსტერი და კრიმინალური ლორდი, ისევე, როგორც ჰატების დიადი საბჭოს და ჰატების კლანის გავლენიანი წინამძღოლი, რომელიც გარე რგოლის პლანეტა ტატუინზე მდებარე საკუთარი სასახლიდან მართავდა საკუთარ კრიმინალურ იმპერიას. ტატუინზე იგი მნიშვნელოვან ფიგურას წარმოადგენდა, ვინაიდან მართავდა მეკობრეობის და მონობის სფეროებს, ისევე, როგორც არალეგალური ნაწარმის გადაზიდვას, რითაც პლანეტა საზრდოობდა. ჯაბას აგრეთვე დიდი გავლენა ჰქონდა მთელ გარე რგოლში როგორც ერთ-ერთ დიდ კრიმინალურ ლორდს.
კლონთა ომების ჯაბას მოქმედებებს გარე რკალში, განსაკუთრებით მის ჰიპერბილიკზე, თვალს ადევნებდნენ როგორც გალაქტიკური რესპუბლიკა, ასევე დამოუკიდებელი სისტემების კონფედერაცია, რომლებიც მისი კეთილგანწყობის მოპოვებას ცდილობდნენ. როდესაც როტა, ჯაბას ვაჟი, გაიტაცეს, კრიმინალურმა ლორდმა დახმარება აღუთქვა ნებისმიერს, ვინც პატარას დაუბრუნებდა. როდესაც აღმოჩნდა, რომ გატაცება სეპარატისტების ნამოქმედარი იყო, ჯაბა რესპუბლიკის მხარეს დადგა.
გარე რკალის მართვა ჰატმა კლონთა ომების დასრულების და გალაქტიკური იმპერიის აღზევების შემდეგ განაგრძო. ძალაუფლება მან შეინარჩუნა გალაქტიკური იმპერატორის, დართ სიდიუსის არსებობის მიუხედავად. ამბოხებულთა ალიანსის მიერ სიკვდილის ვარსკვლავის განადგურების შემდეგ იმპერატორმა დართ ვეიდერი გააგზავნა ჯაბასთან მოსალაპარაკებლად, რათა ჰატს იმპერიული შეიარაღებული ძალების აღჭურვისთვის მიეწოდებინა სხვადასხვა დასამუშავებელი მასალა. ჯაბას იმპერიასთან ალიანსმა ეს და სხვა ჰატებიც გარე რკალში იმპერიის თავდასხმებისას გადაარჩინა და მოარიდა მეტოქეები.
მას შემდეგ, რაც ჰან სოლომ ჯაბას ვერ აუნაზღაურა დანაკარგი დაკარგული ტვირთის გამო, ჰატმა პილოტის სანაცლოდ ჯილდო დააწესა. როგორც საჩუქარი დართ ვეიდერისგან, კარბონიტში გაყინული სოლო ჰატს მიუყვანა ჯილდოზე მონადირე ბობა ფეტმა. თუმცა, ამის გამო ჯაბას დაუპისპირდა რაინდი ჯედაი ლუკ სკაიუოკერი, რომელმაც მეგობრის ტყვეობიდან გადარჩენა გადაწყვიტა. ჯედაისა და მის მოკავშირეთა კარკუნის დიდ ორმოში სიკვდილით დასჯის აღსრულებისას ჰატი ჯაჭვით გაგუდა ლეია ორგანამ. ვინაიდან დარჩენილმა ჰატებმა ვერ გაიყვეს მისი, როგორც კრიმინალური ლორდის დახტი, ჯაბას მრავალი მონა (მაგალითად, ნიკტოები) გათავისუფლდა და სასახლე დაიკავა ყოფილმა მაჟორდომომ, ბიბ ფორტუნამ, რომელიც, როგორც დაიმიო, ტატუინს მართავდა ფეტის დაბრუნებამდე. ბობამ მოკლა ფორტუნა და მისი ადგილი დაიკავა, აპირებდა რა ჯაბას კრიმინალური იმპერიის საკუთარი ხედვით ჩამოყალიბებას და მართვას არა შიშით, რომელსაც ჰატი თავის ქვეშევრდომებში თესავდა, არამედ პატივისცემით.
გამოჩენები[]
არაკანონიკური გამოჩენები[]
წყაროები[]
შენიშვნები და სქოლიო[]
- ↑ ვარსკვლავური ომები: კონტრაბანდისტის ცნობარი
- ↑ როგორც აღწერილია წიგნში ვარსკვლავური ომები: აბსოლუტურად ყველაფერი, რაც უნდა იცოდეთ, ჯაბა დაღუპვის დროისთვის იყო 604 წლის. ვინაიდან ვარსკვლავური ომები: გალაქტიკური ატლასი უთითებს, რომ ფილმის ვარსკვლავური ომები, ეპიზოდი VI: ჯედაის დაბრუნება (რომელშიც ნაჩვენებია ჰატის დაღუპვა) მოვლენათა განვითარების დროა 4 იბშ, ვასკვნით, რომ ჯაბას დაბადების წელია 600 იბ.
- ↑ ვარსკვლავური ომები: გალაქტიკური ატლასი
- ↑ 4.0 4.1 ახალი იმედი
- ↑ 5.0 5.1
ჰატი ჯაბა Databank-ში (შენახული ვერსიის ბმული)
- ↑ 6.0 6.1 ვარსკვლავური ომები: აბსოლუტურად ყველაფერი, რაც უნდა იცოდეთ
- ↑ 7.0 7.1 7.2 ჯედაის დაბრუნება
- ↑ 8.0 8.1
ვარსკვლავური ომები: კლონთა ომები – მზაკვრული გეგმები
- ↑ სრული ვარსკვლავური ომები
- ↑
ვარსკვლავური ომები: კლონთა ომები – ამაღლება
