ჯერემოქ კოლტონი

სხვა მნიშვნელობებისთვის იხილეთ კოლტონი.

კაპიტანი ჯერემოქ კოლტონი იყო მამაკაცი, ალდერაანული ვარსკვლავური ხომალდების, ტანტივი III-ის და ტანტივი IV-ის (ორგანას სახლის წარმომადგენელ სენატორ ბეილ ორგანას კორვეტების) პილოტი. იგი გამორჩეული და უჩვეულო პილოტი იყო, რომელიც ასრულებდა ხომალდების ოფიცრის, კაპიტან რეიმუს ანტილესის მრჩევლის როლს.

იავინის ბრძოლამდე 19 წელს, კლონების ომების უკანასკნელ დღეს, კოლტონი პლანეტა კორუსანტის მახლობლად მართავდა "ტანტივი III"-ს. ორგანამ ხომალდით ბრძანება 66-ის გაცემის შემდეგ გადაარჩინა მეგობარი ჯედაები, დიდი ოსტატი იოდა და ოსტატი ობი-ვან კენობი. როდესაც ეს სამი უკვე იმყოფებოდა ხომალდზე, კოლტონმა ორგანას ამცნო, რომ ვიცეკანცლერ მას ამედასგან გზავნილი მიიღო. მოგვიანებით მან იოდა და ორგანა ჩაიყვანა პოლის-მასას ასტეროიდულ ველზე, საიდანაც იოდა უკვე სლუისის სექტორისკენ გაემგზავრა.

კოლტონი კვლავ მსახურობდა ბეილ ორგანასთან და მის შვილთან, ლეია ორგანასთან, როდესაც "ტანტივი IV" იავინის ბრძოლამდე 0 წელს ტატუინთან შეიპყრეს. კოლტონი, როგორც რესპუბლიკის აღდგენის ალიანსის წევრი, დააპატიმრეს და იგი მოხვდა აკრესკერის ციხეში, მობილურ იმპერიულ ციხეში. იავინის ბრძოლიდან 3 წელს კოლტონს ეწვია სავა მედლინ სანი, რომელმაც ფიქრების დაუსერის მეშვეობით გამოსტყუა იოდას ადგილსამყოფელი.