სხვა მნიშვნელობებისთვის იხილეთ სინდულა.

ჰერა სინდულა იყო რევოლუციონერი ტვი'ლეკი, იმპერიის წინააღმდეგ ადრეული ამბოხების ერთ-ერთი გმირი, რესპუბლიკის აღდგენის ალიანსის თანაშემქმნელი. რაილოთზე დაბადებული ჰერა, ჩამ სინდულას ასული, რომლის ძმა ადრეულ ასაკში დაიღუპა, გახდა კლონთა ომების საზარელი შედეგების და მისი მშობლიური პლანეტის იმპერიის მიერ დაპყრობი მოწმე. მან აითვისა მფრინავის ხელოვნება და პლანეტა დატოვა, მოგზაურობდა რა გალაქტიკაში და ცდილობდა საკუთარი წინააღმდეგობის მოძრაობის ჩამოყალიბებას. მას მნიშვნელოვნად დაეხმარა საკუთარი ხომალდი, აჩრდილი. გორსის კონფლიქტისას მას შუერთდა კენან ჯარუსი, ჯედაი, რომელიც გადაურჩა ბრძანება 66-ს და შემდგომში გახდა მისი შეყვარებული და მისი შვილის მამა. გუნდში, რომელიც სინდულამ ჩამოაყალიბა და ლოთალზე მისია შეასრულა, თავდაპირველად შედიოდნენ მანდალორელი საბინ რენი, ლასატი გარაზებ ორელიოსი, სინდულას ასტრომექანიკოსი დროიდი ჩოპერი და პადავანი ეზრა ბრიჯერი.

სინდულას მიერ ლოთალზე დაწყებულმა ამბოხებამ მიიქცია იმპერიულ მმართველთა ყურადღება — როგორც გრანდ-მოფ უილჰაფ ტარკინის, ასევე სით ლორდ დართ ვეიდერის, თუმცა ამ მოძრაობით აგრეთვე დაინტერესდა სენატორი ბეილ პრესტორ ორგანა, რომელიც ცდილობდა გალაქტიკაში არსებული ამბოხებულთა ჯგუფების კოორდინირებას. ასეთ ჯგუფებს შორის იყო ჯგუფი "ფენიქსი", რომელსაც სინდულა და მისი გუნდი შეუერთდნენ იავინის ბრძოლამდე 4 წელს. ჰერა მოგვიანებით გახდა ამ ჯგუფის მეთაური და ვარსკვლავური საბრძოლო ხომალდებით რამდენიმე მნიშვნელოვანი ოპერაცია აწარმოა. იავინის ბრძოლამდე 2 წელს ეს ჯგუფი, ერთ-ერთი პირველი, შეუერთდა ამბოხებულთა ალიანსს. მათი ძალები ატოლონის ბრძოლისას შეასუსტა გრანდ-ადმირალმა თრონმა და სინდულა ალიანსს ეხმარებოდა ამბოხებულთა ახალი შტაბ-ბინის დაარსებაში, პლანეტა იავინ-4-ზე.

მოგვიანებით სინდულას მიენიჭა გენერლის წოდება. იგი ამბოხებულთა ალიანსში გალაქტიკური სამოქალაქო ომის მოვლენების დროს კვლავ მსახურობდა და ენდორზე ალიანსის ტრიუმფალური გამარჯვებისას იმყოფებოდა. მანამდე მას კენანისგან ეყოლა შვილი, ჯეისენ სინდულა.

გამოჩენები[edit | edit source]

არაკანონიკური გამოჩენები[edit | edit source]

შენიშვნები და სქოლიო[edit | edit source]

Community content is available under CC-BY-SA unless otherwise noted.