რა არის ეს ვიკიპროექტი
 თქვენ წინაშეა ვარსკვლავური ომების სამყაროსადმი მიძღვნილი მოხალისეობრივი ქართუნელოვანი ვიკი „ჰოლოპედია“, წამოწყებული 2014 წელს. ვრცელი განმარტება იმაზე, თუ რა გეგმები და მიზნები აქვს პროექტს, შეგიძლიათ იხილოთ ამ ბმულზე. ამჟამად ენციკლოპედია ვარსკვლავური ომების და დაკავშირებული მედიაპროექტებისა თუ ნამდვილი სამყაროს საკითხების შესახებ აქტიურ დამუშავებას გადის. აქ განიხილება როგორც ამჟამად კანონში არსებული, ასევე ლეგენდებში (ყოფილ ვარსკვლავური ომების გაფართოებულ სამყაროში) გადატანილი თემები. აღსანიშნავია, რომ ვიკიში მუშაობა მიმდინარეობს ორივე აღნიშნული მიმართულებით მასალებზე და რომელიმე მათგანი გამორჩეული უპირატესობით არ სარგებლობს. საგულისხმოა ისიც, რომ ჰოლოპედია არ არის სადისკუსიო კლუბი და აქ არ განვიხილავთ ფილმების და სხვა მასალის უარყოფით თუ დადებით მხარეებს. ენციკლოპედიის მთავარი დანიშნულება მხოლოდ მკითხველისთვის ნეიტრალური ენით გადმოცემული ინფორმაციის მიწოდებაა. თუკი ვიკის თვალს შეავლებთ, შეამჩნევთ, რომ სტატიების დიდი ნაწილი დღეისთვის შედგება მხოლოდ შესავალისგან, რომელშიც მოკლედ არის აღწერილი პერსონაჟები, ადგილმდებარეობები, ნივთები თუ სამყაროს შიდა სხვა საკითხები. ამ დროისთვის პროექტი შედგება 7,507 ვრცელი ან მოკლე გვერდისგან (თუკი გსურთ, იხილოთ ნებისმიერი მათგანი, დააწკაპუნეთ აქ). კარგი ამბავი ის არის, რომ ენციკლოპედიაში წვლილის შეტანა თქვენც შეგიძლიათ — ჩვენთან ამჟამად დასაწერია უამრავი სტატია, ამისთვის კი რედაქტორების მცირე რაოდენობა საკმარისი არ არის. ვიკიში მუშაობა, როგორც უკვე ნახსენებია, მოხალისეობრივია. აბა, ვნახოთ...თქვენთვის ნაცნობია ვიკისისტემასთან მუშაობა? შეგიძლიათ, პასუხისმგებლობით მოეკიდოთ წერისას ტექსტის გამართულად შედგენას და ფლობთ თვითკრიტიკის უნარს, რომელიც დაგეხმარებათ, დახვეწოთ სტატიებზე მუშაობის სტილი? გაინტერესებთ ვარსკვლავური ომების უფრო მეტი მხარე, ვიდრე უბრალოდ რამდენიმე ფილმი? და ბოლოს — გაქვთ საშუალება, ვიკის კვირაში ან თვეში რამდენიმე სტატია დაამატოთ, საწყისი ტექსტით? მაშინ, შემოუერთდით პროექტს! როგორც ვიკის ადმინისტრატორი, ვიმედოვნებ, რომ ჰოლოპედია ნებისმიერი მკითხველისთვის სასარგებლო და საინტერესო იქნება. |
რა არის ახალი    
|
რა მოხდა ამ დღეს
|