0-0-0

ამ სტატიაში ან გვერდზე აღწერილია პროტოკოლური დროიდი. იხილეთ აგრეთვე პლანეტა კორუსანტი, რომლის გალაქტიკური კოორდინატები იყო 0,0,0, ან ლეგენდების რომანი რესპუბლიკის კომანდო: სამი ნული.

0-0-0

წარმოება

განადგურდა

0 იბშ ან მოგვიანებით, მორაბანდი^[1] (მოგვიანებით აღდგენილი)^[2]
დაახლ. 1 იბშ^[3] მილვეინი^[4] (მოგვიანებით აღდგენილი)^[5]
3 იბშ,^[6] ტაითონი (მოგვიანებით აღდგენილი)^[7]
3 იბშ—4 იბშ,^[8] გელიოსი^[9] (მოგვიანებით აღდგენილი)^[10]

შემქმნელი

0-0-0-ის შემქმნელი^[11]

მწარმოებელი

კიბოტ გალაქტიკა (შასი)^[12]

მოდელი

მოდიფიცირებული სერია 3PO-ს პროტოკოლური დროიდი^[12]

კლასი

პროტოკოლური დროიდი^[13]

ტექნიკური დეტალები

სიმაღლე

1.7 მეტრი^[14]

სქესი

მამრობითი დაპროგრამება^[13]

ნაცვალსახელები

He/him^[15]
It/its^[13]^[23]

სენსორების ფერი

წითელი^[13]

ძირითადი ფერები

მუქი ნაცრისფერი^[13]

იარაღი

შხამით სავსე შპრიცი^[13]
- მანდალორული ქსენოტოქსინის 500 მილიგრამი^[16]
- შხამიანი კომპლექტი^[12]
პროტონული მუხტი^[12]
სკალპელები^[13]

ხელსაწყოები

სამი-ნულის პიროვნების პროტოკოლური მატრიცა^[13]
საკომუნიკაციო მოდული „ტრანენა III“^[17]
საღებავის პულვერიზატორი^[16]

ქრონოლოგიური და პოლიტიკური ინფორმაცია

კავშირი

გალაქტიკური იმპერია^[13]
- ტარკინის ინიციატივა^[13]
აფრას გუნდი^[13]
სითების ორდენი^[18]
სონ-ტუულის პრაიდი^[19]
სანა სტაროსის გუნდი^[20]
მარადიული ნაპერწკალი^[21]
რაზმი D^[22]

„მე ვარ 0-0-0 ანუ სამი-ნული. მე ვარ პროტოკოლური დროიდი, რომლის სპეციალიზაციაა ეტიკეტი, წესები, თარგმნა და წამება, მემ.“

―0-0-0 წარუდგენს თავს დოქტორ აფრას^[13]

0-0-0, ან უბრალოდ სამი ნული, იყო პროტოკოლური დროიდი, რომლის სპეალიზაციებს შორის იყო ეტიკეტი, ადათები, თარგმანი და წამება. იგი აამოქმედეს დოქტორმა აფრამ და სითმა ლორდმა დართ ვეიდერმა. მათთან ერთად 0-0-0-მა განაგრძო სხვადასხვა მისიის შესრულება კიდევ ერთი ერთი დროიდის და მისი თანაშემწის, BT-1-ის მონაწილეობით. მოგვიანებით, როდესაც აფრამ დაღუპვა გაითაშა, ორმა დროიდმა გალაქტიკაში მოგზაურობა მის გარეშე განაგრძო.

დროიდი აფრას და მის მამას თან ახლდა, როდესაც ისინი იკვლევდნენ ორდუ ასპექტუს, რამაც ისინი მიიყვანა რურის კრისტალთან, ხელოვნური გონების, მარადიული რურის მატარებელ არტეფაქტთან. რურის ტექნოპათიური უნარებიდან სარგებლის მისაღებად აფრამ წამოიწყო აუქციონი, თუმცა 0-0-0-მა ღონისძიება ჩაშალა და მეტი თავისუფლების მისაღებად აფრა დააშინა. ამის შემდეგ მან იქაურობა დატოვა კრიმინალურ ლორდ იონაკთან ერთად, თავად როდიანი დაამხო და სინდიკატ სონ-ტუულის პრაიდის წინამძღოლი გახდა.

0-0-0-მა აფრა დაიმორჩილა და აიძულა, აღედგინა ტარკინის ინიციატივის ბაზა „ნაყარ-1“-ზე მიღებული ცოდნა. სონ-ტუულის პრაიდის შტაბზე იმპერიელთა თავდასხმის შემდეგ გაქცეულმა დროიდმა დაადგინა, რომ აფრამ დაშიფტა მონაცემების მატარებელი დოკუმენტი. ამის გამო იგი მას აკრესკერის ციხემდე დაედევნა, სადაც ორივე გააბრუა დოქტორმა კორნელიუს ევაზანმა. დროიდს მან, გართობის მიზნით, ჩაუნერგა ასაფეთქებელი, დაკავშირებული აფრას დეტონატორთან.

აფრა და 0-0-0 ჩავიდნენ მილვეინზე, იმ იმედით, რომ იგი ასაფეთქებლებს ქირურგის დახმარებით მოიცილებდნენ. მას შემდეგ, რაც მათ დაეხმარა რაჯამ ნასი, დროიდმა იგი მოკლა, ვინაიდან ჩათვალა, რომ იგი უკვე გამოუდეგარი იყო. მაგრამ აფრამ ისიც დაადგინა, რომ სინამდვილეში, ნასმა ვერაფერი შეცვალა და ასაფეთქებლები კვლავ მოქმედი იყო და მეტიც — საათის მექანიზმზე გადაყვანილი.

ნასის დამრიგებელ პროფესორ პრექსოს საძიებლად 0-0-0 აფრასთან ერთად გაემგზავრა მილვეინის ქვედა ქალაქში, სადაც კვლავ იპოვა BT-1. თუმცა იგი მწყობრიდან გამოიყვანა ობოლმა ვულაადა კლამმა. მილვეინის ხელისუფლების მიერ გასამართლების შემდეგ 0-0-0 აფრას გაქცევაში დაეხმარა.

აფრამ დროიდი შეაკეთა, მაგრამ ფარულად დაუყენა იონური იმპულსი, რომლის ამოქმედებით იგი სამუდამოდ განადგურდებოდა. საბოლოოდ, მან შეცვალა იმპულსის მოქმედების პრინციპი და 0-0-0-ისგან ნდობა დაიმსახურა. დროიდმა მას გადასცა ინფორმაცია მაგნა ტოლვანის შესახებ, რომელმაც, თავის მხრივ, მისი მოგონებები აღდადგნა. აფრას და 0-0-0-ის ასაფეთქებლები მწყობრიდან გამოიყვანა პრექსომ, რომელიც ევაზანს თავს დაესხა მონადირეებთან, უინლოსთან და ნოკთან ერთად. 0-0-0-მა ამის შემდეგ BT-1-თან ერთად აფრა მიატოვა.

მოგვიანებით დროიდები იპოვეს და მეხსიერება წაუშალეს იმპერიის ძალებმა. 0-0-0 ნაღმოსან „ჯალათზე“ დანიშნეს მოლაპარაკებების სპეციალისტად. იქ მან კვლავ იპოვა აფრა და დაეხმარა დართ ვეიდერის მოტყუებასა და მის პლანეტა ტაითონზე მოსროლაში. აფრამ ორივე დროიდი წაიყვანა გარე რგოლის პლანეტა ბირუკეიზე, სადაც მათი გზები კვლავ გაიყო. თუმცა, დროიდები უსაქმურად დარჩნენ, ვინაიდან მოსაკლავი ვერავინ ნახეს.

ორი მეგობრის მშვიდი განმარტოება დაარღვიეს ალისფერი გარიჟრაჟის მეომრებმა (რომლებიც მათ დახოცეს) და აფრას მეგობრების გუნდმა, რომელსაც დროიდების დახმარება სჭირდებოდა. დროიდები მათ შეუერთდნენ მარადიულ ნაპერწკალთან საბრძოლველად. თუმცა, არსებამ მათი გონება დაიმორჩილა. დროიდები ამაქსინების კოსმოსური სადგურის ბრძოლაში მონაწილეობდნენ და აფრას მოკავშირეებს დაუპირისპირდნენ.

მოგვიანებით ეს ორი, ოტ-ექვსთან ერთად, დართ ვეიდერზე შურისძიებაში მონაწილეობდა, თუმცა, როდესაც აშკარა იყო, რომ ვეიდერი უკვე იმარჯვებდა, მათ ოტ-ექვსს უღალატეს. სკორჯის გამოჩენის შემდეგ R2-D2 0-0-0-ს დაეხმარა BT-1-ის არსების გავლენისგან გათავისუფლებაში. ისინი მონაწილეობდნენ აღდგენილ რაზმ D-ში. 0-0-0 სხვა დროიდებთან ერთად სკორჯის განადგურებაში ჩაება. ამ ბრძოლაში მონაწილე მეომარ-ქურუმი დროიდი, აჯაქს სიგმა, მან გააფრთხილა, არ შეექმნა რამე საფრთხე მომავალში, წინააღმდეგ შემთხვევაში კი დაჰპირდა რაზმ D-სგან შესაბამის მოქმედებებს.