501-ე ლეგიონი, თავდაპირველად კლონების 501-ე ბატალიონი, მოგვიანებით ცნობილი როგორც 501-ე იმპერიული ლეგიონი და შტორმტრუპერთა 501-ე ლეგიონი – აგრეთვე ცნობილი როგორც "ვეიდერის მუშტი", იყო შტორმტრუპერთა ელიტური ლეგიონი, რომელსაც იმპერიული ეპოქის პერიოდში მეთაურობდა სითების ბნელი ლორდი დართ ვეიდერი. ეს ლეგიონი გალაქტიკურ იმპერიაზე უფრო ადრე შეიქმნა, კლონების ომების ეპოქაში, როდესაც წარმოადგენდა რესპუბლიკის დიადი არმიის კლონ სამხედროთა ძალების ბატალიონს. გენერალ ჯედაი ანაკინ სკაიუოკერის, მეთაურ ჯედაი ასოკა ტანოსა და კლონ მეთაურ კს-7567-ის ("რექსის") ხელმძღვანელობით, იგი დამოუკიდებელი სისტემების კონფედერაციის დროიდების სეპარატისტულ არმიას ებრძოდა. კონფლიქტის დროს ლეგიონის ჯარისკაცები გამოირჩეოდნენ სიმამაცით, უჩვეულო ტაქტიკით და გალაქტიკური რესპუბლიკისადმი ერთგულებით.
501-ე გალაქტიკის მასშტაბით სხვადასხვა ველზე იბრძოდა. მის აღსანიშნავ კამპანიებს შორის იყო ქრისტოფსისი, ჯეონოსისი და უმბარას ბრძოლები. ამ უკანასკნელის დროს სკაიუოკერი რესპუბლიკის დედაქალაქ კორუსანტში დაბრუნდა და მას ჩაენაცვლა გენერალი პონგ კრელი. კლონებისგან ფარულად იგი ძალის ბნელი მხარის მიმდევარი იყო და იცოდა რა ახალი წესრიგის მოახლოების შესახებ, რესპუბლიკის დასამხობ საქმიანობას ეწეოდა. 501-ე ლეგიონმა მის წინააღმდეგ აჯანყება მოაწყო, როდესაც გენერლის მხრიდან ღალატი დადგინდა. მეთაური ოფიცერის დაპატიმრების მცდელობისას მათ კიდევ რამდენიმე სამხედრო დაკარგეს, მაგრამ კრელი საბოლოოდ დაიჭირეს. ციხეში იგი სიკვდილით დასაჯეს.
501-ე ლეგიონთან დაკავშირებულმა ამ ამბავმა ჯედაების ორდენის წინააღმდეგ სითების შეთქმულებას ფარდა ოდნავ ახადა. რინგო-ვინდას ბრძოლაში კს-5385-მა ("სანგმა") მოკლა გენერალი ტიპლარი, რასაც მოჰყვა გამოძიება. აღმოჩნდა, რომ კლონი სამხედროს ტვინში ჩანერგილი იყო ქცევის მოდიფიცირების ბიოჩიპი. რესპუბლიკის ელიტური კომანდო კს-5555 ("ფაივსი") ამ საკითხის გამოძიებას ცდილობდა და დაადგინა, რომ ბარათები შეიმუშავეს კლონების მიერ მოკავშირე ჯედაების მოსაკლავად. ამ აღმოჩენით შეძრწუნებულმა, მან ყველაფერი უამბო სკაიუოკერსა და რექსს, მაგრამ ვერავინ დაარწმუნა. იგი კორუსანტის გვარდიის კლონი მოიერიშე სამხედროებთან შეტაკებისას დაიღუპა.
კლონების ომების უკანასკნელ დღეს სკაიუოკერმა 501-ე გაანაწილა და შექმნა მისი 332-ე დივიზია. ისიც და 332-ე ასეულიც მანდალორზე გაემგზავრნენ. მეთაურ რექსისა და ყოფილ მეთაურ ტანოს წინამძღოლობით დივიზიამ დაამრცხა მანდალორელი სუპერკომანდოები და დააპატიმრა მათი წინამძღოლი, ყოფილი სითი შეგირდი მოლი. როდესაც ტანო და სამხედროები მოლთან ერთად კორუსანტისკენ ბრუნდებოდნენ, უზენაეს კანცლერ შივ პალპატინის — ფარულად სით ლორდ დართ სიდიუსის — განკარგულებით გაიცა ბრძანება 66 და დაიწყო ჯედაების დიდი წმენდა, რომლის დროს სამხედროებმა უღალატეს ოფიცერ ჯედაებს. მართალია, 501-ე ლეგიონმა ვერ სეძლო ტანოს მოკვლა, ლეგიონის დანარჩენი სამხედროები ჯედაების ტაძარი ალყაში მოაქციეს და სით ლორდ დართ ვეიდერის მეთაურობით იქ მყოფი პადავანები და ნორჩები დახოცეს. რექსი 501-დან გაიქცა მას შემდეგ, რაც ტანო მისივე 66-ე ბრძანების შესასრულებლად გამზადებული სამხედრო რაზმისგან დაიცვა (რომელშიც კს-5597, იგივე "ჯესი" შედიოდა). ამ რაზმის ყველა სამხედრო დაიღუპა. კორუსანტზე 501-ის ნაწილი დამარცხდა ოსტატი ჯედაების იოდასა და ობი-ვან კენობისთან შეტაკებისას, როდესაც ჯედაებმა ტაძარში სიდიუსის მიერ საკუთარი თავის გალაქტიკური იმპერიის იმპერატორად გამოცხადებისას შეაღწიეს.
501-ე გარდაიქმნა იმპერიულ შეიარაღებულ ძალებად და იქცა შტორმტრუპერთა კორპუსად, რომელმაც კამინოზე კლონების წარმოების შეწყვეტის შემდეგ ჩვეულებრივი ადამიანების გაწვევა არჩია. მიუხედავად იმისა, რომ 501-ე როგორც ვეიდერის პირადი ლეგიონმა, ჩაანაცვლა პირველმა ლეგიონმა, 501-ე კვლავ არსებობდა და მის ბრძანებებს ემორჩილებოდა. შემდგომში იგი მონაწილეობდა პრინცესა ლეია ორგანას დაჭერის მსგავს მისიებში. გალაქტიკური სამოქალაქო ომის გადამწყვეტ ეტაპზე 501-ე მონაწილეობდა ჰოთის ბრძოლაში, სადაც იმპერიამ რესპუბლიკის აღდგენის ალიანსის განადგურება სცადა. მის აღსანიშნავ სამხედრო ოპერაციებს შორის საბოლოო იყო ენდორის ბრძოლა, რასაც, იმპერატორის აღსასრულისა და იმპერიის დამარცხების შემდეგ, მოჰყვა ლეგიონის დაშლა.
გამოჩენები[]
არაკანონიკური გამოჩენები[]
LEGO-ს ვარსკვლავური ომები: აღნიშნეთ სეზონი — "რაც მსურს სიცოცხლის დღეს"- LEGO-ს ვარსკვლავური ომები: აღნიშნეთ სეზონი — "შეჯიბრი ამოჭრაში"
- LEGO Star Wars: The Skywalker Saga
