- "ეს გუნდური ნაწარმოები, რომლებიც დაკავშირებულია სინათლის მახვილებით ბრძოლასთან და ფილმის ჟღერს, წარმოიშვა ჩემი ჩანაფიქრის შედეგად, შემექმნა რაღაც რიტუალური და / ან წარმართული და ანტიკური, რაც ეფექტური იქნებოდა."
- ―ჯონ უილიამსი
"Duel of the Fates" არის ჯონ უილიამსის მიერ 1998 წლის ოქტომბერში—1999 წლის თებერვალში ფილმ ფარული მუქარისთვის და მისი თანმხლები მუსიკისთვის დაწერილი მუსიკალური თემა. იგი ჟღერს თიდზე დუელისას, როდესაც ფილმის ბოლოს ერთმანეთს ებრძვიან, ერთ მხრივ სითი დართ მოლი, ხოლო მეორე მხრივ — ოსტატი ჯედაი კვაი-გონ ჯინი და პადავანი ობი-ვან კენობი. ეს კომპოზიცია ჩაწერილია ლონდონის სიმფონიური ორკესტრის მიერ, London Voices-ის გუნდთან ერთად, 1999 წლის თებერვალში, EMI-ს კუთვნილ Abbey Road Studios-ში, ლონდონში. კომპოზიცია ჟღერს პრიკველების ტრილოგიის სამივე ფილმში და შეტანილია ფარული მუქარის და კლონების შეტევის საუნდტრეკებში. მისი ნაწყვეტი აგრეთვე ჟღერს ფილმში სოლო: ვარსკვლავური ომების ამბავი, თუმცა საუნდტრეკში შეტანილი არ არის. მოტივი აგრეთვე გამოიყენება მრავალ ვიდეოთამაშში, რგოლში და ვარსკვლავური ომების ლეგენდების მედიაში, ისევე, როგორც ფარული მუქარის მუსიკალურ ვიდეორგოლში, რომელშიც თემის ჩაწერის დროს გადაღებული კადრები გამოიყენება.
თემა ძირითადად პოლიფონიურია, მი მინორის და სოლ მინორის ტონალობებში და მინორული სტილის, ტემპი არის 152, ხოლო თვლა — 4/4. კომპოზიციის ხანგრძლივობა შეადგენს 4 წუთს და 14 წამს. მასში ჟღერს სანსკრიტული ტექსტი, ნათარგმნი კელტურ ეპოს ხეთა ბრძოლიდან. 1999 წლის 4 მაისს ჩანაწერი გამოიცა საუნდტრეკის შემადგენლობაში, ხოლო მისი ნოტები დაიბეჭდა კრებულებში მუსიკა ფარული მუქარიდან, ვარსკვლავური ომები, ეპიზოდი II: კლონების შეტევა: რჩეული ორიგინალური საუნდტრეკიდან, ვარსკვლავური ომები: მუსიკალური მოგზაურობა: ეპიზოდები I-VI, რჩეული ვარსკვლავური ომებიდან, ვარსკვლავური ომები, ეპიზოდები I, II და III: ინსტრუმენტული სოლოები და ვარსკვლავური ომები დამწყებთათვის: სოლო პიანინოზე.
