Encyclopedia, რომელიც არსებობდა 2011 წლის 13 სექტემბრიდან 2014 წლის 1 ივლისამდე, იყო Databank-ის შემდგომი ვერსია და ვარსკვლავური ომების ერთადერთი ოფიციალური საჯარო ინტერნეტ-ენციკლოპედია. მას მოგვიანებით ჩაენაცვლა Databank.
ენციკლოპედია განთავსებული იყო StarWars.com-ზე. ყოველი სტატია, წარმოდგენილი მასში, შეიცავდა ბმულს Wookieepedia-ზე. მონაცემთა ბაზაში შეტანილი იყო ინფორმაცია მხოლოდ საგის ექვს ფილმზე და ტელესერიალზე ვარსკვლავური ომები: კლონების ომები, ხოლო ლეგენდებთან დაკავშირებული მონაცემები არ გამოიყენებოდა (თუმცა, საიტი აგრეთვე შეიცავდა ინფორმაციას, რომელიც უკავშირდებოდა კლონების ომებს, მაგრამ არ იყო წარმოდგენილი თავად სერიალში).