ᲕᲔᲚᲔᲜᲡᲘᲡ ᲞᲘᲠᲕᲔᲚᲘ ᲒᲐᲛᲝᲩᲔᲜᲔᲑᲘ, ᲐᲒᲠᲔᲗᲕᲔ...ᲐᲠᲐᲡᲝᲓᲔᲡ ᲣᲦᲐᲚᲐᲢᲝ ᲯᲘᲚᲓᲝᲖᲔ ᲛᲝᲜᲐᲓᲘᲠᲔᲡ — ᲒᲐᲜᲡᲐᲙᲣᲗᲠᲔᲑᲘᲗ ᲛᲐᲨᲘᲜ, ᲠᲝᲓᲔᲡᲐᲪ ᲘᲒᲘ ᲑᲝᲑᲐ ᲤᲔᲢᲘᲐ! წლების წინ ᲕᲔᲚᲔᲜᲡᲛᲐ და ჯილდოზე სხვა მონადირეებმა, ᲑᲝᲡᲡᲙᲛᲐ და ᲑᲝᲑᲐ ᲤᲔᲢᲛᲐ, წამოიწყეს მისია, რომელიც ვერ წარიმართა, მას შემდეგ, რაც ველენსის მასწავლებელმა, ᲜᲐᲙᲐᲜᲝ ᲚᲔᲨᲛᲐ, მათ უღალატა. ველენსის რაზმი რის ვაი-ვაგლახით გადარჩა. იგი არასოდეს ფიქრობდა, რომ ძველ დამრიგებელს ოდესმე კვლავ შეხვდებოდა...სანამ ლეში, იდუმალ ვითარებაში, კვლავ გამოჩნდებოდა. გალაქტიკაში ყოველ ჯილდოზე მონადირეს სურს, მიიღოს საკუთარი ლუკმა და ველენსს აკვიატებული აქვს მონაგების მიღება. საკუთარი ანგარიშები აქვს — ისევე, როგორც ბობა ფეტს! ᲘᲗᲔᲜ ᲡᲐᲙᲡᲘ ('ᲑᲔᲑᲔᲠᲘ ᲥᲝᲠᲘᲡᲗᲕᲐᲚᲘ' და 'ᲒᲐᲚᲐᲥᲢᲘᲙᲘᲡ ᲖᲦᲕᲐᲠᲘ') და ᲞᲐᲝᲚᲝ ᲕᲘᲚᲐᲜᲔᲚᲘ ('ᲕᲔᲘᲓᲔᲠᲘ: ᲑᲜᲔᲚᲘ ᲮᲘᲚᲕᲔᲑᲘ' და 'ᲯᲔᲓᲐᲔᲑᲘ: ᲓᲐᲪᲔᲛᲣᲚᲘ ᲝᲠᲓᲔᲜᲘ — ᲑᲜᲔᲚᲘ ᲢᲐᲫᲐᲠᲘ') ერთად გიამბობენ ჯილდოზე მონადირეთა თავგადასავალზე, რომელსაც მარტისთვის ელოდით!
შესავალი[]
ᲧᲕᲔᲚᲐᲖᲔ ᲓᲐᲣᲜᲓᲝᲑᲔᲚᲜᲘ ᲒᲐᲚᲐᲥᲢᲘᲙᲐᲨᲘ ᲜᲐᲬᲘᲚᲘ 1 კორელიის აჩრდილები
აჯანყებულთა ალიანსი ჰოთის ბრძოლის შემდეგ არ დამარცხებულა. იმპერია გაორმაგებული ძალისხმევით ცდილობს, გაანადგუროს თავისუფლების მიმობნეული მებრძოლები.
სანამ სამოქალაქო ომი გალაქტიკას იპყრობს, დამნაშავეთა სამყარო აყვავების გზაზეა. კონტრაბანდისტები, დაქირავებული მეომრები და ქურდები ემსახურებიან კრიმინალურ სინდიკატებს და კარტელებს, რომლებიც ერთმანეთს ეჯიბრებიან გავლენის, ტერიტორიების თუ სარგებელის მოსაპოვებლად.
გამოცდილი და ულმობელი ჯილდოზე მონადირეები — გალაქტიკის ყველაზე საზარელ მკვლელთა წარმომადგენლები — დაეხეტებიან სისტემებში, რათა დაიჭირონ ძებნილი დამნაშავეები ყველაზე დიდი გასამრჯელოს სანაცვლოდ. მათგან სამი — ველენსი, ბოსსკი და ბობა ფეტი — ყველაზე საუკეთესოთა სახელს ატარებენ. და ერთმანეთთან წარსული აკავშირებთ — რომელიც სახიფათო შეტაკებამდე მიიყვანს.