Star Wars: The Old Republic, აგრეთვე ცნობილი როგორც The Old Republic, SWTOr ან TOr, არის მასიური მრავალმოთამაშიანი ონლაინ როლური თამაში, რომელიც შეიმუშავა და გამოუშვა BioWare-მა, Electronic Arts-ის შვილობილმა კომპანიამ.
Star Wars: The Old Republic-ის გამოშვება დაგეგმილი იყო 2005 წლისთვის, Star Wars: Knights of the Old Republic-ის და Star Wars: Knights of the Old Republic II: The Sith Lords-ის გაგრძელების სახით. მისი გამოშვების შესახებ ცნობილი გახდა 2008 წლის 21 ოქტომბერს. თამაში გამოვიდა 2011 წლის 20 დეკემბერს. მას შემდგომში მოჰყვა რომანების სერია ძველი რესპუბლიკა, ისევე, როგორც კომიქსები იმპერიის სისხლი, მშვიდობის საშიშროება და დაკარგული მნათობები, მოთხრობები და სხვა მასალები.
გამოვიდა თამაშის რამდენიმე გაფართოებაც. პირველი მათგანი, Rise of the Hutt Cartel, გამოჩნდა 2013 წლის აპრილში. Galactic Starfighter აქტიური აბონენტებისთვის გამოვიდა 2013, ხოლო სხვა მომხმარებლებისთვის — 2014 წელს. მესამე გაფართოება, Galactic Strongholds, გამოჩნდა 2014 წლის აგვისტოში, ხოლო მეოთხე, Shadow of Revan — 9 დეკემბერს. კიდევ ორი გაფართოებით, სახელწოდებებით Knights of the Fallen Empire (27 ოქტომბერი, 2015) და Knights of the Eternal Throne (12 დეკემბერი, 2016) თამაშმა თხრობის ახალი განვითარება შეიძინა — მოვლენათა შუაგულში აღმოჩნდა ახალი ფრაქცია, სამარადისო იმპერია. 2019 წლის 13 აპრილს ცნობილი გახდა, რომ გამოიცემოდა მეშვიდე გაფართოება, Onslaught. იგი ოფიციალურად გამოვიდა 2019 წლის 22 ოქტომბერს. Legacy of the Sith, დღეისთვის უკანასკნელი გაფართოება, გამოვიდა 2022 წლის 15 თებერვალს.
შენიშვნები და სქოლიო[]
გარე ბმულები[]
- ოფიციალური საიტი
- Star Wars: The Old Republic (@starwarstheoldrepublic) Facebook-ზე
- Star Wars: The Old Republic (@swtorofficial) - Instagram
- The Old Republic (@swtor) Twitter-ზე
- swtheoldrepublic YouTube-ზე
- Star Wars: The Old Republic ვიკიპედიაში
- Star Wars: The Old Republic Internet Movie Database-ში
- Star Wars: The Old Republic Star Wars: The Old Republic-ის ვიკიში